العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

موضوع مغلق
 
أدوات الموضوع انواع عرض الموضوع
قديم 12-03-2007, 09:12 PM   #1
جروح الوقت
عضو مميز
 
تاريخ التسجيل: Mar 2006
المشاركات: 260
معدل تقييم المستوى: 0
جروح الوقت is on a distinguished road
افتراضي قصتي مع الذبااااااااااااااااااب

[GLOW="3300FF"],,,,,وإن يسلبهم الذباب شيئا لا يستنقذوه منه ضعف الطالب والمطلوب ..


الذبااااااااااااااااااااب ..
الذبااااااااااااااااااااب ..
الذبااااااااااااااااااااب ..

الصراااحة هاليومين بداء موسم الذبابين ..
وصاااااااااااارت الذبابين تزاحمنا بأكلنا وشربنا .. وحتى بسيارااااااتنا .. وبيوتنا ..
وأظن إن ( ريد ) و ( بف بااااااف ) جت حاجته عااااااااااااشت أياااااااامه ..

أمس كنا كااااااااااااشتين بالبر ..
<<((== وإلا عندك نية تكشت بالبحر ياهدر ..

وما أن وصلنا .. ونزلنا فرشاتنا .. وصفينا عفشنا .. إلا ونستقبل بكل حفااااوة وتكريــ(ـه )
من هالذبابيين ..

<<((== صفينا عفشنا .. وراه الأخ يبي يبسط بهن ..
<<((== إفطنوا لوه ترى بدت تهج بوه ..


وكل غرض تنزله .. لازم يوقع على إستلاامه وتسليمه السيد ( ذباب )

أنا ماأدري ليه .. الفراشات والنحل .. على الزهور والورود ..
وحنا مايوقع عندنا إلا الذبابيين .. وش قصدهن يعني ..


***************


حطينا الفرشة .. ونزلنا فطورنا وقهوتنا وشاهينا .. وبدأنا على بركة الله بالفطور ..
( الجبنة البيضاء ) وقع عليه ذباب أسود .. وعندنا واحد شوفوه ضعيف يقول ..
ماشاء الله .. حتى الجبن صاروا يحطون عليه الحبة السوداء ..
قلنا لوه بالهناء والعاافية .. إفرم بس يالبي إفرم ..


***************

وحطينا البيالاااااااااات على السفرة .. يبلصن من النظااافة .. ولا وقع عليهن ولا ذباب ..
وبسلم موسيقي .. ومع صوت ( صب الشاااهي ) تتغتتووغتتتتتتتتغ ..
ألا ويرد عليه الصوت هاااااك الذباب قائلاً .. وزززززززززززز .. ويوقع على البياااااااالة ..
ومن شدة لقاااافته .. بداء بالنزول .. شيئاً فشيئاً .. شيئاً فشيئاً ..ويمد أحد رجليه ..
ليذكرني بنا .. وحنا عند أحد هالشعبان .. نرفع ثيابنا .. همن نمشي شوي شوي وندخل رجلينا على الماء شوي شوي .. ولم نسلم من مسطة على الطين ..
وحتى الذباب لم يسلم من ( طيحته ) بالشاااااااااااااااااااهي ..
وإمتثالاً لأمر قدوتنا وحبيبنا محمد صلى الله عليه وسلم .. ( غمست الذباب كامل بالشاااااهي )
حتى الحق جناح الدواء بالداء .. همن لقطته بإصبعي وهو مبلل ..
وشفطته شفطه شديدة .. وقلت له ..
جيت عند البياله ناشف .. لازم ترجع ناشف .. ياولد قريح .. وطيرته ..



***************


بعد الفطور .. قالوا الشباب .. نبي نروح نتمشى ونتفرج على هالربيع ..
وركبنا السيارة .. وتشوف القزازه منقوشة بالسوااااد المتحرك وكأنه أحلى لوحة فنية ..

ونفتح الدراااااايش .. وماغير ملاااااااااااااااحق بهالذبابيين ..
حتى أيقنا بأنه مابقي ولا ذبااااااااااااااااب بالسيارة ..

ولكن بعد مامشينا ومع شيلااااااااااات ابو صااالح .. بشريط أطلااااااااال ..
إلا وأحس بشي يحك رجلي .. قلت يمكن طرف الثوب ..
لكن زادت الحكة .. ورفعة رجلي بسرعة وتصبخ بالطبلون ..
ويطلع السيد ذباااااااااااااااااااااب وكأنه يقول ( وش فيه .. وش صاير )
وأفتح الدريشة وأهشه أبيه يطلع .. ويديور ويرجع فوق الطبلون ..
قلت هين بس .. واصبخ بالطبلون .. ومن قوة الصبخة _( كح )_ حامد الضبعان ..
وقالي وش بك يابو إبراهيم ..
قلت لاماعليك أبطرد هالذباب عندي .. قال يعني أكمل .. قلت إيه كمل .. ترى ماحناب فاضينلك ..
بلشين بهاللي عندنا ..

