عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 06-05-2007, 08:41 PM   #1
عضو متواجد
 
تاريخ التسجيل: Aug 2006
المشاركات: 40
قوة التقييم: 0
**كل الأمل** is on a distinguished road
Unhappy ياليــــــت أحد يحس بمعاناتنا.....

بسم الله الرحمن الرحيم
والصلاة والسلام على أشرف الأنبياء والمرسلين ...نبينا محمد وعلى آله وصحبه وسلم ....
والله ماأدري من وين أبدأ بالضبط ...
أولا أنا كتبت موضوعي بالمنتدى العام علي أجد تفاعل أكثر مع مشكلتنا اللي ياااااما ويااااما كتبنا عنها ولكن بدون نتيجة ...
ثاني أتمنى توصل أصوتنا إلى المسؤولين اللي ماراح يقصرون إن شاء الله ....
طولت عليكم ...
المشكلة هي عن مايحدث في كلية التربية للبنات بالرس ...
نبدأ حبه حبه ...
1_المظلة اللي في قسم اللغة الإنجليزية ,,,,الله يرزقنا كثر ماهرجنا عنه والله العظيم ياناس كم لنا وحنا نشحذ الإدارة بتزيينه .. وللمعلومية تراه خربانه من أول السنه ياعمرري الشراع كل شوي ينفك مع جهه يحتري أحد يجي يزينه ماجاء أحد قال أطيح من حالي ...يوم طاح قلنا أكيد اللحين بيحسون وبيركبونه ولا حس ولا خبر ...
وأزيدكم من الشعر بيت الإسبوع الماضي انفك الشراع الثاني ....
والدور جاي على الباقي ....
وعلى فكرة هذي المظلة هي اللي فيها جلسات البنات بالإستراحة والمحاضرات الفاضية لأن رئيسة القسم مانعة الجلوس بالأسياب اللي جوا لا ومره جت وقومتنا تقول :خير إن شاء الله مسوين لي قروبات هنا بمطعم جالسين أنتم؟؟؟؟(((بس البنات اللحين مطنشين ويجلسون لأن الجو برا حررررررر وشمس وعجاج ومستحيييييل أحد يجلس فيه ))) وبعدين ياسلام حنا ترانا بشر زينا زيهن وإلا هن يحسن بالحر والأجواء الخارجية وحنا لااااا....
لذلك أتمنى إنهم يحسون فينا ويصلحونه وياليت يركبون مكيفات صحراويه حنا موب أقل من المدارس الثانويه حاطين لهم بمظلاتهم مكيفات صحراوية ....

2_الوسسسسسسسسسسخ والغبار والتراب اللي على الطاولات وبالقاعات ومستنقعات الماء حشى والله ولا بكشته والله ماتشووووف إلا التراب على التنانير وحالتنا حاله .... لا وذاك اليوووم مخلين المستخدمات من صباح الله خير يغسلون مدخل الإدارة وش حيثه وإلا علشان كبار الشخصيات يمرووون معه..

3_وعلى طاري المستخدمات أنا ماعندي خلفية عن طبيعة عملهن بالضبط بس اللي أشوفه إنهن يشتغلن شغل مايشتغله إلا العمال والله العظيم إنهن يجن الضعيفات عندنا بالقسم شايلات شاشات كمبيوتر وإلا كراسي وإلا وإلا... يعني أكيد إن أغلبهن ماجن يشتغلن هنا إلا حادتهن الحاجة ...
لا واللي يقهر بصراحة تصرف بعض البنات الوسخات بالزباله اللي بعدهن وأنتم بكرامة يعني أنواع قلة الأدب يقووومون وباقي زبالتهم مايشيلونه (ياأختي عساك مرررر الأكل إذا ماشلتي زبالتك )

4_بيوم من الأيام ... رحنا أنا وزميلاتي بنصور أوراق من المكتبه طبعاً المكتبه عند قسم الفنون وحنا رايحين قلنا خلونا نختصر المسافة وندخل مع المعمل لأنه كان مفتوح يوم دخلنا وأثره اسم معمل وإلا اللي جوا الطاولات مغبره والأرض كله فرشات وبنات ممددات وجالسات والظاهر إنهم من زمان وهذا مكانهم بصراحه ذكرون بحمامات الحرم وأنتم بكرامة....
المهم طلعنا على قسم الفنون والله لايوريكم الكراتين والقراطيس وحدث ولا حرج يوم قربنا من مدخل المكتبه ولا وش أشووووووووووووف
أونـــــــــــــــو إيه بنات يلعبون أونو ومتحمسيييييين عاد أنا وقفت منهبله أناظرهم قالوا زميلاتي ياقدمك فيه بنات يلعبون بلووووت يعني حشى إستراحة شباب مو كلية بنات ذي ...

5_آخر شيء عاد طولت عليكم ...فيه نقطة مستغربه منها وهي إني أشوف قسم الإقتصاد هاليومين صاير حديقة يوم سألت قالوا لي إن الأميره بتجي عاد أشوف العالم مختبة واللوحات حقات البيبان توه تركب وحالتهم حاله ...
عاد يقوووولون إنه بتجي المغرب يعني ماراح تشوف قسمنا آه آه آه ...

أدري عاد طوووولت عليكم بس العذر والسموحة وتراي ماكتبت إلا اللي نحس فيه وتعمدت أبتعد عن نقد أي شخص بعينه وماتدخلت بشغل المدرسات وإلا الإداريات اللي والله لو بنكتب عنه كان طردنا الكيبورد ....
وأنا ماقلت إلا الحق والله على ماأقول شهيـــــــد
**كل الأمل** غير متصل  

 
قديم(ـة) 07-05-2007, 03:30 AM   #2
عضو متألق
 
تاريخ التسجيل: May 2005
البلد: بعد الآذان بشوي
المشاركات: 1,023
قوة التقييم: 0
البطيخ is on a distinguished road
تم إيصال الشكوى لوزير التربية و التعليم للبحث بالأمر وتقصي الموضوع والتأكد من كلام طالبة الكلية المذكورة..
























لا تفرحوووون بشي والله ما حولكم أحد ، أهم شي المديرة جالسة بالمكتب والمكيف يهف عليه والقهوة والشاهي طول الدوام وعلى قولتهم كلن يقول أنــا وش كـــاري

وبمناسبة الموضوع والله خطرت ببالي فكرة إن أفتح مؤسسة نظافة مباني ومدارس وإن شاء الله أول ما يجون العمال بنجيبهم ينظفون كليتكم وببلاش كتجربة للعمال ولا تخافون كل شي وله حل .

ونصيحتي لكم لا تسكتون على شي اكتبوا خطاب لمدير التعليم ولوزارة التعليم العالي ولكل مسئول له خص فيكم .


وشكل مصير الموضوع مثل ماضيه . .

ولكم التحية والسلاااااااام . .
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
البطيخ غير متصل  
قديم(ـة) 07-05-2007, 04:03 AM   #3
عضو مميز
 
تاريخ التسجيل: Mar 2007
المشاركات: 176
قوة التقييم: 0
@الفهد@ is on a distinguished road

والله يا كل الأمل
مشكلة كبيرة ما سطرته اناملك من معاناة غير طبيعية..

ولكن

كل الامل انك تقدرين تصورين هالمعاناة بصور من الجوال وتنزلينها
هنا واتركي الباقي على الله لانها راح تكون مادة صحفية دسمة
ومعانتكم وصلت فقط باقي تدبرين صور باية طريقة
تعرفين مثل هالكلام يحتاج اثباتات ..

وشكراً
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل @الفهد@; بتاريخ 07-05-2007 الساعة 04:07 AM.
@الفهد@ غير متصل  
قديم(ـة) 07-05-2007, 04:18 AM   #4
عضو مبدع
 
تاريخ التسجيل: Apr 2006
المشاركات: 1,991
قوة التقييم: 0
المشتاق is on a distinguished road
كلام اخوي الذيب الاسمر صحيح
المشتاق غير متصل  
قديم(ـة) 07-05-2007, 04:58 PM   #5
عضو متواجد
 
تاريخ التسجيل: Apr 2007
المشاركات: 50
قوة التقييم: 0
عز الخوي is on a distinguished road
بصراحه موضوع مهم ولاكن مافي بيدنا حيله


ومشكوره على الموضوع وصدقيني لو تطلبين موضوع نقدر عليه كان أنشالله

مانقصر ولا راح المنتدى كله بيقصر

ومشكككووووررررررررررررررررررررررررررررهه ياكل الأمل
عز الخوي غير متصل  
قديم(ـة) 07-05-2007, 05:07 PM   #6
عضو
 
تاريخ التسجيل: May 2007
المشاركات: 6
قوة التقييم: 0
مخاوي الخجمى is on a distinguished road
الله المستعان
والله مايملى عين الأنسان إلا التراب اجل فيه بنات يتمنون الدراسه في الكليه وما حصلهم احمدي الله على كل حال وانثبري
مخاوي الخجمى غير متصل  
قديم(ـة) 07-05-2007, 08:57 PM   #7
 
صورة فيصل العلي الرمزية
 
تاريخ التسجيل: Sep 2005
المشاركات: 28,894
قوة التقييم: 0
فيصل العلي will become famous soon enough
الله يعينكم ،،
__________________
-
-
فيصل العلي غير متصل  
قديم(ـة) 07-05-2007, 09:43 PM   #8
عضو مميز
 
تاريخ التسجيل: Apr 2007
المشاركات: 148
قوة التقييم: 0
عبيد العبيد is on a distinguished road
أوووه والله ياهي مشكلة صراحة مدري وش لون عايشين ؟؟
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

آخر من قام بالتعديل سيف الرعد; بتاريخ 07-05-2007 الساعة 09:49 PM.
عبيد العبيد غير متصل  
قديم(ـة) 07-05-2007, 10:15 PM   #9
عضو متألق
 
تاريخ التسجيل: Jan 2006
المشاركات: 730
قوة التقييم: 0
~smart~ is on a distinguished road



الله لايهينه .... اللي يبي يرفع الموضوع لسعاتــــــــــــــــــــــــة

بالمرة يقولة ... يمرمرط العميدة والقائمين على قسم الدراسات ( 4 ) ....

من شهرين والطالبات يشكين الحر .... وما حولك أحد ...

وقال ايش قال .... السعودي >> مـــــــرفــــــــّــــــة

صحيح .... اللي يدة في المويه .. مش زي اللي يدة في قسم الدراسات .

السلام عليكم
.
.
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
~smart~ غير متصل  
قديم(ـة) 07-05-2007, 10:18 PM   #10
عضو ذهبي
 
صورة صمام الأمان الرمزية
 
تاريخ التسجيل: Sep 2006
البلد: فِيـ ظِلِّـ حَقـ هَارِبـ ..
المشاركات: 2,707
قوة التقييم: 0
صمام الأمان is on a distinguished road
أعانكم الله ..
وما دام أن أخي البطيخ .. تزهل بإيصالها ..؛ فهو لها بإذن الله ..
__________________
ثمانيةٌ تجري على النّاسِ كلهم
.......... ولابُـدَّ للإنسانِ يلقى الثمانية
سرورٌ وحزنٌ واجتماعٌ وفرقةٌ
.......... ويسرٌ وعسرٌ ثم سقمٌ وعافية
صمام الأمان غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 05:39 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19