الحمدلله على كل حال

[طفشانه]

معليش غثيتكم هالشهر بس وربي مالكم غير الاجر واسال الله العظيم انه يعطي كل من رد على موضوع من

مواضيعي اللي في باله ويعطيه السعاده دنيا واخره

تخيلوا ياخواني وخواتي طبعا انا لي اخو من الاب ومتزوج وابوي متزوج وعايش حياته

وانا وحيده امي وكل مااطلب منهم يقدمون اوراقي يقولون لي ايه بعدين ياناس ضاع عمري على هالكلام

المهم ماطول عليكم وانا دورت واخيرا حصلت لي وظيفه بالبدايع وقلت لابوي واخوي عنها قالوا بس دوري نقل

واليوم لما فتح لي باب الرزق وحصلت نقل رفض ابوي وقالي والله عاد ربك خلقك كذا

وربي ياناس ماعشت العمر اللي عاشوه البنات ومابي اكون ضالمه صح ان ابوي قال لواحد يدور لي ظيفه هنا بس هالكلام ماوراه احد يتابع ويشوف وش صار
واليوم يوم جاء رزقي يرفضون دوري هنا بالرس والا اجلسي بالبيت

وش اسوي وانا ماوراي سند يقدم الاوراق وماعندي واسطات

ماقول الا حسبي الله ونعم الوكيل والحمدلله على كل حال

ياخواني ماابي الا دعواتكم بس تكفووووووووووووووووووووون

تعبت نفسيا وربي عالم بحالي وانتم ماقصرتوا معاي وعسى ربي يسعدكم ومااحد يشوف الي شفته بحياتي

[العنوود]

الله يعينك أختي طفشانه
ويرزقك بالوظيفه
والله لو بيدي شي كان ساعدتك

[مظلووم]

الله يجبر مصيبتك اختي

واستغرب تناقض ابوك بأول شي قال دوري نقل
وبعدين يقوول لا

الشكوى لله

يالله يارب تفتحله ابواب رزقك ياكريم

[الملكة]

((عسى أن تكرهوا شيئا وهو خير لكم ))

ربك أراد لك الخير

فلتصبري أخية ولتحتسبي الأجر
وعليك بالدعاء


فية مشغل الليدي سنتر

صاحبته منال المالك قمة في الأخلاق والتعامل ودائما موجودة في المشغل
والآن فتحت مكتب عقار نسائي روحي له وأطلبيها شخصيا وكلميها في موضوعك وانشالله لن تردك


أتمنى لك التوفيق والسداد والرزق الحلال الوفير

[(الرس في قلبي)]

الله يعينك اختي
وصبري واحتسبي الاجر

[فرفوشة]

الله يكون بعونك يارب
ويسهل امورك
وعسى ان تكرهوا شي وهو خير لكم

[صدى الحرمان]

ياعميري انتي
ربتـس رحيم
اللهـ يكون بعونتس
وسعي صدرتس ياخيهـ
وادعي ربتس
واللهـ معتس

[غريب الدار]

الله يكون بعونك أختي الكريمه ..!

ليت والله بيدي شي والله ماأبخل عليك ..!

أسأل الله أن يسهل دروبك وأن يرزقك من حيث لاتحتسبين ..!

كل الأماني بالتوفيق والسداد والنجاح ..!

اخوك
غريب الدار

[الديمووو]

الله يوفقك أختي ...ومثل ماقالوا الأخوان والأخوات ....... اصبري ...ويمكن في ذلك خير

الله يسهل أمرك .....

.

[طفشانه]

ماقصرتوا ويكفيني دعواتكم وعسى ربي يحرم الشقا والتعاسه على كل من خطت يده ورد علي يارب

اختي الملكه اسال الله العظيم باحب الاسماء اليه انه يدخل السرور الى قلبك والبهجه طول عمرك مثل ماحطيتي عندي تفائل بالاخت منال

بس اتمنى منك انك توضح لي وين احصلها وكم رقم مشغلها وكيف اوصل لها مباشره؟

عسى ربي يوسع عليكم اجمعين

[الـمـتـكـتـك]

ربي يوفقك
ويعينك يارب
اصبري وربك كريم

[حرف جر]

الأخت / طفشانه

يكفي عنوان موضوعك ( الحمدلله على كل حال ) ليبين للجميع مدى رضاك على قدر الله , وهذا ان دل فهو يدل على عقلية ناضجة وقادرة على تجاوز كل الظروف الصعبه بكل رضاء وإقتدار ... ولعل رفض اباك كان خير لك وسد لشر لاتعلميه ولا هو يعلمه , وكان سببا من الله .

لاشك أختي ان الكثير منا قد لايأتي له مراده كيفما يريد , ولكن ان ندرك ان الله فوق الجميع فهذا شيء جميل ومريح نفسيا ً , تذكري ان هناك من هي على فراش المرض لاتريد من هذه الحياة أي شيء لا وظيفة ولا مال ولا جاه ولا حتى زوج وأبناء فقط تريد الصحة والعافية من رب العالمين ...

وتذكري ان هناك من ابتلاها الله بمصيبة أكبر من البحث عن الوظيفة وسد الفراغ .

أدرك ان أمثالك يا أخت طفشانه على علم بذلك وإلا لما كتبت ِ ( الحمدلله على كل حال ) .

أخت طفشانه والله العلي القدير أني أشعر وافهم ماتعانينه ولكن أيضا أقول والله العلي العظيم أنك افضل من غيرك بكثير .

الله يديم عليك الصحه والعافية والله يرزقك إبن الحلال الصالح ..

ولاتنسي هذا الدعاء ( اللهم اجعل لي من كل هما ً فرج , ومن كل ضيقا ً فرج , ومن كل وباء عافية )

دمت ِ بخير .