ويطير الذباب ويلصق بالدريشة .. وافتح شوي شوي علشان يطلع .. وكأنب به .. وهو يناظرن ويقول لي ..
علينا .. سواه غيرك من طوال الشوارب وعجزو ..

قلت هين بس .. وأفتح الدريشة كله .. ابيه يطلع .. ويقوم وينزل تحت .. قلت بكيفه بقريح ..

والشباب مستانسين مع هالمناظر .. وأنا بلشن بهالذباب ..


مرينا بطريق كله شجر .. وشد إنتباهي كثرة الشجر ..
شوي .. وأحس بقرصة بإصبع رجلي الكبير .. وأرفع رجلي بقوة ..
وتضرب ركبتي بالدركسون .. ونشمع ونخم بالشجرة .. ويصبخ راسي بالقزازاة ..
مااقول إلا حسبي الله عليك ( ذباب .. )

****************



التفت على أخوياي وقالوالي .. انت ثور .. أنت بزر .. تحط عقلك بعقل ذباب ..
خلااااص خله متى ماطلع ..

وأشوف الذباب موقع على البطلون .. وأحس إنه يناظرن ويضحك علي ..
واسمع ( حامد ) يقول للذباب ( تكفى غير محلك .. ) لايصبخ هالثور بهالطبلون يطير حواجبي ..

ومن يوم شافن الذباب تاركه .. وهو ماغير رايح جاي من قداام وجهي ..
وأنا اناظره وودي افرمه من القهر .. حتى وصلنا الى محلنا ..

وقفنا السيارة .. وأول من نزل السيد ( ذباب )
ماأدري كأنه قاطن معنا بالكشته ..





***************



بعده قلت للشباب ماشاء الله .. افطرنا وتمشينا .. وش رأيكم نخلي غدانا ببيوتنا افضل ..
ترانا ماحناب قاوين هالذباب ..

وفعلاً أعلنا إستسلامنااااا و ضفينا قشنا .. وودعنا المكاااااااااان ..
وتركناااااااااه للسيد ( ذباب )

سي يو ..
,,,,,[/GLOW]
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
جروح الوقت غير متواجد حالياً  
قديم 13-03-2007, 01:35 AM   #2
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Talking



اقتباس:
لكن زادت الحكة .. ورفعة رجلي بسرعة وتصبخ بالطبلون ..
ويطلع السيد ذباااااااااااااااااااااب وكأنه يقول ( وش فيه .. وش صاير )
اقتباس:
( الجبنة البيضاء ) وقع عليه ذباب أسود .. وعندنا واحد شوفوه ضعيف يقول ..
ماشاء الله .. حتى الجبن صاروا يحطون عليه الحبة السوداء ..
قلنا لوه بالهناء والعاافية .. إفرم بس يالبي إفرم ..
اقتباس:
وإمتثالاً لأمر قدوتنا وحبيبنا محمد صلى الله عليه وسلم .. ( غمست الذباب كامل بالشاااااهي )
حتى الحق جناح الدواء بالداء .. همن لقطته بإصبعي وهو مبلل ..
وشفطته شفطه شديدة .. وقلت له ..
جيت عند البياله ناشف .. لازم ترجع ناشف .. ياولد قريح .. وطيرته ..





`•.¸¸.•¯`••._.• ( هـهـهـهـهـهـهـهـهـهـاااي ) `•.¸¸.•¯`••._.•
هـهـهـهـهـهـهـهـ مفهيهـ هالذبانهـ
حاط عقلك بعقلها ككك ..
من جد كل سطر أحلى من الثاني ..
ضحكت من قلب كككك ..
أنتظر جديدك
ألف عافيهـ ..




__________________
بسمـة ألــــــم غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أقوى شريط سمعته في حياتي(هذه قصتي للمدمن التائب يوسف الصالح) عاشق الحرف الرحلات و التصوير و التقنيات 3 13-03-2007 08:44 AM
اليوم سكون قصتي مؤلمة جدا لأني سأحكيها لكم من داخل مغسلة الأموات !! ولد الراجحيه تاريخ الرس و الأدب و الشعر 2 01-03-2007 10:56 PM
قصتي مع وليد الحادي المنتدى العام و الأخبار المتنوعة 18 03-12-2006 06:48 PM
قصتي مع النسكافية(الحلقة الثانية) فارس الظلام الرياضة و السوالف و التواصل 4 28-11-2006 06:10 PM


الساعة الآن 07:49 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir