متى على الله يم ماوان تمشون !!!!!!!!!!!!!!!!!!!!

[شامان]

[FRAME="11 70"]هنيكـــــم يلي بشوفان تمسون = وسط العريق اللي على شف بالي
من ديرة العاقر لريمان تلفون = ومن الغبية لين حد السهالي
وحسلات مكشاتٍ لكم به تسجون = ياسعدكم يا الربع واعز حالي
واشيب عيني من ديار تمرون = إلى ذكرته فز قلبي وصالي
إلى ذكرت اللي له القلب مصيون = أنصا الجنوب ولا ألتفت للشمالي
وسيرت مسيار ٍ له القلب مفتون = بذيك الديار اللي بها القلب سالي
ولقيت ربع ٍ يالنشاما يسلون = ربع ٍ إكرام وغير هذا أرجالي
نافع ومهدي بالمهمات ينصون = وعلي وخالد والدخيلي كمالي
إمكملين إلبعضهم كان تدرون = ونايف ويوسف هم إربوع ٍ غوالي
يابو طلال أنشد رفيقك له عيون = وسط الغدير اللي به الصيد جالي
قله همزك إبليس والجيب مشطون = وصفيرة الجيب الربع له توالي
جدعت إذنك تسمع الصوت بفنون = وجدعك حتفك وسط ربع ٍ أشكالي
نبي نقاضي راعي الجيب بالهون = ونستسمحك أن كان فيها مجالي
هذي مزوح وصافي القول عربون = عربون ود وحب بالقلب شالي
متى على الله يم ماوان تمشون = واصير معكم وسط ذيك الجبالي
هذي إبيوت ٍ صغتها يوم تمسون = بذيك الديار اللي على شف بالي
وصلاة ربي عد خلق ٍ يصلون = على النبي اللي مشا بالعدالي [/FRAME]

إبراهيم محمد العطني

[عذاري]

وصلاة ربي عد خلق ٍ يصلون = على النبي اللي مشا بالعدالي

اللهم صلى وسلم على نبينا محمد وعلى آله وصحبه وسلم تسليمآ كثيرا ........
اشكرك أخي شامان على مانقلت لنا اناملك من ابيات رائعه تشعرنا بالحنين دوما للوطن والاصدقاء الغالين علينا رغم أننا موجودين معهم يسلمووووااا أخوي الكريم

[ملح الجريف]

هذي إبيوت ٍ صغتها يوم تمسون = بذيك الديار اللي على شف بالي

صح لسانك / شامان

والقلب يم موان

تسلم على هالرائعة , ونعم الخويا

.

[عاشق خيالك]

صح لسان شاعرنا محمد العطني الذي افتقدناه في هذا القسم

أتمنى عودته سريعا فلنا الى شعره شوق وله منا كل محبه

يعطيك العافية يا شامان الابداع والتألق دائما متلازم بحضورك

[فيصل العلي]

رائع شامان
/
\
/
~¤§¦ أشكرك ¦§¤~

[العاني]

أخوي شامان

تسلم على الرائعة من الدرر والألفاظ التي تذكر الواحد بالمكاشيت

ذكرتني اللي على بالي وناسيني اللي معه نبضت أحساسي معنيها