نثرت الكحل

[أبو متعب]

نثرت الكحل

بسطت الليل في بحر العيون اللي سهرها عيد

وأحس أن الظلام اللي مضيفك متوصيبي

تلحفتك ولع وعتاب وأعضد لك على ما تريد

على حشمة غلاك أمشي ولو تجدب مشاريبي

وتقنعت الهبوب اللي مداها للكسوف بعيد

أعطرها بوفا الأشواق وأسقيها ندا طيبي

وأخيلك برق بعيون السحاب اللي نداه محيد

ليا هبت شمال وقامت اللهفات تومي بي

واشوفك لا نثرت الكحل برموش النجوم تسيد

وأشوفك لا تصفحت القمر وأنت بسما غيبي

واسامر في ذراك الليل ولي عبر السما تمجيد

على وجه الهسر تقبل بي الحروة وتقفي بي

وعلى كثر الرضوخ اللي تنازح ما قبلت الكيد

أشد السرج.. وأعسف المسافه.. وأحتطب شيبي

واعزي خاطري واركض ورا غيمه صمود البيد

ولو بحت حروفي وأنلهت القيض يصحيبي

وأنا لا زلت في قيدك متى تقطع بيدك القيد

متى تنهي عذابك بالوصل لا يطول تعذيبي

وسلامتكم

محمد متعب

[الشرطيه]

الله الله الله

صح لسانك مليوووووووووووون وعلا شانك ياخوي محمد

قصيدهـ ولا أروع الله يعطيك العافيه

[أبو متعب]

المشاركة الأصلية بواسطة الشرطيه

الله الله الله

صح لسانك مليوووووووووووون وعلا شانك ياخوي محمد

قصيدهـ ولا أروع الله يعطيك العافيه

صح بدنك

الله يعافيك

مشكورة على المرور