LinkBack أدوات الموضوع انواع عرض الموضوع
قديم 21-05-2007, 11:56 PM   رقم المشاركة : 1
معلومات العضو
saud
عضو خبير
 
الصورة الرمزية saud
 
 

إحصائية العضو








افتراضي قصائد لشاعر المميز0 محمد مريبد العازمي

السلام عليكم ورحمة الله وبركاته

حياكم الله جميعا

طبعااكيد الكل تابع شاعر المليون

واكيد كلكم تعرفون الشاعر محمد بن مريبد العازمي

الي وصل للمرحلة الاخيرة بجدارة واستحقاق بشهادة لجنة التحكيم
وشهادة الجمهور

الشاعر محمد شاعر قصائده تتسم بالحزن وتصل للقلوب بسرعة

فانا شخصيا اذا قعدت اسمع قصائدة بشاعر المليون يطري علي شعر الاولين يامال الجنة ماادري ليش

احس اسلوبه بالقصايد اسلوب مميز
وطريقة القاءة ماشاء الله مميزة

مااطول عليكم واخليكم مع النبذة الشخصية عن حياته
نقلا عن موقعه الرسمي




محمد مريبد الفهيدي العازمي

شاعر سطع نجمه في سماء الشعر الشعبي الخليجي من خلال المشاركة في البرنامج الجماهيري ( شاعر المليون)
الذي فتح باب النجومية لعدة شعراء بارعين لم يسلط عليهم الضوء في الساحة الشعرية.
كسب شاعرنا الجميل محمد مريبد قلوب الناس وخسر إحدى المراكز المتقدمة في ختام
البرنامج لكنه بالفعل ترك له ذكرى عطره سوف تتهامس على شفاه الناس ,
أبهر بن مريبد جمهور الشعر ومتذوقيه بكل شطر وكل قصيدة سطرها قلبه قبل أن تسطرها
أنامله فأجمع كل من سمع الشعر بشاعرية هذا الشاب القادم للساحة الشعرية بقوة
و بكل ما تحمله قصائده من جزالة ورومانسية, فهنيئا للشعر على هذا الشاعر الصغير في عمره الكبير في شعره وأخلاقه .

ولد فارسنا سنة 1980
في مدينة الرس بمنطقة القصيم عاصمة العلم الشرعي ,
وينتمي الشاعر محمد مريبد إلى قبيلة العوازم الهوازنية
وهو من فخذ الصوابر من عائلة الفهيدات التي تتواجد في الكويت والقصيم
وأيضا في قطر, وهو ينحدر من عائلة أغلب رجالها عرفوا بالشعر وتنظيمه,
ترعرع محمد في أزقة الرس وحواريها ودرس بمدارسها حتى أنعم الله عليه
وتخرج من أحدى مدارس المرحلة الثانوية بمنطقة الرس ودخل جامعة الملك سعود
بقسم طب الأسنان وهو موظف حاليا في مستشفى الرس كمساعد لطبيب الأسنان.

شارك الشاعر محمد مريبد في عدة مهرجانات وأمسيات شعرية وفاز بعدة جوائز نظير
مشاركته في مسابقات شعرية مثل فوزه بالمركز الأول كأفضل شاعر شاب على مستوى
الخليج في المسابقة الشعرية التي أقامتها هيئة الشباب والرياضة الكويتية
بالتعاون مع مجلة المختلف وأيضا فاز بالمركز الأول بفئة المخضرمين بمسابقة
الأسير محمد المطيري التي أقامتها مشكورة جريدة الأنباء الكويتية .

وفي المهرجانات شارك بن مريبد بمهرجان الغضا الذي يقام سنويا بمدينة عنيزة بالقصيم ,
وأيضا شارك بأمسية شعرية أقامتها بلدية عنيزة, وشارك بأمسية شعرية ثلاثية
بمشاركة الشاعرين سعد براك العازمي والشاعر خميس سالم الفهيدي العازمي.

وفي مشاركة متلفزة له ظهر بن مريبد بلقاء تلفزيوني مع الإعلامي
والشاعر المخضرم مجبل الحشاش ببرنامج لوحات شعبية على تلفزيون دولة الكويت,
ونشر له عدة قصائد على المجلات الشعرية وله مشاركات في بعض المواقع
والمنتديات الشعرية مثل منتدى المرقاب الذي يديره الشاعر الكبير حبيب العازمي.


