غريب الدار تعال شف وش يقول هالهامور....

[صادق الوعد]

العبد الفقير: آلو آلو .....

الهامور: من؟

العبد الفقير: مرحبا طال عمرك .. معك "منتف" من سوق الاسهم ..

الهامور: الله يكثركم .. وش تبي ..

العبد الفقير: اقول طال عمرك .. ورا ما ترفعون السوق شوي عشا ....

الهامور: "مقاطعا" وانا وش علاقتي .. كلم "المسئولين"

العبد الفقير: طال عمرك ما حولنا احد .. قلنا نكلمك مباشرة لعل ....

الهامور: ههههههههها اكيد ما حولك احد .. ما دروا عنك بالربيع .. تبي يدورنك بالصيف ههههههههها ..

العبد الفقير: ما شاء الله ومسفهل .. نرجع لموضوعنا طال عمرك .. ورى ما ترفعون السو .....

الهامور: السوق يخلف الله .. محد طقك على ايدك وقالك اشتر .. وازيدك من الشعر بيت .. ترى ما احد جاب خبرك انت والمناتيف اشكالك .. العالم مشغولة بعد القروش والصيف .. وايران والبارد والحار وغزة ...

العبد الفقير: .. وش علاقة سوقنا بغزة طال عمرك .. اقولك العالم منتفة عندنا .. الا اذا تقصد سرقة منازل ربعك من الهوامير "عباس ودحلان" ..

الهامور: مستخف دمك يالمنتف .. اقول ورى ما تضف وجهك .. ثانكيو فري متش مام ..

العبد الفقير: وش تقول طال عمرك ..

الهامور: الكلام الاخير مهو بلك يالمنتف .. القرسونة السويسرية جايبتلي كوكتيل شرمب سلت ..

العبد الفقير: شرمب وشو ...

الهامور: اقول الله يحوم كبدك .. هاجين منكم ومن اشكالكم بعد ما نتفناكم عشان نفل الحجاج نوسع الصدر ... اقول (طاخ)

طوط .. طوط .. طوط .. طوط .. طوط .. طوط .. طوط .. طوط .. طوط ..

العبد الفقير: آلو آلو آلو .. طيب ان شاء الله طال عمرك .. ترجعون بالسلامة ..

صديق العبد الفقير (جالس بجنبه): ها بشر ...

العبد الفقير: لا ابشرك .. الهامور يقول نبي نوسع صدورنا ونروق اعصابنا باوربا وامريكا وبعد الصيف اذا رجعنا .. عندنا لكم (مكرمة) .. يمكن نرجعلكم راس مالكم ..

صديق العبد الفقير: الله يطول عمره ويرجعه بالسلامة ..

[غريب الدار]

المشاركة الأصلية بواسطة صادق الوعد

العبد الفقير: لا ابشرك .. الهامور يقول نبي نوسع صدورنا ونروق اعصابنا باوربا وامريكا وبعد الصيف اذا رجعنا .. عندنا لكم (مكرمة) .. يمكن نرجعلكم راس مالكم ..

قله يقولك غريب الدار ايه هين

حلمك هذا مثل حلم ابليس بالجنه

والله ياراس مالك ماتحلم به ان استمر الوضع زي كذا وزين ان ماجوك وشلحوا ثيابك وأنت تناظر

لكن عسى الله يعوضنا بحنات النعيم والا هواميرنا ناويننا نيه قشرا

وحنا ياحول ماحولك احد جودنا على بعضنا والا عيال الذين هذولا مانقواهم >>أمنيتي ألقى هامور لحاله بالشارع

بس عاد وش رايك ماتبي نسوي أنا واياك قروب ونضرب السوق وندق خشوم هالهوامير

عندي راتب شهر وبدل السكن يسدن

الله يصبرنا بس ويعوضنا

وبس خلاص

تحياتي

[صادق الوعد]

بس عاد وش رايك ماتبي نسوي أنا واياك قروب ونضرب السوق وندق خشوم هالهوامير

عندي راتب شهر وبدل السكن يسدن

هذي يالله تمشيك هالصيفيه وتبي تدق فيها خشوم الهوامير كككككككك

اسعدني وشرفني مرورك
وتوصل بالسلامه ان شاءالله