عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 14-03-2007, 01:38 PM   #1
عضو مبدع
 
تاريخ التسجيل: Oct 2005
البلد: الشرق الأوسط...!!
المشاركات: 1,430
قوة التقييم: 0
Big_Brother is on a distinguished road
إحالة جرير وفرزدق الطائف للمحكمة الشرعية..!!!

وتظلّ القبليّة وتوابعها السلبية تنخر في مجتمعاتنا البدائية..


الداخلية تأمر بضبط شاعرين أثارا النعرات الطائفية
إحالة جرير وفرزدق الطائف للمحكمة الشرعية

الطائف: ساعد الثبيتي
تتجه شرطة الطائف لتحويل شاعرين شعبيين شهيرين للمحكمة الشرعية إثر ثبوت نظمهما لقصيدتي هجاء حيث بدأ أحدهما ورد عليه الآخر، وتتعرض القصيدتان للقبيلتين اللتين ينتسب إليهما الشاعران وهو الأمر الذي دفع أبناء القبيلتين والقبائل الأخرى من الذين تلقوا القصيدتين على أجهزة جوالاتهم إلى إطلاق اسمي جرير والفرزدق على الشاعرين.
وكانت شرطة الطائف قد تلقت توجيهات من وزارة الداخلية بضبط هذين الشاعرين للتحقيق معهما وتحويلهما للمحكمة الشرعية. ويستهدف الإجراء تعزير الشاعرين لإساءتهما لقبيلتين عريقتين، وإثارة النعرات القبلية الممقوتة.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
Big_Brother غير متصل  

 
قديم(ـة) 14-03-2007, 03:00 PM   #2
Banned
 
تاريخ التسجيل: Feb 2006
المشاركات: 1,431
قوة التقييم: 0
جليس القمر is on a distinguished road
أتمنى أن تنالهم أقصى أنواع العقوبة.



شكراً لك أخي الأكبر




.
جليس القمر غير متصل  
قديم(ـة) 14-03-2007, 03:26 PM   #3
عضو خبير
 
تاريخ التسجيل: Nov 2004
المشاركات: 4,556
قوة التقييم: 0
بحر is on a distinguished road
أوافقك الرأي أخي جليس القمر
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بحر غير متصل  
قديم(ـة) 14-03-2007, 04:05 PM   #4
عضو مميز
 
تاريخ التسجيل: Sep 2005
المشاركات: 138
قوة التقييم: 0
الكوماندر is on a distinguished road
منقول


هم اصلا كانوا اربعه


المتنبي وامرؤ القيس وجرير والفرزدق

راكبين موتر المتنبي ( الميتين ال ) وطالعين يتعشون برست

طبعا امرؤ القيس ( شايبهم ) كانت قافله معه لانه ما يحب طلعات الليول ( ما يشوف ) وكان يقولهم خلنا نطلب العشا ديلفري : و كل شوي يلمح لهم ويقول

الا يا ايها الليل الطويل الا انجلي *** بصبح وما الأصباح منك بأمثل

بس الجحلط جاحدينه لانهم يحبون البرم في الشوارع

عموما المتنبي مهوب صوبه لان واحد من عليمية الرياض حده وخلاه يرقى دوار الأحساء

: انقهر المتنبي لدرجة انه التفت على العيال وهو يصارخ

من لم يمت بالسيف مات بغيره

بس الفرزدق و جرير ( اللي كانوا راكبين ورا ) ما كانوا فاضين له

يعني جرير والفرزدق راكبين جنب بعض

اكيد انواع المناقر بينهم ( اربعه وعشرين ساعه)

و ما انتبهوا لاحد

لكن العيال هجدوا فجأه

استغرب المتنبي

مهيب عادتهم

اثاري الملاعين قاعدين يكحلون

و ياليتهم شافوا شي

كل اللي شافوه

طرف عباة راكبه جمس ومظلل بعد

: تهيض جرير ( عاد ذاك مايبي له شيء ) وقال

ان العيون التي في طرفها حور ** * قتلننا ثم لم يحيين قتلانا

وقام يتطلب المتنبي يبيه يلحق الجمس

عاد المتنبي يووووووووه انواع الغرور في ذاك الآدمي

: رد علي

ما بقي الا هي

أنا المتنبي

أنا اللي الخيل و الليل والبيداء تعرفني *** والسيف والرمح والقرطاس والقلم

الحق جمس وافرض ياخي كبس علينا ابو العتاهيه بجمس الهيئه بتنفعنا أنت وخشتك قفلت مع جرير وبغى يتضارب مع

المتنبي و لأول مره في تايخ الشعر العربي اتفق جرير و الفرزدق على نقطه معينه بس الفرزدق جابها باسلوب وقام

يقردن المتنبي يبيه يلحقهم و هات يا مدح و دحلسه في المتنبي من هذا الذي تعرف البطحاء وطأته وصولا الى ما قال لا

الا في تشهده في الأخير انتفخ راس المتنبي و قرر يلحقهم


وهات يا طردي في الملز طبعا امرؤ القيس كان مكبر دماغه من جهة البنات يلاعب الهوى ) 82 بس كان فاك مع الجمس

حقهم ( جمس : و ما فيه الا غزل في الجمس )

مكر مفر مقبل مدبر معا *** كجلمود صخر حطه السهل من عل

المهم
بدا الجمس يبعد عن العيال : و صار جرير يتتريق على عز م الميتين ال ويقول للمتنبي و مزعجنا وكل شوي تقول على

قدر اهل العزم تأتي العزائم و اخرتها طلعت الدعوى بكش : قفلت مع المتنبي وقال للفرزدق

والله بعذرك فيه و الله يلوم اللي يلومك يوم انك تكرّه كل هالسنين

وبعدها ردها المتنبي باثنين ودوووووووووووس وبقدرة قادر صادوا الجمس في خنشليله : لز المتنبي جنب قزازة الجمس و قال لجرير :

يالله يالمتفلت ورنا شطارتك

رد جرير :اعتبر الموضوع منتهي و ياحبيبي سحبنا بنات كلية عليشه على وجيههم و بعجز عن ذولي

قام جرير يأشر جنب قزازة الجمس عاد البنات ما صدقوا خبر أول ما أشر جرير فتحوا القزازه

وكانت صدمه ما بعدها صدمه

وش ذا المقاشع

( يوم ضمك ياخذ الدوري ) 1401 ولا شلة طقاقات العيال انصرعوا من هول المفاجأه


عاد البنات تحطموا يوم شافوا ردة الفعل و قاموا يذبون على العيال بس جرير كان اكثر واحد متأثر فصار يرد

: ويقول لهم

فغضي الطرف انك شيفة *** فلا باسكال بلغتي و لا ديانا

طبعا الوضع صار مكهرب في الميتين ال و المتنبي يقول لجرير

شفت يالزلابه وش أنا قايلك ؟مشورتنا على الفاضي و في الأخير طلعت الدعوى تطريش في هالأثناء

لمح ا لفرزدق موتر ثاني ( من ذيك المواتر اللي كنها حصاله ) كان يلحق

البنات فحب انه ينبههم عشان ما ياكلون نفس المقلب بس يوم دققوا العيال في الموتر الثاني تعرفوا على الشباب اللي

فيه قال الفرزدق :و الله أنى قايله موضوع فيه غزل و سربته اكيد ابو نواس بيحضر أول واحد

رد جرير

شف ابو نواس ذا المصلحجي جايب معه عنتره عشان لو طلع الموضوع فيه حارش مارش يطلع مزبن نفسه

في الجهة الأخرى

كان عنتره يتميلح جنب البنات و طالع من الفتحه وهو يقصد

و لقد ذكرتك والرماح نواهل مني *** وبيض الهند تقطر من دمي

فوددت تقبيل السيوف لأنها *** لمعت كبارق ثغرك المتبسم

ضاق صدر المتنبي كذا لله في لله

: و قال للعيال

ياخي والله ما احد يحقر نفسه

حتى ذا الشين قام يغازل

وبدون مقدمات فتح المتنبي القزازه

: و قال لعنتره

لا تشترِ العبد الا و العصا معه

عنتره سمع المتنبي ولا ما سمعه

ويوللللللللللللللع

عاد ابو نواس يحب الشر

طنش البنات ولحق ا! لعيال حتى قبل ما يقول له عنتره

: و قام ابو نواس يكبس لهم ويقول

مسوين فيها زعطه

و يوم جا الجد انحشتوا ولا كلام ا لليل يمحوه النهار

لكن المتنبي اشر لهم وقال لهم الوعد التخصصي

في ها اللحظه

: ابو نواس دخله الماء و قال لعنتره

هم اربعه وحنا اثنين ( و المازدا ما تكفينا )

و احيانا الكثره تغلب الشجاعه

: قال له عنتره

ما عليك

أنا بدق على انجس واحد في الرياض

أول ما يدري أن الموضوع فيه مضاربه بيجيك مدرررررررررعم

: قال ابو نواس

? منهو

: رد عنتره

من غيره

السنايدي . . تأبط شرا

: قال ابو نواس

عز الله اللي راحوا فيها

بس المشكله انهم يوم دقوا على تأبط شرا لقوا جواله مفصول ( افلقني يسدد تأبط شرا للأتصالات )

: صرخ عنتره

افااااااااااااااااا قعدنا بها

: رد ابو نواس

ولا قعدنا بها ولا شيء ، اصلا تأبط شرا دايم تاكي في ملحق ابو تمام ، دق عليه هناك : دق عنتره على الملحق ورد ابو تمام وقال له عنتره عندك تأبط شرا قال ابو تمام

ايه ، في الحمام قال عنتره طيب ترا الموضوع كيت و كيت بتجون ولاّ لا

قال ابو تمام : افا عليك بس

السيف اصدق إنباء من الكتب *** في حده الحد بين الجد واللعب

ازهل الموضوع

يا ترى وش توقعون بيصير في التخصصي؟



بعد المكالمه اللي صارت عنتره وابو تمام .
طلع تأبط شرا من الحمام (وانتم بكرامه ) ودخل على ابو تمام بالملحق .
قال ابو تمام : نعيما يا زلمه .
قال تأبط شرا الا على طاري نعيما كني سمعت التلفون يرن ؟
عسى والله منتب تغازل ؟
قال ابو تمام : واذا غازلت يعني وش فيها ؟
والله يا انت حسود . نعنبو دارك معك الخنساء له ثلاث سنين وانا اكل تبن .
قال يأبط شرا : اتركه بس لي ثلاث سنين اكلتن وجاحدتن وقطع جوالي بسبته .
وكل يوم اقول له ابشوفك وتعطين اشكل .
وهالمكالمات اللي تحسدني عليها تحسبه حب وغرام ؟
لا والله كلها تروح باخوها صخر . مات صخر وحيا صخر .
مبلشتن بصخر اخوها .
وانا اجامله واقول بقلبي (وشدعوى هنري ولد الاميره ديانا ؟ )
قال ابو تمام : ايهين علينا ؟
اقول بس خل عنك بلا خنساء بلا خرابيط .
ترا العيال اتصلوا يبون الفزعه شكلهم يبي يرطبون على بطونهم .
وش رايك نروح ؟
قال تأبط شرا : ( وهو داخله الماء ) عسى ماهم واجد بس ؟
قال ابو تمام : والله ما خبرتك خواف الى هالدرجه يالدجاجه .
قال تابط شرا : لا مهب المسأله خوف بس اخاف ينحتونن اذا دبغتهم كلهم وانت تعرفن ما يقوان الا الله ثم العين .
قال ابو تمام : كفو والله اجل ادق عليهم واقول هذانا جينا ؟
قال تابط شرا : ايه دق وتاكد من عددهم ( الى الحين داخله الماء )
دق ابوتمام على عنتره وقال وين انتم بس ترانا جازمين ؟
قال عنتره : نص ساعه والوعد بالتخصصي نبي نروح لمطعم ماما نوره ناخذ اي شي لهالكابون ابو نواس مبلشن يقول ما اعرف اضارب وانا جوعان .
وهم يتكلمون بالتلفون تابط شرا كان ينغززز ابو تمام ويقوله لا تنسى تسالهم كم هم ؟
قال ابو تمام : الا على طاري الجوع كم اللي تبون تهاوشونهم ؟
قال عنتره : اربعة دبش نبي نتوطاهم ونرجع .
قال ابو تمام : اوكي نو بربلم نص ساعه وحنا عندكم .
يوم صك السماعه ابو تمام .
قال تابط شرا : اجل خلن اروح للسياره اجيب دخاني والعجرا .
===========
بنفس الوقت كانوا الاربعة اللي بالـ ( ميتين ال )
اللي هم : المتنبي وامرؤ القيس وجرير والفرزدق .
يدورون بالتخصصي يحترون الوعد .
والله هالعبد هذا عليه جرمن مهب صاحي (يقصد عنتره ) الله يستر بس .
التفت امرؤ القيس على اللي راكبين ورا (الفرزدق وجرير)
قال انتم جازمين ؟ ما خفتوا؟
قال جرير :لا ما خفنا بس انت اللي شكلك خايف خابرك قلبك رهيف ولين .
قال امرؤ القيس : لا يا بابا انا قلبي ميت . شكلك ما عرفتن مضبوط .
والله ويشحطه ببيت :

وان قسمت الفؤاد فنصفه .... قتيل ونصفه بالحديد مكبل

قال المتنبي : نعمممم ... الشر ما يجيك مرؤؤئي ( يدلع امرؤ القيس )
بهاللحظه كان الفرزدق بقمة الخوف ويسال جرير باذنه
ويقول له ما تخبر واحد نشيط ؟
لاني الصراحه علي قل الصحه اليوم ولا اظني اهاوش معكم .
قال جرير : وعووووووه اسمعوا يا عيال .
قال المتنبي : خير وش السالفه ؟
قال جرير : خوينا خررررررر (خاف )
قال امرؤ القيس : افاااااااا . والله ويلخخخ الفرزدق ببيت شعر :

كذلك طبعي لا اصاحب صاحبا .... من الناس الا خانني وتغيرا

قال المتنبي : يالله الفرزدق رد عليه ان كانك رجل والا بلعت خشبه (يشبهم)
قال الفرزدق : هين هو وشعره .
من خاف سلم .لوهي بالقرق والله ما اسكت يومين بس البلا نبي ناكل بقوووس
الا بس دورولكم واحد فزعه وهين .
قال المتنبي : هذي كبينه اوقف عنده؟
فيكم احد يعرف له فزعه ؟
قال امرؤ القيس وهو منتفخ وظايق صدره :
ايه اوقف اعرف واحد مهب مثل هالثور اللي ورا .
قال جرير :كفوووو سنايدي منهو اتحفنا ؟
قال امرؤ القيس : رجالن شرواك .الجاحظ سنايدي هو راعي هالمواقف ذي .
قال الفرزدق : ونعم والله انه رجالن سنافي .
قال جرير: منهو هذا الجاحظ عشان تمدحه كل هالمدح ؟
قال الفرزدق : يا شيخ على شحم ... ويلزقه ببيت شعر:

وليس قولك من هذا بضائره .... العرب تعرف من انكرت والعجم

قال امرؤ القيس للفرزدق :
ورا ما تسكت انت ووجهك مهب انت اللي تقيم الرجال .
ابد بالكلام خذ وليده وبالفعل تقل دجاجه .
انثبر وانطم والله ان سمعت صوتك لا اطخطخبك القزاز.


يوم وقف المتنبي عند الكبينه شافوا جمس عبارتين واقف قدامهم .
قال جرير : يا عيال الجمس هذا مهب غريب ؟
قال المتنبي : ايو الله هذا موتر ابن عباد ( النعامه )
شف رقم الموتر (ع ب ا د 444 ) <---- واسطه خخخخخخخخخخ.
قال امرؤ القيس : امشوا خلونا نطب عليه ونستفزعبه
والله انه رايح عن بالي .
نزلوا كلهم من الفرحه وادخلوا الكبينه .
ولقوا ابن عباد يشتغل بالكبينه .
قال المتنبي : افاااا يا بو جبير ورانا ؟
عسى والله منت تشتغل هنا ؟
قال ابن عباد : لا استح يا شيخ انا اشتغل هنا ؟
الزير سالم هو اللي يشتغل هنا
سيرت عليه وقال امسك مكاني شوي ابروح اجيب بكت ملبورو واجي
والحمار له ساعه ماجاء .
وهم يتكلمون دخل الزير سالم .
والله وياقفون كلهم زي الالف .
وكان الزير سالم يهذري وهو داخل ويقول :

كأني إذ نعا الناعي كليبا .... تطاير بين جنبيا الشرار

سلموا عليه وقالوا له عسى ما شر تقل ظايقن صدرك؟
قال الزير : ايوالله قهرني هالبزر ولد عمي (يقصد جساس )
لاكن انا وراه والزمن طويل .
قال امرؤ القيس : الصراحه يالربع حنا جايين نبي فزعتكم .
قال ابن عباد: سم وابشر خير انشالله ؟
قال امرؤ القيس : ابد هويش هويشه مهب هوشه
واننا مواعدينهم هنا يبي يجون بعد شوي .
قال الزير اصبروا خمس دقايق تكفون .
يبي يجي همام يستلم بعدي بالكبينه وابروح معكم .
والله اني مبطي عن الهوشات .


دخل همام عليهم ومعه ثلاجة الشاهي وطن فصفص .

والله ويتغامزون الربع ويطلعون .
ماودهم يدري همام .
راح ابن عباد للجمس ( النعامه )
قال المتنبي : وين ؟
قال ابن عباد : ابجيب عصا العفريته .
قال المتنبي : كفو والله .
==============

باللحظه هذي كان ابو تمام وتابط شرا مع بعض بسيارة ابو تمام .
اخذ الجوال ابو تمام ودق على عنتره
وقاله وين انتم ؟
قال عنتره : حنا عند المطعم .
قال ابو تمام : يالله دقيقه وحنا عندكم .
شوي والله وياقفون عند المطعم وينزلون ويركبون المازدا .
يوم انهم مشوا راحوا للتخصصي
شافوا الـ( ميتين ال ) واقفه عند الكبينه .
يوم ناظروا شافوهم واجد .
قال تابط شرا : هجو هجو معهم ابن عباد والله ان نروح ملح .
عنتره ما صدق خبر وينشب رجله بدعسة البنزين
ويمر من عندهم تقل شراره من السرعه .
المتنبي لمح المازدا وهي ماره من عندهم
وزععععق لربعه : يالله يالله وراهم وراهم .
طمر بالميتين ال وابن عباد بالجمس وخذ طردي وراهم .
ومن شارع لشارع ومن حاره لحاره
وداروا الرياض بدقيقه


ومن حسن حظ عنتره طفت المازدا عند مركز الشرطه .
وينزلون الشله اللي بالمازدا ركض
ويدخلون مكتب الضابط ويلقون عسكري كسره
قالوا له ما والله نطلع من هنا .

ابن عباد جاي وراهم يمشي على كفرين هو والزير
وادخلوا عليهم بمكتب الضابط
وسكروا الباب من جوا
ودق ابن عباد على امرؤ القيس وقال له : وين انتم ؟ تمشون على بيض؟
قال امرؤ القيس : لا بس كنت حسران وووقفنا عند دورة مياه .
انت وين انت الحين ؟
قال ابن عباد : حنا بمركز الشرطه حاجرين السلق اللي انتم خايفين منهم
قال امرؤ القيس : يالله جينا جينا .
العسكري اللي كان معهم مسكت لان الزير سالم غايله بالربعه .
وصلوا شلة الميتين ال ودخلوا عليهم بالغرفه .
قال ابن عباد : يالله متنبي قلبي
وش تبي نسوي بهم ؟ انت تامر وحنا نطامر .

قال المتنبي : انا بس ابفشل هالعنتره عند ربعه وباترك الباقي لكم .
قال ابن عباد : يالله خذ راحتك .
راح المتنبي لعنتره وعنتره طبعا بالع خشبه من الخوف
ومسك عنتره وطخطخبه الجدران اللي بالغرفه
وفصخ ملابسه وصاروجهه يعطي الوان غريبه من الفشيله مره احمر ومره اازرق ومره برتقالي ومره كستنائي (يعني قوس قزح وعليكم الحساب )
وفي لحظة صمت زعق ابن عباد قائلا :

قربوا عصا العفريتت مني ..... قربوه فو الله اني دابغهمو


ومن القشر اللي بالزير سالم طللع عصا العفريته من جيبه وعطاه ابن عباد
ابن عباد ضرب ابو نواس وضرب ابو تمام
وهو يضرب ابو تمام خمته جنيه وانهبل وبدا ياكل الخضر واليابس
ويدبغ كل اللي بالغرفه ما خلا ابن ابوه صاحي
ولا سلم منه احد حتى الطاوله حقت الضابط اخذت حقه .
الكوماندر غير متصل  
قديم(ـة) 21-03-2007, 12:32 PM   #5
عضو مبدع
 
تاريخ التسجيل: Oct 2005
البلد: الشرق الأوسط...!!
المشاركات: 1,430
قوة التقييم: 0
Big_Brother is on a distinguished road
جليس القمر .. بحـــر .. الكوماندر

شكرا لمروركم ..

وهذا نموذج آخر لدُخلاء الشعر ..
جزائية الباحة توقف شاعر القصائد الماجنة

الباحة - محمد حمود الغامدي:
أمر فضيلة قاضي المحكمة الجزائية في منطقة الباحة بإيداع صاحب قصائد الغزل الماجن الشاعر ت-ل الغامدي السجن حتى موعد انعقاد الجلسة القادمة. وكان البعض ممن تضرروا من قصائده التي هجا فيها شباب وفتيات بعض قرى منطقة الباحة قد تقدموا ضده بشكوى للجهات المختصة في المنطقة وعند مثوله أمام القاضي أنكر التهم الموجهة إليه إلا أن الأدلة الجنائية أثبتت من خلال تحليل النبرات ومخارج الحروف تشابه الصوت المسجل على أجهزة الهاتف الجوال إلى حد التطابق مع صوت الشاعر. وكانت "الرياض" قد انفردت بنشر تفاصيل قضية ذلك الشاعر في عددها الصادر بتاريخ 1428/2/19ه.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
Big_Brother غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
كـل مـاتـريـد أن تـعـرفـه عـن الـعـيـن تـحـت سـقـف واحــد وطـرق الـعـلاج :مـهم جليس القمر المنتدى الدعوي و الأسرة والمجتمع 22 30-08-2007 11:01 PM


الساعة الآن +3: 06:23 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19