هذه نبذة مختصرة عن الشاعر
محمد مريبد الفهيدي
القادم إلى مصاف نجوم الشعر الشعبي
وان شاء الله يكون مستوى شعره من أفضل إلى أفضل



وهالحين اترككم مع مختارات من قصائدة




&&&&&&&&&&&&&&&&&&&&&&&&&&&&&&&




عليك اتكالي يالله العفو والغفران
تفرّج لقلبي سبة الهم والضيقه

حمدتك على ماانزلت من نعمة النسيان
وانا عبدك اللي خايف ذنوبه تعيقه

حصل ماحصل للعبد قد قالها سلطان
وانا اللي حصل من صاحبي شي مااطيقه

لو اني مسامح واتحمل بعض الاحيان
واطّوف خطا الصاحب ولااحب تدقيقه

مااحب الخطا الجارح ولا الذل والحقران
وانا شارب(ن) من دلة العز وابريقه

هبوب الندا هزت بقلبي غصين البان
عسى خير ياحلم(ن) تمنيت تحقيقه

لكن الزمن سكّر على دربه البيبان
وانا مالي اللي الا ارضى بعذره وتصديقه

هجرني وانا توي صغير(ن) على الاحزان
وتوكل وانا ادعي له من الله توفيقه

رحل والله انه مادرى عن غلاه انسان
ولايمكن الايام تكشف مواثيقه

رحل ماذخر عن وجهي الاالدموع الوان
وانا ناشف(ن) ريقي وهو ناشف(ن) ريقه





&&&&&&&&&&&&&&&&&&&&&&&&&&&&&&





موقف طريف مر به في مطار ابوظبي


صدفه بلا ميعاد سابق من مطار ابو ظبي
حطت مراكيب الغرام اللي تشد ارحالها

وقفت لي في موقف(ن) محرج وانا الحر الابي
اللي حمول الوقت لاثقلت عليه اشتالها

قوي باسي لاحني راسي ولا ارخي منكبي
واللي عقد روس الحبال يحل روس احبالها

من عادني بأول سنين العمر مااعرف احبي
ارقى واروم المرجله واتعب لها واسعى لها

واصبر ولو تحرمني الايام كل اللي ابي
واعيش يومي والاماني شاربن(ن) فنجالها

صدفه اخير من الوعد والحجز مغلق من دبي
قلنا نروح ابو ظبي ويحلها حلالها

وقابلت من لالبست البرقع ولا لبست عبي
غنت لها الدنيا وانا اغني على موالها

استغفر الله من يلوم ابليس وابليس يهبي
لو حط سهمه بين حاجب عينها وظلالها

المشكله انه عريف وامره ياتونسي يامغربي
امن نسائي والعرب متشابهه بااشكالها

قلت اشهد ان لااله الا الله ومحمد نبي
والله يرحم حالتي والله يرحم حالها

ولقيت نفس القصيدة بس اطول ومضاف لها الكثير من الابيات
لان اظاهر القصيدة الي فوق قصيدته الي قال بامسية البحرين وكان مختصرها

اليكم القصيدة كاملة



صدفة بلا ميعاد سابق مـن مطـار ابـو ظبـي
حطت مراكيـب الغـرام اللـي تشـد ارحالهـا

وقفت لي في موقف محرج وانـا الحـر الابـي
اللـي يفكـر فـي مخارجهـا قبـل مدخالـهـا

اشيل ماشال الجمل وابرك علـى روس اركبـي
واقـوم بحمـول الزمـان اخفافهـا واثقالـهـا

وصكات بقعا لاحنت راسي ولاارخـت منكبـي
لوقصـرت هيبـة اسـود الغـاب دون اشبالهـا

من عادني باول اسنين العمـر ماعـرف احبـي
ارقى واروم المرجلـة واتعـب لهـا واسعالهـا

واصبر ولو تحرمنـي الايـام كـل اللـي ابـي
واعيـش يومـي والامانـي شـارب فنجالـهـا

والعذر ياللي مالعنـت ابليـس وابليـس يهبـي
ماني من اللـي أي فرصـة يحسـن استغلالهـا

مازلت اخطـط للمعالـي والكـرة فـي ملعبـي
ومازلت ماشـي والمسافـة ماحسبـت اميالهـا

ولايمكـن الاعـلام والشهـرة تغيـر مذهبـي
وان غيرتنـي لابـو الشهـرة ولابـو حالـهـا

شاعر وامثـل ديرتـي مـن مشرقـي لمغربـي
والنـار مـن شبابهـا والخيـل مـن خيالـهـا

الهزل مالي فيـه والجـد مـن دقنـي واشنبـي
وارفع مقامي من علوم المهزلـة وارسـى لهـا

والشاعر اللي طاحت اخلاقه يعـد اكبـر غبـيي
اكثـر شعـارن تسـاوى اقفايـهـا واقبالـهـا

لن الشعر في عصرنا والاقبـل عصـر النبـي
رسالـة تحمـل صفـات اسلافـهـا لجيالـهـا

موقف حصل وانا استفدت وعارف وش مكسبـي
والمستمـع مالـه بـدق السالـفـة وجلالـهـا

سلام من شاطئ الخليج الـى المحيـط اليعربـي
للديرة اللـي مالحـق ضيـم الزمـان اعيالهـا

ديرة هل العوجـا وسمـي يالمعالـي واشربـي
الشجرة اللي كـل ابونـا تحـت ظـل اظلالهـا

الديـرة اللـي حبهـا سابـي معاليقـي سـبـي
هذي بـلادي وافتخـر فـي اسهولهـا وجبالهـا

ان كنت في أرض الرياض او كنت في دارالظبي
لاافتخـرت ابهـا رميـت عمامتـي وعقالـهـا





&&&&&&&&&&&&&&&&&&&&&&&&&&&&&&





الهنوف

يالله عسى بعض الغلا ياقايد الغيد مخلوف
ان مارجع ربحه علي الله يرده راس مال

كم لي وانا تكويني الدنيا على روس الكتوف
واشيل مالااطيق من شانك واحملها الجبال

وياما على شانك تحملت الخناجر والسيوف
وياما على شانك ليامن ضقت شديت الرحال

وقفتني بالشارع الضيق وممنوع الوقوف
مسار واحد والمصيبه لايمين ولاشمال

تقول طوفها معي واقول عيت لاتطوف
اجيبها منا تجي منا ولافيها مجال

والحب ماينفع معه فزعه ولا واو معطوف
الحب لو زالت جبال الارض ذكره لايزال

يرقى على حبال الوصال ويخدمه نبض الحروف
شوي من نسج الغلا وشوي من نسج الخيال

وش عاد لو غنيت طاروقك وصفيت الصفوف
صفٍ يبا ياقف معي وصفٍ ليامن رحت شال

والله لتبطي ماوصلت ادنى مواصيل الهنوف
الجادل اللي دمعها لارحت والا جيت سال

الجادل اللي طيفها عندي ولا كل الطيوف
ام الغلا وام الحلا وام الدلع وام الدلال

والا انت حبك في حياتي ظرف من ظمن الضروف
اقلط على نزف الشعر والفال يقفاه العقال

اول ماكنت اسمع واشوف والحين صرت اسمع واشوف
اتعبت رجلي في هوى نفسى على روح وتعال






&&&&&&&&&&&&&&&&&&&






بعد القطيف وقبل مفرق رحيمه


ياهيه ياللي غرك القـال والقيـل
وكثرت عليك علوم راع النميمـه

انا ترى ماعاد لي بالصبـر حيـل
ولاعدت اطيق المهزله والضليمـه

صحيح اجابه صدمة الوقت واشيل
والصبر مفتاح الفـرج والغنيمـه

واحـاول ادور للاعـذار تحليـل
واقول ماينسـى نديمـي نديمـه

لك بين ريضان الحنايـا مداهيـل
ولك فالحشاء حشمه وشيمه وقيمه

خوذي كلام اللي لياقـال مايميـل
وخلي كلام اهل العقـول السقيمـه

ياوردة(ن) مالت على ضفة النيـل
يهبهـا ريـح العبيـر ونسيمـه

انا احتدم لك وانثني واسرج الخيل
واعنّ لك واكرب لك شداد ريمـه

ثلثين ليل وثلث باقي مـن الليـل
بعد القطيف وقبل مفـرق رحيمـه

ترسل وانا مانيب يـم المراسيـل
لايابعـد غيـدا وريمـا وديـمـه

رسايلك توحي بقطـع المواصيـل
الله يبيح اللـي رعـاك ويديمـه

ماهو كذا تقفـي وذودي مباهيـل
وتهل دمعك مثـل دمـع اليتيمـه

جرحتني توك وانا جرحي محيـل
وهزمتني وانا مااعرف الهزيمـه

وانا جمل ياام الرموش المضاليـل
لوجاتني عرجـاء تعّـود سليمـه

الموت اهون لي ولادمعي يسيـل
وان ضاقت الدنيا ضربت الخريمه

ومن دون ربعي ازحم بمنكبي جيل
واصد طعنـات الزمـان الاليمـه

وان رحت عني جعل دربك تساهيل
وان جيتني غالي ونعمـل وليمـه

طبعي كذا مااركض خلاف الاقاويل
وحسيبنا محي العضـام الرميمـه


يتبع
قديم 22-05-2007, 12:04 AM   رقم المشاركة : 2
معلومات العضو
saud
عضو خبير
 
الصورة الرمزية saud
 
 

إحصائية العضو








افتراضي

&&&&&&&&&&&&&&&&&&&&&




بذرة غلا..........................بذرة غلا

ابتديتك عـــــلاقه وانتهيتك غـــــــرام
ومن سقيتك قصيدي وانت بذرة غلا

حتى صرت القصيد وصرت كل الكلام
وانا كلــي مشـــاعر واشتياق وولا

لاتسافــــر تـــــــرى يلحقك مني ملام
ولاتطـــــــــول غـيابك جعلني ماخلا

انت ماخــــــــذت قلبي غير بالاحترام
والا قلـــبك تـــــرى تهواه كل الملا

جيت مــثل الغمام ورحت مثل الغمام
وكان خاطـرك سالي خاطري ماسلا

الله اكبر جبرني الشوق جبر العضام
لين دلـو المشــاعر من غلاك امتلا

روح لاتعـــــتذر والحمل فوق السنام
كلمة انســــاك ماهي مثل كلمة هلا

وفي شاعر المليون قال البيت كذا

روح لاتعتذر والحمل فوق السنام
ماإنت اول حبيب عن حبيبه سلا

احسها اجمل من هلا مع ان كل البيتين روووووووعة
ماشاء الله عليه
بس احلى يوم قالها بشاعر المليون
مانت اول حبيب عن حبيبه سلى << الله يابن مريبد مبدع الله يحفظك




&&&&&&&&&&&&&&&&&&&&&&&&&&&





العمر فرصه والحياه ايـام والدنيـا ظـروف
والمشتبه بالامر ما بين الحرام مـن الحـلال

الشعر ديوان العرب وانا بشعـري فيلسـوف
اترك اهزال الشعر وانقا من معانيـه الجـلال

البارحه صدر الجنوب يضيق واشوف الحسوف
وين انت يا صدر الشمال احتجت للفزعه تعـال

وردت مجاهيم الليال احيام ورياحـي شعـوف
من يوم وقفني بدرب العشق يسالنـي سـؤال

واقوله بيني وبينه يا عسـا الحـب مخلـوف
ان مارجع ربحه علي والله لا ارده راس مـال

كم لي وانا تكويني الدنيا على روس الكتـوف
واشيل ما لا اطيق من شانك واحملها الجبـال

ومديت لك ريحانة الاشواق في بيض الكفـوف
قبل يجف العطر والاشـواق تدفنهـا الرمـال

وقفتني في الشارع الضيّق وممنوع الوقـوف
مسار واحد والمصيبـه لا يميـن ولا شمـال

تقول طوّفها معـي واقـول عيـت لا تطـوف
اجيبهـا منـا تجـي منـا و لا فيهـا مجـال

والحب ما ينفع معه فزعـه ولا واو معطـوف
والحب لو زالت جبال الارض ذكـره لا يـزال

يرقا على رجم الغرام ويصدمه نبض الحروف
اشوي من نسج الغلا واشوي من نسج الخيال

وش عاد لو غنيت طاروقك وصفيت الصفـوف
صفٍ يبا ياقف معي وصفٍ اليا من رحت شال

والله لتبطي ما وصلت ادنى مواصيل الهنـوف
الجادل اللي دمعها لارحـت والا جيـت سـال

الجادل اللي طيفها عنـدي ولا كـل الطيـوف
ام الحـلا ام الـغـلا ام الـدلـع ام الــدلال

اللي هداياها ملـت كـل الزوايـا والرفـوف
يطلع ابطلتها بـدر ويغيـب لا غابـت هـلال

وانا اقدرهـا مثـل تقديـر حاتـم للضيـوف
واطرب على فيّة غلاها كل ما مـال الظـلال

اعيشها عيشة عمر مابين امن وبيـن خـوف
ازرع لها شعري وهي تسقيه من غيث الوصال

حتى خذتني عشق وانا اخذتها رغـم الانـوف
واسكنتها روحٍ عن اهروج البشر منفى اعتقال

والا انت قربك ما يشجعني وفرقاك امعـروف
اقلط على نزف الشعر والفـال يقفـاه العقـال

حتى لو انت الذ من تمـر المدينـه والهفـوف
ارحل ترى ايامك خضر لكن ترى اسنينك اهزال

وفر ادموعك دام دمعك مر والدرب امحفـوف
جعلك فدا من هلت ادموعه علشـان ابتهـال




&&&&&&&&&&&&&&&&&&&&&&&&&&





شبيت من راس الفتيل القناديل
وذبحت في ميلاد شعري تميمه

شاعر وامثل لابتي خير تمثيل
شعرن جديده يفتخر في قديمه

ابقى على حلم الليال المقابيل
تدفعني النخوه وقو العزيمه

ما اقول انا نجيب والا احمد زويل
اهل العقول الراجحه والحكيمه

لكن نحاول نرتقي جيل عن جيل
واكبر فخر إنا من امه عظيمه

ايامنا ذل وهوان وغرابيل
تهدم قيم والجهل مسرح جريمه

واعلامنا غزو عقائد وتظليل
قناة تمثيل وصحافه عقيمه

والشعر فصل حال الايام تفصيل
وجسد معاناة الشعوب الأليمه

واصدق لساني حلل الوضع تحليل
احساس شاعر نابع(ن) من صميمه

وانا ليا تغربت من غير تأويل
ارضي طموحي وافهمي يا فهيمه

انا ادري انه غرك القال والقيل
وكثرت عليك علوم راع النميمه

لكن ترى ماعاد لي للصبر حيل
ولا عدت اطيق المهزله والظليمه

صحيح اجابه صدمة الوقت وآشيل
والصبر مفتاح الفرج والغنيمه

واحاول ادور للأعذار تعليل
واقول ما ينسى نديمي نديمه

لك بين ريضان الحنايا مداهيل
ولك بالحشى حشمه وشيمه وقيمه

خوذي كلام اللي ليا قال ما يميل
وخلي كلام اهل العقول السقيمه

يا وردت(ن) مالت على ضفة النيل
يهبها ريح العبير ونسيمه

انا احتدملك وانثني واسرج الخيل
واعنلك واكرب شداد ريمه

ثلثين ليل وثلث باقي من الليل
بعد القطيف وقبل مفرق رحيمه

ترسل وانا مانيب يم المراسيل
الوضع سيء والنوايا مقيمه

رسايلك توحي بقطع المواصيل
الله يبيح اللي رعاك ويديمه

ماهو كذا تقفي وذودي مباهيل
وتهل دمعك مثل دمع اليتيمه

جرحتني توك وانا جرحي محيل
وهزمتني وانا ماعرف الهزيمه

وانا من احفاد الرجال المشاكل
بني عطا أهل الصفات الكريمه

إليا حدرنا وادي(ن) ضاربه سيل
وإليا تسندنا جبال(ن) مريمه

والمرجله لوهي ورا الجدي وسهيل
نسعالها سعي الغريم لغريمه

فهمتني والا تبي ندبل الكيل
نصيحتي خل العلاقه حميمه

لا تحسبن دمعي يبل المناديل
لا واللذي منعم عليك بنعيمه

إن رحت عني جعل دربك تساهيل
وإن جيتني غالي وقدر وحشيمه

طبعي كذا ماركض خلاف الاقاويل
وحسيبنا محيي العظام الرميمه




&&&&&&&&&&&&&&&&&&&&&&&




والختام مع قصيدة
في سمو الشيخ محمد بن زايد ال نهيان
وكانت في موقف حصل مع الشيخ فور اعلان النتائج
وهذي من جديد الشاعر محمد عقب البرنامج




