العودة   منتديات الرس اكس بي > منتديات الرس اكس بي > تاريخ الرس و الأدب و الشعر
التعليمـــات التقويم اجعل كافة الأقسام مقروءة

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

موضوع مغلق
 
أدوات الموضوع انواع عرض الموضوع
قديم 16-02-2007, 01:01 PM   #1
مين قدي هلاليه
عضو ذهبي
 
الصورة الرمزية مين قدي هلاليه
 
تاريخ التسجيل: Dec 2006
المشاركات: 2,300
معدل تقييم المستوى: 0
مين قدي هلاليه is on a distinguished road
Talking العريس الذي نسي زوجته على طريق القصيم

سالفة العريس اللي نسى زوجتــه
هذا واحد توه معرس و خلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم
والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد


الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط


في الوقت نفسه البنت كانت حشــرانه ومتوهقه انها بس تتكلم عشان تقوله ابي الحمام الله يكرمكم


عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه

المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم ببسي حق الطريق

هو كان وده يخذ له شريط لمـــيحـد حــمـد عشان يسليه في الطريق بس
خبركم توه معرس وبايخه مشغل ميـحـد حـمـد الناس تشغل عبد الحليم ولا ام كلثوم خذلك


البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت يابنت بيمديني اطمر واخلص وارجع قبل لا يرجع هو من البقاله


المهم المسكينه راحت واخذت وقتها


اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسسسسسس


البنيه المسيكينه طلعت وهي مرتاااااااااااااااحه و نقص من وزنها كم من كيلووووو <_

وتناظر يا بنت وين السياره ... وتتلفت ما تشوف غير الهنود حق المحطه وابو يمن الليٌ حق البقاله


عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع


شوي ما وعت الا ذ1ك الجمس اللي مقبل يوم وقفوا عند البقاله الي جنبها
وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها

قالت قومي اطمري نلحق على زوجك

ويعبون بنزين ويدعسون وراه


نعود الآن لصاحب الفصفص
اخينا في الله مريح وماشي< ولاا على بالـوٍ .. بعد ما لقوه في الخط على بعد نص ساعة


عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك


اكيد الرجال دعسسسسسسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا

والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع
نورا لجمس اللي في الداخل عشان العريس يشوف ان اللي في الجمس عائله


وأخيراااااااااااااا .. انتبه و يوقف ... قال وش عنده ذا


ونزل وهو معصب


عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا


يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها
ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك.. المهم راعي الجمس سلم وقال له اخوي ما كأنك مضيع لك شي


قال له العريس ... لا ولله ما ضيعت شي

قال له تأكد

قال العريس ... وشلون

قال راعي الجمس .. رح طل في سيارتك شف في شي ناقص لك

العريس قام يوسوس حتى المشكله مرته ما جت على باله

المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه

ويوم لون وجهه بدا يميل للكرت الاحمر.. ووووووووين راحت المره

ورجع لراعي الجمس وقال هات السالفه 00

قال يا ولد مرتك لقيناها عند المحطه انا واهلي وقالت لنا انها
نزلت للحمام وانت مشيت ولا دريت عنها 00

عاد العريس كل انواع النفاضات نزلت عليه تلعثم ولا قدر يتكلم


المهم راعي الجمس راح وقال للعروسه يلااا طسي عند زوجك شوفيه متصوووومع عليك


المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .


وتقول لا تزعل مني انا كنت مستحيه اني اقولك اني طول الخط وانا حشـرانه .. وانت مشاء الله عليك ركبت السيارة وانطلقت


هههههههههه <== يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق ..
__________________
مين قدي هلاليه غير متواجد حالياً  
قديم 16-02-2007, 01:20 PM   #2
تاج القصيم
عضو مبدع
 
الصورة الرمزية تاج القصيم
 
تاريخ التسجيل: Jan 2007
الدولة: العاصمة الحبيبة
المشاركات: 1,402
معدل تقييم المستوى: 0
تاج القصيم is on a distinguished road
افتراضي

والله قصة رائعة مرررررره

مشكور يا خوي على هذه القصة

والله أن العريس اكمخه المفروض يتأكد قبل ما يمشي

خيره بغيره مع تحيات عضو تاااج القصيم
تاج القصيم غير متواجد حالياً  
قديم 16-02-2007, 01:35 PM   #3
ღ Red Roze ღ
عضو فذ
 
الصورة الرمزية ღ Red Roze ღ
 
تاريخ التسجيل: Nov 2006
المشاركات: 7,430
معدل تقييم المستوى: 0
ღ Red Roze ღ will become famous soon enough
افتراضي

للة يوسع صدرك بالايمان

ღ Red Roze ღ غير متواجد حالياً  
قديم 16-02-2007, 08:00 PM   #4
مين قدي هلاليه
عضو ذهبي
 
الصورة الرمزية مين قدي هلاليه
 
تاريخ التسجيل: Dec 2006
المشاركات: 2,300
معدل تقييم المستوى: 0
مين قدي هلاليه is on a distinguished road
افتراضي

تاااج القصيم واالله أنتي الرااائعه والا الموضوع عادي....................
__________________
مين قدي هلاليه غير متواجد حالياً  
قديم 16-02-2007, 08:02 PM   #5
مين قدي هلاليه
عضو ذهبي
 
الصورة الرمزية مين قدي هلاليه
 
تاريخ التسجيل: Dec 2006
المشاركات: 2,300
معدل تقييم المستوى: 0
مين قدي هلاليه is on a distinguished road
افتراضي

الله يعاااااافيك......ياااورده.......مشكوره على المرور..............
__________________
مين قدي هلاليه غير متواجد حالياً  
قديم 16-02-2007, 08:31 PM   #6
عاشقة ك كــات ت
عضو بارز
 
تاريخ التسجيل: Feb 2007
المشاركات: 470
معدل تقييم المستوى: 0
عاشقة ك كــات ت is on a distinguished road
افتراضي

هذا وهو توه طالع من الفرح

مــــــألت عليه من رجل
خخخ
شكرا على القصه
عاشقة ك كــات ت غير متواجد حالياً  
قديم 16-02-2007, 11:11 PM   #7
البررررررررنس
عضو
 
تاريخ التسجيل: Feb 2007
المشاركات: 11
معدل تقييم المستوى: 0
البررررررررنس is on a distinguished road
افتراضي

مشكوووره خيتوووو هلاليه على القصه الرائعه

والله يعطيك العافيه

وتقبلي مروري

البررررررررنس
البررررررررنس غير متواجد حالياً  
قديم 17-02-2007, 04:23 AM   #8
% دنيـا الـولـه %
عضو فذ
 
تاريخ التسجيل: Dec 2005
الدولة: JaPaN
المشاركات: 6,283
معدل تقييم المستوى: 0
% دنيـا الـولـه % is on a distinguished road
افتراضي

ههههههههههههههههههههههههههههههه
هههههههههههههههههههههههههههههههههههههههههه


يسلمووووووووووو
__________________
|● ياحلم وين المشكله لو تحققت ~ }
% دنيـا الـولـه % غير متواجد حالياً  
قديم 17-02-2007, 05:19 AM   #9
بـائــعــة الـــــورد
عضو مبدع
 
تاريخ التسجيل: Nov 2005
الدولة: ارض الاحـــلااااام
المشاركات: 1,295
معدل تقييم المستوى: 0
بـائــعــة الـــــورد is on a distinguished road
افتراضي

__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بـائــعــة الـــــورد غير متواجد حالياً  
قديم 17-02-2007, 09:25 PM   #10
mgroo7
مشرف منتدى التصاميم والصور
 
الصورة الرمزية mgroo7
 
تاريخ التسجيل: Aug 2006
الدولة: my room :$
المشاركات: 3,804
معدل تقييم المستوى: 16
mgroo7 will become famous soon enough
افتراضي

هههههههههه مسكينة >>> تنرحم
__________________
Done



.
mgroo7 غير متواجد حالياً  
موضوع مغلق

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موضي .... حلم يموت تحت الأقدام الطموح تاريخ الرس و الأدب و الشعر 13 06-04-2007 02:33 AM
هذا هو صخر وهذا منهجه ... وهذا ردي على التهم صخــر المنتدى العام و الأخبار المتنوعة 37 13-02-2007 10:10 PM


الساعة الآن 05:27 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir