منتديات الرس اكس بي  

العودة   منتديات الرس اكس بي > منتديات الرس اكس بي > تاريخ الرس و الأدب و الشعر

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

موضوع مغلق
 
أدوات الموضوع انواع عرض الموضوع
قديم 21-06-2003, 03:49 PM   #1
المخبر
عضو بارز
 
تاريخ التسجيل: Apr 2003
الدولة: الرس
المشاركات: 528
معدل تقييم المستوى: 0
المخبر is on a distinguished road
افتراضي قـــوات المـاريـنـز قصة حقيقية مضحكة جداً

السلام عليكم ورحمة الله وبركاته

أنا بكتب لكم قصه عانيتها أيام الابتدائية

كان ياماكان في قديم الزمان وسالف العصر والاوان

كان هنالك ولد صغير يبلغ من الكبر عتيا اسمه (بدر) اللي هو انا

كنت برابع ابتدائي تقريبا

المهم يوم من الايام قالي الوالد يالله ياوليدي

خل نروح الحلاق قلت يالله

المهم كان شعري كثير والوالد الله يسامحه

كان يودينا للحلاق انا واخواني الصغار

وكان مايحلقنا الا كل اربع شهور ( عاد تخيلو المنظر )

كان يحلقني موس من بد اخواني

بحجة ان شعري يطلع بسرعه

المهم يوم رجعنا من الحلاق الظهر

تغديت وطلعت ومشيت شوي

وألقى قوات المارينز ( عيال متوسط )

قلت بيني وبين نفسي : لاتعطيهم وجه ولا حتى تناظرهم

وهم يناظروني وانا امشي واقول في نفسي الله يستر

المهم وانا ماشي بطريقي بروح للشباب بنلعب كوره

يوم مريت من جنبهم ويقوم كبيرهم كان ذاك الوقت بثاني متوسط

ويقوم ويوقف بطريقي وأنا احاول اوخر عنه

وهو يجيني يمين ويسار

المهم ويشيل طاقيتي من فوق راسي

ويلمس راسي وانا طبعا توني محلق

ويجي الثاني ويلمسه ويقول وهو يستهتر ( نعيما )

قلت الله لاينعم عليك

قال وش تقول ويصكني ذاك الكف اللي خلاني انسا وش تغديت

المهم دخت انا شوي يوم اني صحيت واروح لكبيرهم قلت عطني طاقيتي

قال : لا

قلت : عطني اياها

قال : واذا ماعطيتك اياها وش بتسوي

قلت : له بتندم ( وااااثق )

قال : يعني تهدد

قلت : ايه اهدد ( وياليتني ماقلت اهدد وياليت ابوي ماوداني الحلاق وياليتني ماطلعت من بيتنا وياليتني ماأنولدت )

ويجي ويمسك راسي ويفركه بجدار المسجد

قلت له بس بس الله يرحم امك

وانا عيوني تدمع من الوجع

قال احسن خله يعلدز

( يعلدز = يعلق = يعني يحترق )

واصدقاه يضحكون وانا اصيح

الـــمهم .....

بعد اربع دقايق من الكفاح المستميت

اشوف راسي بالسياره اللي جنبي مولع تقول سفتي

قالي كبيرهم ( يعني يبي يعرض علي هدنه )

تسانك تشجع الفريق اللي انا احبه بعطيك الطاقيه وادعك تذهب بسلام

( قلت والله هذي البلشه ) المشكله ماصرح بالفريق اللي هو يشجعه

يعني حظك نصيبك خخخخخخخخخخخخخخخخ

قلت تسان انا اشجع الفريق اللي انت ماتحبه

قال ياويلك

قلت انا احب الفريق الفلاني

قال اشوا فكك الله

عطاني طاقيتي ورحت لاصدقاي

التعديل الأخير تم بواسطة المخبر ; 22-06-2003 الساعة 02:31 PM
المخبر غير متواجد حالياً  
موضوع مغلق

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:40 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir