ياهل البيوت اللي عمدها مواصير ، ، ، والشاعر / صنيتان الصبيحي

[المتصفح]

سمع الشاعر الكبير / صنيتان بن نافع الصبيحي الحربي
أن هناك من يبنون بيوت شعر جاهزه في استراحاتهم وفي منازلهم
فأنكر عليهم ذلك بهذه القصيدة الرائعة :

[poem=font="Simplified Arabic,7,darkred,normal,italic" bkcolor="transparent" bkimage="backgrounds/1.gif" border="double,4,sienna" type=2 line=0 align=center use=ex num="0,black"]
سمعت قول قلت ياناس ما يصير=وصح الجواب اللي لنا تذكرونه
وعبرت من عندي كلام بتفسير=تذكير للي ودهم يقبلونه
ياهل البيوت اللي عمدهن مواصير=بالله عليكم رايكم تتركونه
البيت ما يصلح بصبه وتوسير=ولا هو موافقكم على ما تبونه
مكتف كنه على درب تعزير=وإلا الظيور اللي تحزّم عيونه
وبيت الشعر ما له مع الحضر توفير=ولا قط سكان البلد يرغبونه
والله يلو كثرة عليه الدنانير=يا ساكنين القصر ما يقبلونه
البيت يبيله خبوب وعثامير=يكرب قراه وثم تسحب ركونه
حتى يجيله بالنظر صورة غير=يملى العيون ويطرب القلب لونه
وبيت الشعر لمدلهين المغاتير= اللي ليا طاح الحيا ينحرونه
مظهورهم يمشي على وصة الطير=لو إن دونه فرجة ياصلونه
عام وراء اللبه وعام وراء النير=وعام وراء حوران تذكر ضعونه
والعام الآخر يكهزون المعابير=خطر على الشط الحمر يقطعونه
وان ضايق المعبار طرش ومظاهير=ما كان عند نحورهم يدحمونه
وان اعترض للراي عذّال ومشير=من شار في قصر الخطى يسهجونه
واليوم جا دور وله حالة غير=والطيب ما يحجز عن اللي يبونه
وحنا حضر أهل مباني وتطوير=قصر مشّرف والغما يرفعونه
طابق على طابق وسترة وتسوير=ومن ما زهى بعيونهم يصبغونه
وان جا هبوب فيه رش ومعاصير= صك الغرف والسيب والحوش دونه
والفضل للي ما معه واحد غير= ولا فيه واحد غير ذا تشتكونه
وان احتريت إبداه والاّ مسايير=عجل بفتح الباب للي يجونه
واضحك ورحّب حق واجب وتقدير=وزد بالفراش لمن خضع لك متونه
نشكر عظيم الشان وال المقادير=اللي عطاه الناس ما يمنعونه
سبّل علينا الرزق رحمة وتيسير= يجي لبعض الخلق لو ما يجونه
ينفق على الذرة مع السرو و الطير=لو هو بقوة كان ما يدركونه
وعقب الوهر نركب جديد الحناتير=والفضل للي ما ينامن عيونه
والله ما خلى على الناس تقصير=مار النفس شرهه والعرب يتبعونه
ومن قال انا سيد الملا واهمل السير=لا بد غيره ربعة يتبعونه
ودفوفنا من ما مضى به دواوير=وياجب على اهل العرف ما يجهلونه
وايضا ترى الدنيا مثل موجة الطير=ما كل ما بصدوركم تلحقونه
خداعة نقازة شانها غير=ما حاك بالخاطر ترى الموت دونه
وان كان في قولي تعدي وتزوير=العفو ياللي قولنا ما تبونه[/poem]

[الذرب]

هطووول أمطااارك .. اصبح مميزا ً ..
ايها .. المتصفح ..
فـ صح الله لسان الشاااعر
ولاهنت على النقل ..
ومرحبا 1000

[ذيب الرس]

عواااااااااااافي

[المتصفح]

مرورك أسعدني أيها الذرب

وهو الذي يميزني حقاً

.

.

ترقب القصيدة القادمة