يابو خلف بلـغ سلامـي كحيـلان
معك امانـه وانـت قـد الامانـه

ماللحمـول الا مناكـب بليـهـان
اللي جمال الحمـل تبـرك وزانـه

قل لبو خالد منبـر العـز والشـان
الله يرفـع عنـد مـولاه شـانـه

بضيافتـه ماكـن حنـا بضيفـان
كنـا عيـال الشيـخ والا اخوانـه

بحر الكرم نهر العطاء ذرب الايمان
عون الضعيف اللي غدربه زمانـه

يجيه لـه مديـون ويـروح ديـان
دايـم لفعـل الخيـر يشـر بنانـه

ابو اليتامـى مشبعـا كـل جيعـان
حتى كلامـه فيـه لطـف وليانـه

مني لبـو خالـد محبـه وعرفـان
شيخا له نفـوس النشامـى مدانـه

قلـه محمـد راح منـي مسـيـان
ويبلغـك شكـره وجـل امتنـانـه

لاهو بمتضايق ولاهـو بخسـران
حرٍ مع المركاض صـف اربعانـه

هنا جمع له عقـد لولـو ومرجـان
واهدى لجمهوره من الشعـر دانـه

وهنا كسب رفقة معازيب واخـوان
وصارت على ماقيل طيب وميانـه

نعم طمرت وطمرتي طمرت حصان
ماقصرت عـوج الايـادي عنانـه

صفق لي الجمهور في كـل ميـدان
رغـم اختـلاف الذائقـه والديانـه

والفضل للي كون الانـس والجـان
والفضل بعـد الله لـراع المكانـه

اليا عبر طاريه في بعض الاحيـان
اقـول مابـه مـن يحـل بمكانـه




وسلامتكم ...

صح الله لسانك يابن مريبد ولاعدمنا والله هالقصايد الزينة

ومن الرائع الي الاروع دائما وابدا وبالتوفيق للجميع


ان شاء الله عجبكم الموضوع

وسامحوني ان حصل مني قصور

الموضوع منقول
قديم 22-05-2007, 12:15 AM   رقم المشاركة : 3
معلومات العضو
هيكل عظمي
عضو متألق
 
الصورة الرمزية هيكل عظمي
 
 

إحصائية العضو








افتراضي

اخي . . . saud
الله يعطيك العافيه


















التوقيع

يا زمان الذل قم فز انتبـــــــــاه .... الوطن مبنى مكوّن داخله مما يلي :
الشريعة فيه مدخل من أمامه ، مجلس الشــورى حديقة من وراه
الحكومة دور أرضي ، والمحاكم فيه مستودع لتخزين القضـاة
الصحف مجلس حريم ، وهيئة الإفتاء غرفة نوم , والتجــّــار هم فيه الرعيـّــة والرعــاة ..
والمواطـن .. مطبخ ودورة ميـــاه ..!

قديم 22-05-2007, 01:08 AM   رقم المشاركة : 4
معلومات العضو
عبدالله النصيان
عضو مجلس الإدارة
 

إحصائية العضو








افتراضي

تسلم / سعود

وفيت وكفيت

ويستاهل الشاعر / محمد مريبد العازمي /

ويحق لنا أن نفخربه

ولاتحرمنا من جديده

أشكرك وأحييك


.



















التوقيع

.

ملح الجريف - سابقاً -

قديم 23-05-2007, 02:18 AM   رقم المشاركة : 5
معلومات العضو
saud
عضو خبير
 
الصورة الرمزية saud
 
 

إحصائية العضو








افتراضي


المشاركة الأصلية كتبت بواسطة آن الآوان

اخي . . . saud
الله يعطيك العافيه

الله يعافيك أن الأوان علي المرور وتسلم اخوي
قديم 23-05-2007, 03:31 PM   رقم المشاركة : 6
معلومات العضو
abu naif
مشرف سوبر
 

إحصائية العضو








افتراضي

الغالي سعود
استعراض رائع للمبدع محمد المريبد
جزيل الشكر لك

عليك اتكالي يالله العفو والغفران
تفرّج لقلبي سبة الهم والضيقه

حمدتك على ماانزلت من نعمة النسيان
وانا عبدك اللي خايف ذنوبه تعيقه


صح لسان محمد مريبد
قصائده رائعه

اكرر شكري وتقديري لك اخي سعود
-



















التوقيع

.
.
قديم 24-05-2007, 06:43 AM   رقم المشاركة : 7
معلومات العضو
saud
عضو خبير
 
الصورة الرمزية saud
 
 

إحصائية العضو








افتراضي


المشاركة الأصلية كتبت بواسطة abu naif

الغالي سعود
استعراض رائع للمبدع محمد المريبد
جزيل الشكر لك

عليك اتكالي يالله العفو والغفران
تفرّج لقلبي سبة الهم والضيقه

حمدتك على ماانزلت من نعمة النسيان
وانا عبدك اللي خايف ذنوبه تعيقه


صح لسان محمد مريبد
قصائده رائعه

اكرر شكري وتقديري لك اخي سعود

-

هلا وغلا ابونايف

والله شرفني مرورك علي الموضوع

ولو انا ماني من اهل الرس لكن المبدع يفرض نفسه

وكرر شكري لك ياابونايف

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 04:52 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8