رســـــــــــــــــــــــــــــ قصيميــــــــة ــــــــــــــــــالة !!!

[مملكة المحترمين]

خطتــــــــــس اللي كزيتي وصلت وفرحت بُه .. وكثر الله خيرتس على المقطع والغدفة اللي كزيتي لي ،
وابشرتس أن اخبارنا تسرتـــــس .. البقرة أضنت ، والبيض فــــــقــــــش ، والدجاجة الرقطا راجن ،
و ادحيم العلي أعرس ، ونوّير مخطوبة ، وعويش فطمناه ، وطريفة رفّعناه من السقاط ، وصويلح شراله دنانة ، وسليّم ختم المصحف ، واعزيز الصالح طاب من الطنان ، وبريه ولد رقية بدا يحبي ، والحمد الله طاب الجحام اللي بعينه ، وانتي صاتزه حطينا عليه تبنه ، وحصيصة طابت اقطوفه اللي براسه ، ومنيرة مشطناه بوردة ، وأم دريحم طلعت من الماجب ، وتممنا لدريحم ، والنعال الزنوبا اللي تخبرين عندنا هاك السنة خطناه ، ومقطع الروز خبناه ، والدوشق غيرنا قطاعته ، والسفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته ، والزبيل مليناه حتات من إنخلتنا ، وشرينا سحارة ولقيناه مكسورة .. وبقولس إني مع هالحمولة غاديتن حوسة ، الطاية تخر ، والمثعب منشق ، والقتالة منقلعة ، وباب الروشن منكسر ، والتسوله مسنيّه ، وبريتز الغرش الصغير منقشع ، والله يهديتس .. يا أم دحيم .. البزار اللي كزيتيه شوي كركمُه ، والمسمنة تقل رماد ما به ليمون ، والفتيت مسري ، والكليجا تقل عظامة . واذا بغيتوا تكزون شي .. كزوا شي يبل الريس ويواجه عند الحمولة . معكم علم ان حمولتنا ناس ينقدون بتلة . وخالتي بس تشره ، وعمتنا حقنة ما يجوز لها الشين ابد ، وحريم عمومتنا صرت اثم لهن ، وجذعانهم فرقا عين جدي شيبان كبري يترددون على هالجصة أقضو تمره تقل دبا ، وأنا ما ودي أطول عليتس الحتسي عسا ما يخلين منتس ، ولا من جناين قلبتس ، لاخلا ولا عدم وسلميلي على من نشد عنا ، وأخص بالسلام لطيفة وهيا وقوليلهن والله ما خلان أقصر عنوتي عنكم وأشوفكم إلا اني عويجزة ولاصقه على ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودنن بتلة ومع هالبراد صايلات علي يالله حسن الخاتمة والعمل الصالح .. وسلمي وأنتي سالمة .

[قصيدة لم تكتمل]

ممكن تضعين الترجمة ...............من جد ماني فاهمة شي

[مملكة المحترمين]

هههههههههههههههههههههههههههه
روح اشتري قاموس

[√foOoshya√]

هههههههههههههههههههههههههههه
رهيبه الرسااااااااله الله يرجك
بس يااحرام هالعجوز كل الي تعرفهم مريضين

[نــونــو]

مافهمـــــــــــــــــــت شي

[% دنيـا الـولـه %]

رائـــــع ...!
ياااحبيله هالعجيز

يعطيك العافيه ....

[ام القمرين]

ههههههههههه
و
هههههههههه

يااااااااااااحبي للقصيم بس هم وكلامهم...