LinkBack أدوات الموضوع انواع عرض الموضوع
قديم 24-08-2007, 01:44 AM   رقم المشاركة : 1
معلومات العضو
انا صاحي لهم
عضو متواجد
 

إحصائية العضو







افتراضي اه اه اه من العبايه المخصره

من جد يا جماعة الخير ,, هل اللي حاصل حالياَ في الأسواق .. اسمه عبايات ؟ ويسمى ستر وحشيمه ؟


سؤال أطرحه لكم ياحضرات القضاه والساده المستشارين وأبي منكم إجابه ..



أنا كـ شاب أعزب أشعث أغبر ما قد شفت الا شغالتنا السرلانكيه

أروح للسوق أشتري أغرض .. فجأة.. تشطفني بنت عينها بعيني في الشارع عليها عباية أضوق من البنطلون !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ


أنا كـ شاب أفكر مثلآ في الجنس الآخر ولا قد شفته .. أجي السوق وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي ويقول: دز وراهم يا مال السيل


أنا كـ مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,,

ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟

أكيد راح يزيد صداعي وبأرجع من المستشفى مصدع ألعن من قبل والبركه في عبايتها


لا والمشكله ,, تلقى البنت شينه وشيفه وكأن وجهها قوطي داعسه وايت بس.. بالعبايه قسم بالله ماتقوم معها حلا شيحه


شغالتنا مثلا .. .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن .. مرة لبست نقاب حق جدتي العجوز ,, ماعرفتها ..

قمت ألاحقها في الحوش وأقول: يا لبى قلبك

يوم استانست وشالت البرقع وناظرتني بإبتسامتها الخاليه من الأسنان ..ضاعت علومي و قلت :


يالله روحي مطبخ جيبي مفاتيحي (( من زود الشين اللي فيها لخبطت بين غرفتي والمطبخ ))

يعني شفتوا كيف ان العبايات والبراقع قد إيش ملاعين خيـّـرررر ؟




دايم أسأل نفسي وانا من النوع اللي أحيانا في العصريه أجيب ترمس شاهي ومكسرات وأتقهوى انا ونفسي وندردش


بس الغريب ان نفسي من النوع الحياوي . تصدقون ماعمرها قالت لي ولا مرة: صب لي كآسه


قبل فترة كنت جالس مع نفسي وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اللي في الهيئة أو شااابين على مندوبنا حنا بس يا الشباب ؟ وينهم عن العبايات هذي ؟


المشكله أن نفسي ما ترد لأنها مو لاقيه اجابه ..


سألت نفسي ثاني مرة : اعنبوا بليسك هذولي ما وراهم أهل يقولون: هالعبايه عيييييييييييييب حراام !!

للمرة الثانيه تلتزم نفسي السكوت ولا ترد ,,


سألت نفسي ولثالث مرة : طيب وين ((الحمية))<<شطحه

وين الغيرة ؟ وين أخوانهم الكبار عنهم ؟ أو بس جيدين في تحويم الحمام في السطوح؟

وللمرة الثالثه مارست نفسي السكوت ومعطيتني أشكل!


سألتها لرابع مرة : طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم والتحرش من الشباب ؟

كالعاده لم ترد علي نفسي للمرة الرابعه وحقرتني !!!



عصبت انا ,, طنقرت ,, وأنا من النوع اللي إذا عصب على طول أصير زعلان قلت :

مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح . ردي يابقرة


وفجأة .. وبدون مقدمات .. طار الحب والفستق وانكبت زمزمية الشاهي وقامت نفسي علي وسددت لي ذاك الكف وشالتني ومحطت بي ثم صارخت علي تقول:


(( يااخي تراك أزعجتني بأاسئلتك هذي 5 سنين وانت شغال تجلدني بأسألتك لابوك لابو مخك لابو هالعبايات والبنات اللي تقول .

شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي ..
ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني .,,

لاعاد تتمشى بسيارتك ولاعاد تطب الاسواق وكل تبن واقضب ارضك ,,


مرت خمس دقائق وانا فاقد الوعي وخايف من نفسي وقعدت أفكر في كلامها وبالذات كلمة :



(( ..ذا زمان البنت مو زمان الولد .. انت اللي تستحي وهي لا .. هي الجريئه وانت الحياوي .. ))




قمت ,, عدلت الزمزمية ,, والتفت عليها وحبيت راسها وقلت :

سامحيني والله انك صادقه ابشري من اليوم ورايح ما هنا طلعه ووالله صدقتي في كل كلمه ,,


ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟

قلت: لا وفوق هذا والله انك حكيمه بعد .. الله لايحرمني منك ..

قالت : ولا يحرمني منك بعد أنت يا بعد روح روحي ..

قربت منها وقربت مني ههههههه ..ودخلت بجسمي وتوي أصحى

السؤال : هل تتفقون مع ما قالته نفسي الحكيمه ؟ أم يا هل ترى بالغت وشطحت قليلا ؟؟؟


ولو الواحد منكم يا الحبايب شاف عباية أخته مخصره ومزخرفه كأنها هوندا حقت ..عبد .. وش موقفه . يرضى ؟


وإذا - لا قدر الله - وتحرش في البنت أي شاب مفتووون بلبسها ,,

ليش اللوم والحكي كله على الشاب والبنت طالعه منها براءة ؟ ليش ؟

السؤال للشاب وللبنت..؟؟؟؟

واذا فيه شيبان لا مانع من المشاركة

اللي بيجاوب ..يجاوب ,, واللي مهوب يجاوب لا يجاوب .,

آسف على الايطاله


تقبلو تحياتي


انا صاحي لهم
قديم 24-08-2007, 01:59 AM   رقم المشاركة : 2
معلومات العضو
نسرين
عضو مميز
 

إحصائية العضو







افتراضي

محد قال لك بحلق بالبنات وبنفس الوقت المفروض البنات مايتكشخن بالشارع لانه موب عرس

قديم 24-08-2007, 02:01 AM   رقم المشاركة : 3
معلومات العضو
Only
عضو بارز
 

إحصائية العضو







افتراضي


والأكمام كأنها كراسيدا باكستاني أنواع الزخارف
خخخخخخخخخخخخخخخخخخخخخخخخخخخخخخخخخخ ررهيب التشبيه

بس جازت لي زمزميتك ياانها مرتن حمشه :p

بصراحه تحوم كبدي من هالنوعيات اللي تتلامع بالسوق الوااان ولماميع تذكرني بالعقود اللي بقصر العروسه :|
يعني فعــــــــــلا اشكالهم مقززه

ولكن فبليس وكل شاة معلقة برقبته

وانت يا أخيي غض البصر .. أييييييييه غض بصرك بعد ان كانها هي ارتكبت شي حرام لاتتعداها بالحرام وتفصفصها بعييناتك
غض بصرك والتفت عالجهه الثانيه والا تلطم واطلع :\

وان جينا للدين ترىالكل محاسب البنت اللي مااحترمت حرمة العبايه وغرضها الحقيقي
والشاب اللي اباح لنفسه انه يناظرها وهي ما تحل له وربي نهاه عن النظر له وامره بغض البصر ..
قديم 24-08-2007, 02:05 AM   رقم المشاركة : 4
معلومات العضو
انا صاحي لهم
عضو متواجد
 

إحصائية العضو







Exclamation رد


محد قال لك بحلق بالبنات وبنفس الوقت المفروض البنات مايتكشخن بالشارع لانه موب عرس
والله انا ما ودي ابحلق بالبنات لكن اذا شفت هالعبايه تنجن جنوني

اختي المفروض غير الواقع

شكرآ على مرورك اختي نسرين
آخر تعديل انا صاحي لهم يوم 24-08-2007 في 02:16 AM.
قديم 24-08-2007, 02:11 AM   رقم المشاركة : 5
معلومات العضو
رساويvip
عضو بارز
 

إحصائية العضو








افتراضي

جزاك الله خير على الله يستحين بعض هالبنات



















التوقيع

تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً

قديم 24-08-2007, 02:15 AM   رقم المشاركة : 6
معلومات العضو
نوكيا
عضو ذهبي
 

إحصائية العضو








افتراضي

مشكور انا صاحي لهم

كلام من القلب وفي الصميم

والله انهن يلفتن انظارنا بلبسهن وعطرهن ونحن نساء فكيف بالرجال
واللوم على الفتاة لأنها تلبس هذا اللبس الفاضح
هي ليست عباية بل والله فتنة
وكما قيل عباية تحتاج لعباية
والله يقهرن بس وش نسوي الشكوى لله
.....
تدرين ياأختي المسلمة انه اذا شم عطرك أحد غريب
لازم تغتسلين كأنه غسل جنابة
فيه أعظم من كذا يعني كأنك زانية
الله يستر علينا وعلى بناتنا وبنات المسلمين
........


ومشكور يا أخوي على كلامك واهنيك على نفسك الطيبة واللوامة
أختك
نوكيا
شهادة من أنثى


















التوقيع

[FLASH="http://up.cyemen.com/uploads/files/cyemen-77a32d1cd7.swf"]width=560 height=399 t=0[/FLASH]
قديم 24-08-2007, 02:23 AM   رقم المشاركة : 7
معلومات العضو
نديم الملحق
عضو متواجد
 

إحصائية العضو







افتراضي

الصراحة انا ماادري وش تبي مرة صيدة ومرة تبي تعض الجنط قصدي الارض ومرة تنصح اقول تعوذمن الشيطان وعرسسسسسسسس وسي يو

قديم 24-08-2007, 02:23 AM   رقم المشاركة : 8
معلومات العضو
انسان واقعي
عضو بارز
 

إحصائية العضو








افتراضي

الحمدلله والشكر الله لايبلانا بس ويستر على بناتنا وبنات المسلين قولو امين

مشكووووووور على الموضوع



















التوقيع

http://www.flickr.com/photos/65649089@N04/

Comment Me

قديم 24-08-2007, 02:33 AM   رقم المشاركة : 9
معلومات العضو
 

إحصائية العضو







افتراضي

صادز والله أخوي

أنا اقول لو يتركنه ازين

قديم 24-08-2007, 02:42 AM   رقم المشاركة : 10
معلومات العضو
انا صاحي لهم
عضو متواجد
 

إحصائية العضو







افتراضي


وانت يا أخيي غض البصر .. أييييييييه غض بصرك بعد ان كانها هي ارتكبت شي حرام لاتتعداها بالحرام وتفصفصها بعييناتك
غض بصرك والتفت عالجهه الثانيه والا تلطم واطلع :\
مشكوره اختي على النصيحه الغاليه
only


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 11:43 AM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8