عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 03-02-2007, 12:07 PM   #1
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
Angry اللي يخبر لي ماطور كهرب .. بلاعدادات بلاهم

السلام عليكم ورحمة الله وبركاته
كنت في الدوام صباح اليوم ...ووصلتني رسالة جوال ...فتحتها..أثاريها فاتورة الكهرب .. المبلغ مبالغ فيه
قلت لعلهم ضايفين الفاتورة السابقة مع هذي مع إني مسدد الأولى ..وماعمري خليت أي فاتورة تتأخر ... جيت البيت ..وقفت ..لقيت الفواتير تستقبلنا...فتحت بابا العداد .. أخذت الفاتورة ..لقيتها نفس المبلغ ..ولافيه رصيد سابق ...( المؤسس ياخي حط لنا وجيه محزنة بالإختصار اللي على اليسار على الأقل هالأيام )
وقفت مندهشا ...وإليكم قصاصة المبلغ

طلع جاري من بيته ...سلمت عليه من بعيد .. قلت له من بعيد أبو سليمان وراه الفواتير مرتفعة .. قال وش لون ..وأنا اللي امشي لمه ..وهو يمشي لمي ..ونوقف عند عداد الكهرب حق بيته ... وأناظر عداد الكهرب حق بيته قلت له الفواتير صدرت حقتك ..واعطيها أياه ويوم شافها وهو اللي ينلفع ... طبعا عنده عدادين .. قال شف تكفى ..وأشوف ...أثر وحدة منهن 400 وزيادة ...والثانية 200 وزيادة ... قال المشكلة ان الفاتورة السابقة أقل من نصف هالفاتورة ..
قلت له يابوسليمان الله يسلمك أنا بمثل هالوقت من العام ماتوصل 100 ريال ...
شف شف << هذا أنا اهارج أبو سليمان
شف يابوسليمان عدد الأيام ..مكتوب 42 ..تتوقع وش المقصود من هذي هل يقصدون عدد بطولات الهلال بس ناقص منهن 3 ؟
قال تراه مهوب وقت الإستهبال لا هالحين ادخل راسك بعداد الكهرب ...
المهم تملكتنا الحيرة ...وش ذا ... يعني شافوا كل شي ارتفع ويبون ياخذون نصيبهم من كعكة المواطن .. لاحول ولا قوة إلا بالله
قال ابو سليمان كم رقم تلفونهم .. قلت مكتوب 3333773 بالفاتورة
اتصل عليهم وكان مشغول ...
المهم وقبل أكتب هالموضوع اتصل علي وقال انهم ردوا علي ..وسألتهم ليش هالزيادة ..قالوا عندك أكيد دفايات كهرب ..قال ماعندي إلا وحدة وقاز بعد ..
المهم سأله وش المقصود ان عدد الأيام صارن 42 ... قال له الموظف حنا أخذنا حق إجازة الربيع مقدم ... قال وش لون تاخذونه مقدم .. قال لأننا كموظفين نبي نكون بإجازة بهذا الوقت من العام
قال له أبو سليمان وش هالهرج ..تاخذون حق إجازة الربيع ؟؟
طيب فيه ناس تبي تسافر ...وفيه ناس يبي يقل استهلاكها ...
الصراحة أنا استغربت ...وش لون يحسبون هالأيام << هزيم الرعد يفكر
والله شر البلية ما يضحك ياجماعة
أي << هذا ولدي بقصن وانا أكتب ...ايه نكمل
المهم هو لزم على اللي يكلمه ان المبلغ عالي جدا ..قال له اجل رح إقرأ لي العداد ... قال زين ... طلع أبو سليمان لم العداد..وأخذ القراءة ورجع وأعطاه إياه ..قال مهوب معقول هالرقم تأكد منه مرة ثانية
قال أبو سليمان طيب ... ويروح أبو سليمان ويأخذ نفس القراءة
قال القراءة مختلفة عن اللي عندي ...ابطلع إن شاء الله الظهر عشان أتأكد من القراءة
قلت لأبو سليمان ..على كذا كل حارتنا قراءة عداداتها خطأ في خطأ نبي نكتب إعتراض وماحناب مسددين الفاتورة لو ياشيخ نركب مواطير كهرب ...ماراح نلاقي مشاكل إلا باللحم ...نبي نملحه ونشره بالحوش .. ونخليه قفر ..عاد تخيل قفر دجاج ماله داعي

أنا قلت لأبو سليمان لازم نروح نسوي احتجاج قدام الشركة ..كل رجال حارتنا ..ونحط لوحات مكتوب عليها ...تسقط شركة الكهرب اللي ماتعرف تقرأ العدادات وتأخذ حق أيام عطلة الربيع مقدما
قال هزيم
قلت سم
قال تكفى اص ولا يكثر
كثر قرقي ياجماعة .. بس والله من القهر
ياشركة الكهرب اتقوا الله فينا ..
وسامحونا
__________________

آخر من قام بالتعديل هزيم الرعد; بتاريخ 03-02-2007 الساعة 12:10 PM.
هزيم الرعد غير متصل  

 
قديم(ـة) 03-02-2007, 12:27 PM   #2
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
للحق
اتصلت على شركة الكهرب قبل قليل ...وقال لي الموظف ان عدد الأيام زاد لأنهم ناسين قراءة العداد أيام العيد ...يعني العيد اللي طاف ...مهوب مثل ماسمعت من جاري انه حق الأيام القادمة
وسألت الموظف ليش هذي الزيادة قال حتى حنا ماندري ..وقال ان فاتورتك قبل الأخيرة كانت 90 ريال ...لكن هالزيادة أمر غريب فعلا
قلت له طيب الزيادة بالرس فقط ؟
قال لا حتى في عنيزة وبريدة ..تأتينأ أخبار من الزملاء هناك بأن فيه زيادة
شكرته على حسن تقبله لإستفساراتي وسعة صدره وانهيت المكالمة
المفروض في هذه الحالة ان شركة الكهرب وبما انه فيه خلل انها تعطي نفس كمية الإستهلاك في نفس الفترة من العام الماضي ..وتصدر عليها فواتير
المسألة فيها خلل
هذا الخلل نتحمله حنا ؟
غير معقول
هزيم الرعد غير متصل  
قديم(ـة) 03-02-2007, 12:33 PM   #3
عضو مبدع
 
تاريخ التسجيل: Oct 2005
البلد: الشرق الأوسط...!!
المشاركات: 1,430
قوة التقييم: 0
Big_Brother is on a distinguished road
(((يعني شافوا كل شي ارتفع ويبون ياخذون نصيبهم من كعكة المواطن )))

وين الكعكة..؟؟

حنّا كعكة ..!! ولاّ علكة..!!

إمحق من كعكة..

حنّا صرنا بعد "الأسهم" و "الغلاء" .."مجمار" مليان رماد..والحمدلله على كل حال..

شكرا لك عزيزي هزيم على السرد الرائع ..المضحك المبكي..والقادم أحلى ..
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
Big_Brother غير متصل  
قديم(ـة) 03-02-2007, 01:00 PM   #4
 
صورة عشقي تيماوي الرمزية
 
تاريخ التسجيل: May 2006
البلد: تحت آغصان الجنه
المشاركات: 3,159
قوة التقييم: 0
عشقي تيماوي will become famous soon enough
الله يرجك يالخبل .... ياحبيلك بعد وانت تتشكى ... احس انك حيبيب بقوووه ....!!

اقتباس:
هل يقصدون عدد بطولات الهلال بس ناقص منهن 3 ؟
فيه ناس بتجيهم حساسيه اذا قرو الموضوع ...

اقتباس:
قالوا عندك أكيد دفايات كهرب
اشوف ابوي ناشبنبي هاليومين ... طف الدفايه طف الدفايه .... الجو زين ماهب برد ... اثر ابو الشباب منصدم مثلكم ..!!

