عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

موضوع مغلق
 
LinkBack أدوات الموضوع طريقة العرض
قديم(ـة) 31-08-2007, 03:34 AM   #1
عضو متألق
 
صورة بانوراما الرمزية
 
تاريخ التسجيل: Nov 2006
المشاركات: 1,038
قوة التقييم: 0
بانوراما is on a distinguished road
اللهم لاتجعل الرز أكبر همنا .. سي يو ..

السلااااااااااااام عليكم ..

هلا والله بالشباب .. والشابات .. الأحياء منهم والأموااااااااااات ..

ياهلا والله بأهلي كلهم ..




ياشباب أنا لي يومين وكأني اتكلم مع خشمي .. ويوم رحت للمستوصف قال لي الدكتورة شي غريب ..
يقول انت عندك اللوزتين ..

الصراااااحة إني انا انشطب مخي .. وهل فيما اذا لو .. انتم تسذا مثلي عندكم اللوزتين ..

ياجمااعة انا خابر اللوز لوز .. والتين تين ..
وراه انا فرقعين جدي .. عندي ( اللوز ) صايرن ( تين ) يادافع البلى ..

مير الظاهر إني ابمكعهن وأجدعهن وارتاح منهن لايصيرن باتسر
( اللوز ) ( جح )





الأمر الثاااني والمهم وهو اللي انا كاتب هالكلاام علشانه ..
يانااااااااااااس وش اللي صاير للرز ..


الصراااااحة إن اللي يصير هاليومين ماهوب معقول ..
يعني معقولة الرز يرتفع الى هالحد .. ويصل الى اسعار خيالية ..

أنا ماادري وش السالفة .. هل هي اسعار عالمية ..
أو لعب تجار خارجي مع تواطئ من تجار الداخل كالعاااااااااااااااااادة ..
او الهنود هجت بهم وتركوا الفلفل وطاحوا بالرز ..

الغريب إننا مانشوف تدخل حكومي .. مثل التدخل في الشعير ..
وكأن ( الرز ) حاجة أي كلاااااااااااااااااااااام ..
وهو اللي يعتبر ( القوت ) الرئيسي بالسعودية ..
مع إن ( الرز ) للأوادم .. والشعير ( للبهايم )


يعني هل تتوقعون هالسنة السحور تونة ..
وماتتوقعون بعد .. تكون زكاة الفطر هالسنة ( مكرونة )

والله يستر لانصير باتسر نبداء نشري الرزبالحبة ..


تلقى الواحد يدخل للبقالة ويقول :
لو سمحت يالحبيب .. عطنا ( ست وعشرين ) حبة رز ..

ويطلعهن البايع .. ويقعد يعدهن له .. ويحطهن بكيس ويقول خذ .. وعدهن هنا قبل لاتروح ..
ترى إن رجعت وقلت لي ناقصااااااااات مانيب معطيك شي ..

<<((== تقول ماخذن قروش من بنك ..

ست وعشرين .. <<((== يطلع البايع مصري ويقول .. عايز ايه بالست يامال الزهااااااااااب ..



ويطلع الرجاااااااال ويروح لبيته ويدخل وينادي زوجته ..
تعااالي يام الشباب خوذي هالكيسة به ( ست وعشرين ) حبة رز ..
حطيهن بالخزنة بين القروش ..





وبعدين تعالي .. شوفي تراي عادهن عد .. ابيك هاللحين تقسمين بالله قدامي وتقولين ..


أقسم بالله ..
اقسم بالله ..


أن أحافظ عليهن ..
أن احافظ عليهن ..


وأن اطبخهن لي ولعيالي ..
وأن اطبخهن لي ولعيالي ..


وأن لااتميلح واعطي اهلي منهن ..
وأن لااتميلح واعطي اهلي منهن ..


وأن اوقع على إستلاام كل حبة ..
وأن اوقع على إستلاام كل حبة ..

والله على ماأقول شهيد ..
والله على ماأقول شهيد ..


يالله خوذي ثمان حبات وسوي لنا منهن غداء اليوم ..





******************************





عاااااااد وإذا جاء وقت الغداء تشوف الواحد يمسك حبة الرز بإصابعه وكأنه يبي ياكل صامولية من قوة التركيز ..



والأم تنااااااااادي عياله ..
يالله ياعيال تعالوا للغداء ..
اليوم حاطين ( رز ) .. ويجونك الشباب يقرشون كلهم مع الدرج ..
وكأني بهم وهم يقولون .. اوووووه رز .. اووووه رز ..




والأبو يقولهم :
اسمعوا ياعيال الذين امنوا .. ترى هالرز ماجاء ببلااااااااااش ..
جااااي بعد عد أيمان وحلوف ..

ترى اللي يبي ينثر حبه بالسفرة .. والله ماعاد يذوقه ..
نعطيه أندومي ويخب عليه بعد ..

واللي يبقى مايحط للدجاج .. هاليومين حنا اولى من الدجاج ..






وبالنهااااااااااية اقول :

اللهم لاتجعل الرز تكبر همنا ..


وسلااام ائليكم ..
سي يو
إعجبني
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
بانوراما غير متصل  

 
قديم(ـة) 31-08-2007, 10:20 PM   #2
مشرف المنتدى الأدبي
 
تاريخ التسجيل: Dec 2005
البلد: الرس
المشاركات: 2,144
قوة التقييم: 15
خلف is on a distinguished road
اللهم لاتجعل الدنيا اكبر همنا ...

سيجعل الله بعد الضيق فرج .. هذي حال الدنيا طلوع نزول (( ماتخفش يابانوراما ))

وياناس الدنيا دولاب ... طالع نازل على دربوا

في الطلعه كثروا الاحباب ... وفي النزله كلن هربوا

مع الاعتذار للشمحوطه ( صباح ) ! ! !



.
__________________
خلف غير متصل  
قديم(ـة) 31-08-2007, 11:50 PM   #3
عضو متألق
 
تاريخ التسجيل: Dec 2005
المشاركات: 777
قوة التقييم: 0
صالح العبدالله is on a distinguished road
مدحت شوقي كاتب هذا الكلام ..
شكراً لنقلك وأمانتك النقلية ..
صالح العبدالله غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
عرض اسماء الطلاب الناجحين بثانويات الرس TOSHIBA منتدى التربية والتعليم 36 02-10-2007 06:21 AM
هنـــا حركة النقل الداخلي لعام 1427هـ - 1428هـ العنود منتدى التربية والتعليم 11 02-08-2007 03:45 PM


الساعة الآن +3: 02:52 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19