عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 23-06-2007, 05:09 PM   #1
كاتم العبرات
Guest
 
المشاركات: n/a
نصائح مهمه لمصلحة الامه

ايها الاعضاء الاعزاء ايها العضوات العزيزات


مع السلام عليكم..... ولا حول ولا قوة الا بالله



وش اخبارك طيبيين
وشلون الاعضاء ....... عساهم برتقاليين

بمناسبة العطله الصيفيه اعادها الله علينا باليمن والمسرات
وكل عام والامه والاسلاميه والعربيه (كلهن) بخير وانا لله وانا اليه راجعون ولله ما اخذ ولله ما اعطى <<< لاتشرهون بالحيل

قلنا نزل لكم موضوع تستانسون وتنبسطون بها العطله
ومنها نعطيكم بعض النصائح
وبعدين يا شباب حنا بموسم والموسم ترتفع فيه الاسعار
فــــا وين راح تلاقون واحد مثلي يعطيكم نصائح ببلاش

بس قبل ما تدخلون للموضوع عندي شروط لازم تاخذونها بـ اذن الاعتبار

1- نزل نعالك عند الباب لأن الموضوع جديد وتونا فارشينه فرش جديد ...

2- لا تلمس جدران الموضوع بيديك,, البويه ما نشفت

3- أربط حزام الأمان لأنه يمكن تطير ولا عاد توقع

طبعا اكاد ان اجزم بان البعض من الكثير القليلين <<< وشلون تجي ذي
يقولون : ملينا .. كل يوم موضوع ,, كل يوم موضوع ,,
فـ من باب الأخذ بعين الأعتبار وعدم تهميش ماهو لا يستحق هذا الأعتبار وأن يكون الجدير بالذكر محل أهتمامي ها هنا <<<< وش قاعد تقول أنت .
قررنا نحن صاحب النظرة الخجوله أن نغير اليوم ونطرح لكم موضوع وشكشوكه مع بعض..

بس ودي أوضح لكم معنى كلمة شكشوكه
شك = من الريبه والخوف والترقب والحذر
شوكه = قطعه صغيرة الحجم مدببة الرأس تدخل في رجل الشخص خصوصا إذا ما لبس نعال

فـ يقول الشخص شكشوكه :
يعني أنه يشك بوجود شوكه في رجله هذا والله أعلم

نرجع لصلب الموضوع <<< هو فيه موضوع اصلا
ترا الموضوع صلب مهوب من اللي مهو صلب
لأن المسامير نوعين
شي يجي صلب وش يجي مهوب صلب ..
أذكر مره قعت أنا وأخوي الصغير ساعة كامله بحذافيرها
نحاول نطق مسمار في جدار ,,,, ليش ؟؟ لأنه من النوع الي مهو صلب
لأن أخوي يبي يشتري بعارين وده يبني لهن عشه فوق السطح <<< والله أنه غبي
تدرون ليش أخوي الصغير غبي ؟؟؟؟؟؟؟
عمركم شفتو أحد يحفر تحت الأرض عشان يربي دجاج
خابرين اللي يحفر تحت الأرض يبي يربي خرفان ...اجل الحمام وين نحطهن
عرفتو ليش أخو ما عند شوية تفكير .... صدق اللي قال أهل العقول براحه

نرجع لمحور حديثنا
يا شباب انتم مستانسين انكم بعطله تراي كلها شهرين وترجعون للدراسه<<<< يحب يخرب الفرحه ,, دايم وهو نقص على المجتمع

يا شباب يا شابات أنصحكم بالإجتهاد في الدراسه والنوم بدري واتركوا عنكم السهر
يعني لا تجي الساعة 9 إلا وأنت بفراشك مفرش أسنانك ونايم .. والصبح تصحى بدري وتشرب كوب حليب
وتفطر وتروح إلى مدرستك او جامعتك واللي يدخن يصقع له زقاره عشان يصحصح<<< الشرهه مهي عليك على اللي يعطيك وجه تتكلم يا وجه الفلس .. الطلاب بجازه يعني لا تعكر مزاجهم .

المهم نرجع لموضوعنا <<< لعنت والدين الموضوع اخلص يا خوي

بما أنكم في إجازه ولا عندكم لا شغله ولا مشغله .. سهر في الليل ونوم بالنهار
الواحد منكم يغدي وجهه تقول كسرة شابوره من كثر السهر ,, والفراغ ذابحكم ذبح
كذبح الأضحيه في يوم العيد <<< تشبيه معنوي فقط
وكما يقال الصحه والفراغ مفسده للمرأ ,, زد على ذالك دراهم ومكافأت أنواع الفساد الإداري << يسمع بها

حبيت أني أصقعكم بكذا نصيحه

أنا ألفت كتاب وشرحت وفصلت وصنفت فيه الكائنات الحيه على حسبب أستغلالهم للإجازه
وكان الكتاب بـ عنوان ( السرعة سبب رئيسي لأمراض السرطان )

كتبت فيه أن الأشخاص على ثلاث أشكال على حسب أستغلالهم للأجازه .
فهناك من يستغلها بأشياء غير مفيده
وهناك من يستثمرها بحاجات مش كويسه
وهناك من يستفيد منها بأغراض مهي بزينه

فأقول لكم حاولوا أن تبتعدو عن هذه الأشكال الثلاث وحاولو قدر المستطاع أن تستغلوها
بأحد هذه الأشياء التاليه :
إما أن تستغلوا الإجازه بأشياء مفيده
او أن تستثمروا الإجازه بحاجات كويسه
أو أن تستفيدو من الإجازه بأغراض زينه
<<< درر والله درر ,, لا فظ فوك <<< لافظ فوك أنت و وابوك

عساكم استفدتوا من النصائح ... ترا متكلف عليهن اخذهن بالكيلو

على فكرة يا شباب انا سمعت خبر يقولون والعهده على الراوي
انهم يبي يلغون الدراسه <<< يعني خلاص ما فيها شي اسمه دراسه
يعني تاخذ شهاده وانت جالس ببيتكم <<< مدري سمعت يمكن اشاعه

يا اخي والله انك فاضي الناس معطلين ومستانسين وانت تسولف عن الدراسه

تدرون خلاص قضيانا ما عاد فيه موضوع

يا شباب ترا اللي قرا الموضوع هو الخسران


يله يله مع السلامه الشرهه ما هي عليكم على اللي يحطلكم موضوع ثاني مره

















الفراغ اللي فوق حاطه عشان اللي يبي يشخمط ولا يوقع ولا يكتب اسمه

والسلام عليكم ورحمة الله وبركاته


التـــــــــــــوقيع

مالـــــــــــــــــه داعــــــــــــــــــــــي
 

 
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح



الساعة الآن +3: 12:15 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19