اقتباس:
أنا قلت لأبو سليمان لازم نروح نسوي احتجاج قدام الشركة ..كل رجال حارتنا ..ونحط لوحات مكتوب عليها ...تسقط شركة الكهرب
ياروحي على التفكير ياشيخ ... والله انك خطير وتصلح تسير حق انتخابات ..

على العموم دوك هالقصيده ...!! للشاعر ( احمد مطر )


ترك اللص لنا ملحوظه
فوق الحصير
جاء فيها :
لعن الله المسؤول
لم يدع شيئا لنا نسرقه
غير الشخير
__________________

آخر من قام بالتعديل عشقي تيماوي; بتاريخ 03-02-2007 الساعة 01:08 PM.
عشقي تيماوي غير متصل  
قديم(ـة) 03-02-2007, 01:29 PM   #5
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها Big_Brother مشاهدة المشاركة
(((يعني شافوا كل شي ارتفع ويبون ياخذون نصيبهم من كعكة المواطن )))


وين الكعكة..؟؟

حنّا كعكة ..!! ولاّ علكة..!!

إمحق من كعكة..

حنّا صرنا بعد "الأسهم" و "الغلاء" .."مجمار" مليان رماد..والحمدلله على كل حال..


شكرا لك عزيزي هزيم على السرد الرائع ..المضحك المبكي..والقادم أحلى ..
والله ياخوك ما أدري ...اسمع وأقرأ هالعالم تقول الكعكة ..,أنا مع الخيل ياشقراء ...
أجل صرنا مجمار ... صدقت ...
شاكر لك مرورك وتعليقك
__________________
هزيم الرعد غير متصل  
قديم(ـة) 03-02-2007, 01:36 PM   #6
عضو أثري
 
تاريخ التسجيل: May 2002
البلد: غير معروف
المشاركات: 12,708
قوة التقييم: 30
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
اقتباس:
المشاركة الأساسية كتبها عشقي تيماوي مشاهدة المشاركة
الله يرجك يالخبل .... ياحبيلك بعد وانت تتشكى ... احس انك حيبيب بقوووه ....!!

الله يرجنا وإياك بالعافية ياعشقي تيماوي ...وينك وين الدنيا بك منقطع عن الموقع ..ربي محييك ..بالنسبة للحبابة ...إيه حبيب بس كلش ولا المخباة

فيه ناس بتجيهم حساسيه اذا قرو الموضوع ...

ايه وانت صادز ...


اشوف ابوي ناشبنبي هاليومين ... طف الدفايه طف الدفايه .... الجو زين ماهب برد ... اثر ابو الشباب منصدم مثلكم ..!!

والله تلقاه مغير يشوف هالفواتير تضرب بالعلالي وأنت ماهمك ولا تدري عن شي ..مغير منسدح جنب دفاية الكهرب وتحسحس شعر رجلينك وانت ماجبت خبر والشايب يسدد .. الله يخليه لكم


ياروحي على التفكير ياشيخ ... والله انك خطير وتصلح تسير حق انتخابات ..

أنا ادئما آخذ بمبدأ ياعشقي تيماوي ... مبدأ الضرب بيد من فلين على كل مخطئ

على العموم دوك هالقصيده ...!! للشاعر ( احمد مطر )


ترك اللص لنا ملحوظه
فوق الحصير
جاء فيها :
لعن الله المسؤول
لم يدع شيئا لنا نسرقه
غير الشخير
من ناحية الشخير .. ليتهم سارقينه على دربهم وفاكيننا منه ...خصوصا إذا صرت بالبر وطحت لك بناس ماشاء الله إذا شخر تقول راعي وايت يطلع الليات من المواصير اللي بجنب دبة الوايت
عشقي تيماوي ... شاكر لك مرورك ...ويامال العافية
هزيم الرعد غير متصل  
قديم(ـة) 03-02-2007, 01:44 PM   #7
 
صورة فيصل العلي الرمزية
 
تاريخ التسجيل: Sep 2005
المشاركات: 28,894
قوة التقييم: 0
فيصل العلي will become famous soon enough
يا خي يسرقونك عيني عينك

مرة من المراريت جت فاتورة بيتنا مثل فاتورة جارنا اللي بأقصى الشارع

والله ياناس نفس المبلغ بالضبط حتى بالهللات

تحياتي هزيم >>> وجه محبط يشاطرك الأحزان
__________________
-
-
فيصل العلي غير متصل  
قديم(ـة) 03-02-2007, 02:10 PM   #8
Banned
 
تاريخ التسجيل: Oct 2005
المشاركات: 2,827
قوة التقييم: 0
صوت الرس is on a distinguished road
اقتباس:
المشاركة الأساسية كتبها هزيم الرعد مشاهدة المشاركة
السلام عليكم ورحمة الله وبركاته

شف يابوسليمان عدد الأيام ..مكتوب 42 ..تتوقع وش المقصود من هذي هل يقصدون عدد بطولات الهلال بس ناقص منهن 3 ؟
قال تراه مهوب وقت الإستهبال لا هالحين ادخل راسك بعداد الكهرب ...


هلا هزيم
عقب ذي ليته دخل راسك بالعداد

سرد كوميدي
لواقع تراجيدي

أعاننا الله وإياكم

ولك ودي
صوت الرس غير متصل  
قديم(ـة) 03-02-2007, 03:10 PM   #9
عضو مبدع
 
تاريخ التسجيل: Mar 2004
البلد: أديليـد الأسترالية
المشاركات: 1,381
قوة التقييم: 0
ابو مها is on a distinguished road
حيا الله هزيموه ..

والله الفاتورة ماشفته الا اللحين ابطب عليه واعلمك كم هالشهر :)

لكن العام تخيل جتني اربع فواتير شوال وذي القعدة وذي الحجة ومحرم 10 ريال فقط كل فاتورة بس رسم العداد قبل يزودونه 15 يعني مجموعهن 40 وانا اللي اطير عيوني :)
ولا خليت ابن ابوه الا وريته اياه من الفرحة واميمتي تقولي لاتستانس ياخوفي الشهر الجاي جامعينهن علينا هاذي مقولته الشهرية واقول لا لاتسيئين الظن مانصرف الا 10 ريال حنا اقتصاديين :)

وعقب هالوناسة 10 ريال طبت علينا 150 !!! ومن عقبه الى الشهر الماضي وهي مندلقة بالمياااات ..

واتوقع ان اللي يقرون الفواتير ماعندك أحد :)
__________________
زمانك لو صفالك يوم فلا تحسبه صفالك دوم ** وعينك لاهتنت بالنوم ترى الايام غداره
ابو مها غير متصل  
قديم(ـة) 03-02-2007, 03:15 PM   #10
عضو مبدع
 
تاريخ التسجيل: Jul 2005
المشاركات: 1,411
قوة التقييم: 0
وجهة نظر2 is on a distinguished road
علشان 15% توهم يتذكرون
وجهة نظر2 غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
...بـــــــــــــــاقي فــــــــــــــــرح...... % دنيـا الـولـه % المنتدى الأدبي والشعر و الألغاز 202 20-02-2007 07:48 PM
الى خالد الغالي...( قصه واقعيه رائعه)..؟؟ مايختلف عليها2 المنتدى الأدبي والشعر و الألغاز 8 02-02-2007 05:18 AM
قمر خالد..............................((((رواية خليجية)))) المنسم المنتدى الأدبي والشعر و الألغاز 142 18-12-2006 08:46 AM
♥ قصة هذي وردة للهوى هذي جروحك♥ كل الفخر رساوية المنتدى الأدبي والشعر و الألغاز 9 14-09-2006 10:27 AM
(روايه بشروه اني ابرحل)لاتفووووووووووتكم n0os0o المنتدى الأدبي والشعر و الألغاز 5 07-08-2006 02:38 AM


SEO by vBSEO 3.6.0 ©2011, Crawlability, Inc.