عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 02-04-2003, 12:14 PM   #1
عضو مبدع
 
تاريخ التسجيل: Feb 2003
البلد: الرس
المشاركات: 2,297
قوة التقييم: 17
ســـلــمــان is on a distinguished road
Talking بنت تصرح برغبتها بالزواج تدرون ليه

السلام عليكم .....

هذي القصه ارجو من البنات اخذ العبره




"" أبي أعرس ...... زوجوني "
نزلت هذهي الكلمات مثل الصاعقة على الأم كانت صدمة لها مع أن المفروض أن كل أم تفرح لما تسمع هالكلمة من واحد من عيالها لكن سبب الصدمة كان أن هالكلمة ما صدرت من ولدها ..لكنها صدرت من .... من .... من " بنتها " إيه " بنتها "
و الله النشبه ....أنربط لسان الأم دارت فيها الدنيا ..قامت تهوجس الولد نقدر نخطب له ... لكن البنت بنبحل بها ..من وين بنجيب لها رجل !!!!!
" يمه ... ردي علي .. تكفين ... زوجيني "
صحت الأم من الهواجيس الساخنة ... القاتلة ...اللي أصابتها من الصعقةالسابقة
كانت البنت تهز كتف أمها .. و تترجى فيها :
" يمه ... أفهميني ... أنا أبي أعرس ... " ......

لكن الأم ما قدرت ترد بأي كلمة ..كانت بس تناظر في عيون بنتها و تقول بينها و بين نفسها :
" هذي اللحظة إللي ما عملت حسابها .... الظاهر بنتي كبرت و أنا ما أدري ..."
رجعت البنت و رمت بنفسها على الكرسي بكل إحباط و قالت :
" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمه .... أفهميني يمه الله يخليك "
أخيراً تكلمت الأم و قالت :
" خلاص يا بنيتي ... فهمتك " ...
وهي قاعده تفكر وشلون تبي تفاتح الأبو في هالموضوع ... لا المصيبه !!!!
قربت البنت من أمها و قالت :
" يمه وشهو اللي خلاص ... أنتي تحسبيني الين الحين بزر ... بتصرفيني ؟؟ .. أنا حرمه .. أنا الحين صرت حرمه .. و كل صديقاتي اللي معي تزوجوا ... يمه الله يخليك حسي بشعوري "
والأم مسكينة يتقطع قلبها على بنيتها .. و تقول في خاطرها :
"الله يعينك يا بنيتي .. كل هذا في قلبك و متحملته "
والبنت أستمرت في صراحتها ...
" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..طلبت العرس بس .. "
و هوجست الأم :
" العرس بس !! .. إيه هين بس .. هو العرس ينقال عنه بس ؟؟ !! "
و كملت البنت :
" يمه سامحيني على صراحتي بس ما لي غيرك أفضفض له أنتي لو تعرفين شلون إحساسي كلما فكرت في صديقاتي المتزوجات أتخيل سعادتهم ... و أتصور شعورهم فاهمتني يمه ؟؟؟ "
وقفت الأم في مكانها .. و حاولت إنها تكون صارمه عشان تنهي الحوار و قالت:
" خلاص يا بنت .. قلت لك خلاص ..
أنا فهمت و ماله داعي كل هالشرح
وإذا جاء أبوك تفاهمت معه ... أنتي تحسبين الموضوع سهل .. بينجلط الرجال فيها "
قامت البنت من مكانها .. و واجهت أمها و قالت :
" لا .. ما بعد فهمتيني .. و لا حسيتي باللي أحسه أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء .. تحسبيني ما أفهم .. ما أحس أعرف شعورك لما تكونين مع الوالد "
ومسكت كتوف أمها بين إيديها و حطت عينها بعين أمها و قالت :
" يمه أفهمي ليش أنا أبي أتزوج .. "
الأم ما قدرت و دارت و جهها عن بنتها و قالت :
" يا بنت إستحي "
لكن البنت كملت كلامها :
" يمه المسأله ما فيها حياء .. هذي مشاعر طبيعية .. كله كوم .. و منظر صديقاتي كوم .. كل يوم أشوفهم الصباح يجيبونهم أزواجهم للكليه وأنا قلبي يتفطر أشوف أشكالهم مع رجالهم .. و أنقهر .. وأنا كل يوم أركب مع السواق للكليه يمه أنا كلي أحاسيس و مشاعر .. يمه أفهميني عاد "
لكن الأم ما أستحملت طاحت على الأرض مغمى عليها والظاهر إنها إنجلطت ..
جلست البنت على ركبتيها .. جنب أمها .. تحاول إنها تصحيها و هي تصرخ :
" يمه أفهميني ... أنا .... أنا .... أنا ....
أنا أبي أتزوج عشان ..
عشان أبي أركب
قـــــــــدام "

مع التحيه .....

سلمان



:D :D :D :D :D
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ســـلــمــان غير متصل  

 
قديم(ـة) 02-04-2003, 11:27 PM   #2
عضو نشط
 
تاريخ التسجيل: Feb 2003
البلد: في عالم الأحلام
المشاركات: 73
قوة التقييم: 0
مجنونك is on a distinguished road
ههههههههههههههههههههههههه








لا بس حلوة .
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مجنونك غير متصل  
قديم(ـة) 03-04-2003, 06:54 PM   #3
عضو مبدع
 
تاريخ التسجيل: Feb 2003
البلد: الرس
المشاركات: 2,297
قوة التقييم: 17
ســـلــمــان is on a distinguished road
مشكور اخوي


بس قولي صراحه شدتك القصه وجلست تقراها


اكيد طبعا اهم حاجه تنال اعجابكم
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
ســـلــمــان غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 09:52 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19