العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

موضوع مغلق
 
أدوات الموضوع انواع عرض الموضوع
قديم 19-03-2007, 06:19 PM   #1
Big_Brother
عضو مبدع
 
تاريخ التسجيل: Oct 2005
الدولة: الشرق الأوسط...!!
المشاركات: 1,404
معدل تقييم المستوى: 0
Big_Brother is on a distinguished road
افتراضي قمة الأحرااااج .. أن صديق زوجي يشوفني وجهاً لوجه :)

ذكرت لنا احد الزميلات قصتها اللي صارت مع صديق زوجها .. وبصراحه متنا عليها من الضحك .. موقف لاتحسد عليه ..

زميلتي هذي ساكنه بشقه وكان زوجها عازم صديقه على قهوة وشاي بعد العشاء ..

تقول زميلتي ..

كنت بالصاله اناظر التلفزيون ولاحظت الوقت تأخر وانا فيني النوم ودايخة ..

وكان زوجي وصديقه بالمجلس .. وشووي الا وأسمع باب الشقه ينفتح وكأن أحد طلع ..

قلت بنفسي أكيييييييييد هذا صديق زوجي طلع .. خلني اروح اضف البيالات والفناجين علشان يمديني اغسلها

وأنا عاد راسي مصدع ومدروخه .. وعلطول ادخل المجلس ..

واشووووف هالرجال اللي جالس .. وأفتح عيووني زين .. اثاري الرجال هو صديق زوجي ..

عاد انا تبوني بهالوقت ماتلقوني .. كن موية حارة منكبة على وجهي ..

الرجال ضعيف نزل شماغة ... وقااام يتنحنح <<< وشو عقبه يالاخو

ومن حلاتي كنت لابسة بجامة البيت قصيره .. يعني شاف الوجة والعصاقيل ..



وبعدها رحت للصاله وانا انتفض وشوي بصيح ..

وماسمعت الا صكة الباب واثاري زوجي اللي كان طالع ..

وبعد نص ساعة أو أقل الا زوجي يدخل ويقول تعالي ضفي مواعينتس

وشكل صديقه ماقاله عن هالموقف .. وأول ماشفته قعدت أصيح .. وهو مستغرب ويسألني وشفيني ..

ويوم علمته بالقصه .. الا وهو يمسك راسه ويمعط شعره ..و يسب ويشتم فيني ..

يالمصرقعه يالمطفووووقه ماتنتظرين الين ادخل عليتس .. كلها ثواني رحت اجيب المفاتيح ناسيهن بالسياره ... مير ياسرعتس بهالدخله كنتس ضب ..

كل هذا عجلة بغسل البيالات جعلتس تغلسين ميتة .. ماتصبرين يمال الضعفه .. لا وطالعتن هالعصاقيل من زينهن ..

وانا أقول وش بلا الرجال يوم رجعت له كان مرتبك ويتعلثم بالحكي .. من الفشيلة ماقدر يحكي لي .. ياجعلتس.... و ...

وانا أقووله ..

اجل تطلع ولاتقولي انه فيه رجال غريب بالبيت على الاقل دق جوال قل بطلع دقيقة وبرجع .. انا على بالي يوم سمعت صكة الباب ان صديقك طلع ..

المهم

كلمة مني وكلمة منه وطقاااق وهواش .. ونمت ذيك الليلة وانا دمعتي على خدي ..

طبعا .. احنا ضحكنا على موقفها من جد محرررج بقووه ..

والمسكينه تقول لنا .. تهقون شاف شيء .. ولا وحده تقولها .. عاد يمه من الرجال نظره وحده تفصفصك من فوقك لتحتك .. والثانية تقولها .. لا أن شاء الله يمكن من الروعه بدخلتك مامداه يشوف شيء ..



طبعا انا أستئذنتها بنشر هالموقف .. قالت بس بشرط تحطين هالنصيحه فيه ..

ان الوحده تتركد قبل تدخل المجلس وتسمع اذا فيه صوت رجال او لا .. ولاتصير مطفوقه مثلي ..

والمفروض على الزوج اذا بيطلع يدخل ويقول لزوجته أو يدق عليها جوال .. ترا بطلع برا أجيب حاجة أو بدخل دورة المياة الله يكرمكم ..

قد تكون تفاصيل تافهه بس كثير مواقف تحصل معها ...

وللمزيد من القصص المشابهة أضغط هنا


بما أنكم قريتم هالقصه ياليت بالمررررره تتحفوونا بمواقف محرجة مثل هالموقف

__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
Big_Brother غير متواجد حالياً  
قديم 19-03-2007, 07:18 PM   #2
waden
عضو مميز
 
تاريخ التسجيل: Apr 2006
المشاركات: 168
معدل تقييم المستوى: 0
waden is on a distinguished road
افتراضي

السراحة فعلا موقف محرج بس انا اشوف ان الخطأ فبه مشترك بين الزوج والزوجة هو المفروض يقولها انه يبيطلع وهي تصوت قبل تتدخل ...............................ولك الشكر على الموضوع
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
waden غير متواجد حالياً  
قديم 19-03-2007, 07:19 PM   #3
سيف الرعد
مشرف المنتدى العام
عضو مجلس الإدارة
 
الصورة الرمزية سيف الرعد
 
تاريخ التسجيل: Nov 2003
الدولة: رساوي حفراوي نجداوي شمالي
المشاركات: 11,627
معدل تقييم المستوى: 0
سيف الرعد has a spectacular aura aboutسيف الرعد has a spectacular aura aboutسيف الرعد has a spectacular aura about
افتراضي

مره
ومطفوقه
وشين لبس
وش يقعده بالبيت ذي ؟؟
سبحان موالف القلوب !!
ههههههههههههههه
تذكرت سالفة
يقولون فيه واحد عزم خويه يوم دخلوا قهوة الشتا اثر إخت العازم
بالقهوة كانت تنضفها انحجرت ودخلت طاق الحطب الرجال واخوها قعدوا وهي متغبيه
شبوا الضو ( ضو رمث بسرعه تطفى )وزانت السواليف اخوها قام دخل للبيت
الضيف مد يده يبي يحط حطب على الضو الرجال ((يمون )) شكل البرد ذابحه
مسك رمثه لا ماهب رمثه ذي شكل ثاني اثرة عصقول البنت اخت خوية
قام سمى بسم الله ونطق من المشب يوم رجع المعزب والا رفيقه ما هب فيه
يوم دري يوم تنسبلت اخته من طاق الحطب بسم الله منين طلعتي
وهي تعلمه بالسالفه
__________________


(خليفة الخليفة)
تسرني متابعتك تويتر وسناب شات وانستقرام
khalifam2@
سيف الرعد غير متواجد حالياً  
قديم 19-03-2007, 07:41 PM   #4
جيد المها
عضو نشط
 
تاريخ التسجيل: Mar 2007
المشاركات: 70
معدل تقييم المستوى: 0
جيد المها is on a distinguished road
افتراضي

حياك اخوي محمد ههههههههههههههههههههههه

أخوي محمد هو الكبير >>>>>>>>>>>>وشكارهم من اخوتس

مره من المراريت عازمتن صديقتي أنا وزوجي على زوجه يتعرف عليه ويصيرون اصدقاء !!!

رحنا عندهم بعد صلاة العشاء , وبعد السلام قالت لي أنت غريبه تعالي معي للبمطبخ نجيب القهوه مع بعض ,

قلت له بس أرتب شعري عقب العباةةوالحقتس ,

هي راحت للمطبخ ونسيت إنه قالت لي قوه معي للمطبخ وان بعد ما خلصت ترتيب لحقته وانا أدودل راسي وادخل للمطبخ ولا واخزييييييياه هي ورجله يتهامسون عند الفرن

وبعد ما ستوعبت الموقف هجيت للمجلس ودي تنشق الأرض وتبلعن من الفشيله ,

جت لمي بالمجلس يقاله تبي توخر عنا الأحراج وقالت وش رايتس برجلي ؟ وسيم ؟

إلى هالوقت ما قلت لزوجي فشلة له مره ما ودي كل ما شاف زوج صديقتي ينحرج !
هالحين صاير ما يحبه وش لو يدري بالموقف ؟ كان يخلين أقطع صداقتي معه ,,

أسف جدا على الأطاله,,,,,

التعديل الأخير تم بواسطة جيد المها ; 19-03-2007 الساعة 07:45 PM
جيد المها غير متواجد حالياً  
قديم 19-03-2007, 08:14 PM   #5
عاشقة ك كــات ت
عضو بارز
 
تاريخ التسجيل: Feb 2007
المشاركات: 470
معدل تقييم المستوى: 0
عاشقة ك كــات ت is on a distinguished road
افتراضي

هع هع هع مسكــــــــــــينه هع هع ههههههااي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
عاشقة ك كــات ت غير متواجد حالياً  
قديم 20-03-2007, 01:43 PM   #6
% دنيـا الـولـه %
عضو فذ
 
تاريخ التسجيل: Dec 2005
الدولة: JaPaN
المشاركات: 6,283
معدل تقييم المستوى: 0
% دنيـا الـولـه % is on a distinguished road
افتراضي

ههههههههههههههههههههههههه


لي عــــــــــــــــوده ......
__________________
|● ياحلم وين المشكله لو تحققت ~ }
% دنيـا الـولـه % غير متواجد حالياً  
قديم 20-03-2007, 10:05 PM   #7
نوسي
عضو مميز
 
تاريخ التسجيل: Dec 2006
المشاركات: 173
معدل تقييم المستوى: 0
نوسي is on a distinguished road
افتراضي

ههههههههههههههههههههههههههههههههههههههههههههه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
نوسي غير متواجد حالياً  
قديم 21-03-2007, 01:45 PM   #8
Big_Brother
عضو مبدع
 
تاريخ التسجيل: Oct 2005
الدولة: الشرق الأوسط...!!
المشاركات: 1,404
معدل تقييم المستوى: 0
Big_Brother is on a distinguished road
افتراضي

الأخ Waden..
بناتنا ماعندهن وسط .. أما قرمة ما تهبط الأرض .. ولا عجّازة يالله تغسل يدينها عقب الأندومي
شكرا لك ..


الأخ سيف الرعد..
وش شاب عصاقيل البنت للرمثة..
خلق و فرق ..
قصّة جدا رائعة ومحرجة ..
شكرا لك ..

الأخت جيد المها..
قصّة جدا رائعة و ممتعة ومحرجة في نفس الوقت ..
لكن ما تصل للإنفصال ..
كم شهر ويطيح اللي بالراس وترجعون ان شاء الله ..
شكرا لك ..


الأخوات عاشقة كت كات --- نوسي -- دنيا الوله
مشكورين على الطلّة والمرور ..

بااااااااااااااااااي
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
Big_Brother غير متواجد حالياً  
قديم 21-03-2007, 04:26 PM   #9
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Talking



اقتباس:
ان الوحده تتركد قبل تدخل المجلس وتسمع اذا فيه صوت رجال او لا .. ولاتصير مطفوقه مثلي ..
`•.¸¸.•¯`••._.• ( ايهـ ان شاء اللهـ ) `•.¸¸.•¯`••._.•

\

قبل كم شهر .. كنت طالعهـ لـ بيت خالي .. و ما رجعت إلا الساعهـ 11 يمكن ..
عندنا بالجههـ الثانيهـ من البيت ملحق رجال .. دخلت أنا الحوش .. كاشخهـ بعباتي و كل شي و منزلهـ الطرحهـ
و لقيت لمبات الملحق مفتوحهـ كلها .. قلت إيهـ أكيد بابا داخل .. المهم .. قمت أمشي بالحوش شوي شوي ..
على بالي أبسويها مفاجأهـ أنا ووجهي و أسلّم عليهـ .. مسكت باب الملحق أبفتحهـ بشويش
أبد قبل لا أفتح الباب كلّهـ إلا و أسمع أصوات ضحك رجال فجأهـ .. تعرفون التماسيح ضحكهم مُرعب ..
يصير واحد جالس يقول لهم سالفهـ بـ صوت واطي .. فجأهـ كلهم يصارخون يكركرون
كككككك المهم انخبص قلبي أنا و شبصت عند الباب .. قلت أشوى إني ما فتحتهـ بطفاقهـ كالعادهـ
دخلت البيت ووجهي محمّر .. تخيلوا شكلي و أنا واقفتن عند رجال ما أعرفهم و قدّام أبوي
الوكاد إنّي كنت بأصير بـ خبر كان بس اللهـ ستر هـهـهـهـهـهـهـهـهـهـهـ
و بس ..
تحياتـے ..




__________________
بسمـة ألــــــم غير متواجد حالياً  
قديم 30-03-2007, 01:45 AM   #10
كامل الاوصاف330
Banned
 
تاريخ التسجيل: Nov 2006
المشاركات: 208
معدل تقييم المستوى: 0
كامل الاوصاف330 is on a distinguished road
افتراضي

طيب خوذوا هالقصة او بمعنى اصح هالموقف
طبعا موقف حقيقي قاله لي واحد فاضل وملتزم من اهل سدير
يقول
اثنين زملاء وكلهم نحسبهم من الاخيار عيال حمولة طيبة واحد منهم متزوج والاخر قرر يخطب
قال لصديقه ابشرك انا نويت اتزوج قال الثاني منين تبي تتزوج قال مادري بس جزمت على الموضوع
ولان اخونا يعرف صديقه زين وما يبي يفوته قال ورى ماتخطب اختى قال الثاني كلكم خير وبركه بس انا لازم اشوف قال الاول ابشر بس اختي مااظن توافق على الشوفه بس تعال انت وانا اتصرف
يوم جاء الموعد المحدد دخل الخاطب بيت صديقه قال اخو البنت تعال اجلس هنا بين هالكنبين وانا ابروح اقولها تجيب الشاهي
دخل البيت وقال لاخته تكفين جيبي لي شاهي وحطي فنجالين لان صديقي بيجي بعد شوي
ويوم زان الشاهي وتجي البنت المسكينه مدرعمة ماتدري وش السالفة
قالت لخوها : ماجاء خويك
قال لا حطي الشاهي واطلعي الحين بيجي
والخاطب مطلع عييناته بين الكنبين تقل جربوع
البنت يوم حطت الشاهي - وهي بطبيعتها لعابه ومرحه- دقت حركة الريوس - تفحيط - ولا تسمع الا صوت
عوووووووووووووووووووووو ويوم تعدت الباب وهي تسحب جلنط ( مثل تفحيط البزران على رجليهم -
اخوها انحرج وقال بنفسه هذي جابت بنا العيد
ويوم راحت طلع الخاطب من بين الكنبات وهو يضحك
وقال : يابو عبدالله متى تبون نجيب المملك


بعد الزواج صار الزوج بين كل فترة واخرى يذكر زوجته بالموقف ويقول : ماشاء الله عليتس تعرفين تفحطين


هذي قصه حقيقية مر عليها سنوات وهم هالحين عندهم اربع اطفال
كامل الاوصاف330 غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مأساة فتاه على صفحات الانترنيت ( واقعية ) فنان تشكيلي واشكيلك تاريخ الرس و الأدب و الشعر 7 07-03-2007 05:55 PM
قصة من واقع الأنترنت رسااااااوي تاريخ الرس و الأدب و الشعر 6 15-02-2007 08:04 PM


الساعة الآن 07:47 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir