عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 01-10-2007, 07:30 AM   #1
عضو مبدع
 
تاريخ التسجيل: Mar 2007
المشاركات: 1,168
قوة التقييم: 0
نازف is on a distinguished road
Unhappy .. " صغيـري " يدخل مواقع الدردشــه الإباحيــه فمالحــــــل ..

.. صغيـري يدخل مواقع الدردشــه الأباحيــه فمالحــــــل ..


دخلت قبل كم يوم البيت ولقيت الصغيــــــر عند الكمبيوتر
قلت كالعاده شكله بموقع سبيس تون ولا اي موقع العاب
بس هالمــره حصلته منسجم أنسجام تآآم
قلت وش الي مخليه ينسجم يوم شفته وليتي مآ شفته انصدمت بغيت أتصروع
داخل موقع دردشــه بأسم خطاء بس الصوره بنت
تمالكت رويحتي و جلست جنبه
وكنت بجره بالهرج بشوف من الي علمه هالأشياء
بالأول قال حصلتها وكانت الصفحه الرئيسيه المفضله عندي موقع الشامل
وحصل الموقع عن طريق صفحتهم تبآع الدردشـات
وحصلت حاط صوره بنت قلت ليش حاط هالبنت مآ توقعت ولا 90% انه بيقول لي
(( عشان يهرجونه الي بالدردشه لأنه اذا حط صورة ولد محد يهرجه )) !!!!
يآننننننننننننننننننننننننآآآس مصيبــه مصيبـه

ولكن انا قلت هالشي مهوب من بيتي
ولا يصير أبد من بيتنا لأن التربيـه فيـه تمام التمام ولله الحمد والمنــه
ومن هالهرج يمين يسار خليته يكب عفشه الله يصلحه و يحج بأمه قال
من قريبات له يدخلن الدردشه ويعلمنه و يتعلمون من بعض !!!!!!!!
وهالقريبات بنفس عمره هذي الغبنه و البلووه يافعات يدخلن مركز دعاره قانونيه
فعلاً الأقارب عقارب قلت :- طيب وش تسوي بالدردشه قال :- اكلم أصدقائي

طبعاً هالسؤال قبل لا أسئله ليش داخل بصوره بنت ولا من ألي علمك
قلت يمكن أصدقائه يقصد أخوياه بالمدرسه و زملائه وقمت العنهم بقلبي خخخخ
قلت وش يقول لك أصدقائك ويجي و يدخل الخاص حق محادثه الشخص
ويكتب شوفوا و شكتب و بط سبدي بـه وفقع مرارتي
كتب : هاييييييييييييييييييييييييييييييي
!!!!!!

بزر برابع أبتدائي يالله يقراء عربي يكتب هاييييييييييي
ولو بقولـه وش معناه مآ عرفه بس الله يصلحهن
و يهديهن ولا يطيحهن بأيدي وبعدين أستاثم بهن
وطبعاً صديقه الشهواني مآ بووه كلمه حب مآ كتبته

قلت لأمــه قالت أمــه :- أكيد معلمآآتــه بنات فلانــه
دارت بي الأرض من هالبروده بالأجابه طيب يمال الصلاح يوم تدرين
أنهم فآيروس و سوسه وراتس مآ قطعتيهن عنه هالعقارب لا بارك الله فيهم

بغيت أدق على أخوانهن و أقول لهم السالفه
وأنهم لا يقولون لهن شي وبالطرق التربويه الجميله أمنعوهن
بس خفت أنهم يزيدن الطين بله

لأني أعرف ان نظامهم نفس نظام اغلب الأخوان السعوديين
معط شوش و تصبيخ كفوف و تكسير اجهزه
والنتيجه ازديد الممنوع بقلب الممنوع منه
و جبناك يآ عبد المعين تعين .. لقيناك يآ عبد المعين تعآن

وبطبعي مع الصغار أني مآ أنهرهم من الشئ لأنهم يزودون تعلق بالممنوع
وأنما أكرههم بالممنوع لـ يندثر اثره من قبل الممنوع منه

ولكــن أغلب الأشياء عندي لها حل الا هذا فكرت
أني أمسح الجافا من الجهاز
بس هذا أمر وقتي قصير مسح الجافا

أبغــى نصيحــه تمســــــح من قلـــــــبه و حبـــه و تعلقــــه
هالشئ التآآفـــــــــــه المسمى بالدردشـه الماجنه

ولا أزيدكم من الشعر ابيات جزله
قلت لواحد متزوج عن السالفه قال :- اجل الله يعينك
من أنوه يبدا يطيح بالمواقع الأباحيه يبيلك برنامج منع هالمواقع
قلت :-
توه بزر مآ عندووه شهوه مراهقين و مراهقات
ابي هالحين حل من الدردشه اللعينه

وننتظر الحلول الفعالــه بإذن الله


نفع الله بي و بكم الإسلام و المسلمين

آخر من قام بالتعديل نازف; بتاريخ 01-10-2007 الساعة 07:36 AM.
نازف غير متصل  

 
قديم(ـة) 01-10-2007, 07:49 AM   #2
وتكبر فيَ الطفولة
 
تاريخ التسجيل: May 2007
البلد: الرس
المشاركات: 1,696
قوة التقييم: 0
بعثره is on a distinguished road
Unhappy هذا وهو بلح شلون اذا صلح

حرام والله
اول شيء خل نمسك القضيه حبه حبه
عندك طفل
وعنده كمبيوتر
أكيد بيحوس ويدخل ويطلع على هالمواقع على كيف كيفه!
لاحسيب ولارقيب
اسمح لي غلطتك أنت وزوجتك من البدايه
دامكم عطيتوه مساحه من الحريه راقبوه طيب
أو على الاقل ببداية دخوله حددتوا له وقت يدخل فيه وأنتوا معه
هالحين وش تسوي؟؟؟
أول شيء تسويه تحدد له وقت واحد للدخول للنت بأي حجه (مثلا قله النت يصرف كثير لازم نقتصد)
ويكون هذا الوقت مناسب لك وتكون بالبيت طبعاً عشان تراقبه من بعيد لبعيد
بعدين أنت عطه مواقع مفيده تشغله عن الدردشه والخرط الفاضي
لازم شيء بديل يجذبه ويشده (خله يسجل معنا بالرس اكس بي وانا انتبه له )
وش بعد؟ ايه لازم تفهمه أن الدردشه شي غلط ومايدخلها الا ناس مب متربين (عاد دبر طريقه تفهمه فيها ويستوعب عليك)
اهم شي لاتهاوشه
لازم هو من نفسه يقتنع ويترك التشات
والله يهديه لك ويحفظه

قسم ان البزران وتربيتهم غثا
ويقولون اعرسوا وجيبوا بزران
__________________
مُـتعـبٌ والعـينُ تحتـاجُ لِـغمض

آخر من قام بالتعديل بعثره; بتاريخ 01-10-2007 الساعة 07:53 AM. السبب: يالله صلاح العطا <<عجيز :)
بعثره غير متصل  
قديم(ـة) 01-10-2007, 07:56 AM   #3
عضو بارز
 
تاريخ التسجيل: Apr 2005
البلد: حائل
المشاركات: 589
قوة التقييم: 0
روحــ تحبك ي is on a distinguished road
الله يعينك
فعلا الاطفال يخربوا بعض مو بس الاطفال حتى المراهقين

انا من رأي تشتري البطاقه الخضراء سمعت عنهاااا بس ما جربتها

اسأل عنهاا علشان ترتاح

او حدد له مواقع معينه يدخل عليهااا وخبره كل يوم له كم موقع علشان يحس بمسؤليه والرقابه

وازرع في قلبه الخوف من التشات انها تخرب الجهاز وترسل فايروسات وووووو غيرررره يعني بأسلوب

حالوا ان تبحث لها عن اصدقاء صالحين تعرفه عليهم عن طريق المسنجر

اشغله بحب التصاميم ووووغيره من البرامج

خله يطبع او يكتب لك مقال بالورد قله ابشوف سرعتك بالكتابه

هذا مالدي حالياً

اتمنى لهم الصلاح في الدنيا والآخره
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
روحــ تحبك ي غير متصل  
قديم(ـة) 01-10-2007, 08:10 AM   #4
عضو ذهبي
 
صورة صقرعنيزة الرمزية
 
تاريخ التسجيل: Feb 2006
البلد: ~~ على بحر ازرق ممزوج بصفار الشمس ~~
المشاركات: 3,349
قوة التقييم: 0
صقرعنيزة will become famous soon enough
hg]uhx Nov hggdg gi fhgwghp ,j,tdr; fi]hdji ,kwpi

الدعاء له قبل البداية في النصح له وهدايته وخاصة دعاء الليل
.
.

جلسة النصراويين 6 جلسة الهلاليين 3
اللي يحب العمدة يرفع يده






__________________
؟
صقرعنيزة غير متصل  
قديم(ـة) 01-10-2007, 08:37 AM   #5
‏ღ الإمبراطورهـ ‏ღ
 
تاريخ التسجيل: Apr 2007
البلد: الرياض*وهـ بس ياتسبدي**
المشاركات: 7,708
قوة التقييم: 0
اطيب قلب is on a distinguished road
اقتباس:
بموقع سبيس تون ولا اي موقع العاب
هذي بداية اخواني الصغاار الله يسترررر بس

اصلاا حتى لو فتح سبيستوون والا اي فلم كارتوووون وش بيطلع له بيطلع له مواقع......
ولااا تحط الملااامه ع بنات اقاربه اول شي انت اللي اشتريت له الكمبيوتر وانت اللي اشتركت له بالنت صح والا لااااا معرووووف النت عالم واسع يدخلك من مكان لمكان
انا اخوووي الصغير جاء عندي ويقولي ان صديقه بالمدرسه يقوله اكتب اي كلمه بجوجل ويطلع لك واخوي جلس يكتب ويطلع له مواقع <<<برائة اطفال
يعني مو بس من بنات اقاربه حتى من اصدقائه
بالمدرسه يعلمووونه. مواقع ...
الله يستر ويحفظهم من كل شرر ......
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
اطيب قلب غير متصل  
قديم(ـة) 01-10-2007, 10:33 AM   #6
عضو مبدع
 
صورة شموع تحت المطـر الرمزية
 
تاريخ التسجيل: Sep 2007
المشاركات: 1,818
قوة التقييم: 0
شموع تحت المطـر is on a distinguished road
الله يهديهم يااارب ويصلحهم
وحسبي الله على من طلع هالخرابيط دردشاات وخرابيط فااضية بس مضيعةللوقت
اولا اخووي اسمح لي الغلط غلطك انت وامه والا ليش طفل بهذا العمر يعطى كمبيووتر يعني مايكفي الجوالات ومايجي من وراهم
انا من رايي البنت او الولد مايسلم كمبيوتر الا بعد الثانوي اذا نضج وعرف الصح والخطاء
الحين اخووي ماعليك الا انك تخبي وتقول بعت الكمبيوتر وانت علشان النت خل لك لاب توب وحطه بغررفتك لايدري عنة واذا شافة معااك صرفة انه لاحد مو لك
ولالازم تطير النت من بيتك علشانة لان ان جلس النت في بيتك والولد متعلق بالشات راح ينفتح عقلةلاشياء اكثر
خل النت بس بغررفتك بس
انتبه للولد اذا هو بهالعمر ودخل شات اجل اذا كبر وش بيسوي؟؟
لوجلس النت في بيتك اعرف ان الولدبيضيع
يعني السبب انت وامة لا اقاارب ولاشي بس بصرااحة الله يعينكم على تربيتهم
اللهم احفظ شباب وبنات المسلمين
اللهم لاتؤاااخذنا بماافعل السفههاء منا...
شموع تحت المطـر غير متصل  
قديم(ـة) 01-10-2007, 12:17 PM   #7
عضو
 
تاريخ التسجيل: Jun 2007
المشاركات: 11
قوة التقييم: 0
مواهب is on a distinguished road
افضل حل ايجاد البديل .. اذكر فيه منتديات تحط اقسام للبراعم..اذكر منها المعالي..
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
مواهب غير متصل  
قديم(ـة) 01-10-2007, 01:11 PM   #8
عضو بارز
 
تاريخ التسجيل: Jul 2007
البلد: الرس
المشاركات: 361
قوة التقييم: 0
المصطل is on a distinguished road
اخوي حاول تعالجه بالعقل قبل الهواش مثل انك تحذره من الموقع هذا وتحاول تبعده عنه شوي شوي وبعدين حاول انه مايدخل النت الا اذا صرت موجودوكذا على شوي شوي يفهم الله يصلحه وبعدين لازم تراقبه انت او الوالده وماتتركونه بلا رقيب نصيحه
المصطل غير متصل  
قديم(ـة) 01-10-2007, 02:06 PM   #9
عضو مبدع
 
تاريخ التسجيل: Jun 2007
المشاركات: 1,543
قوة التقييم: 0
احلى البنات is on a distinguished road
الواجب على الأم تمنعه من دخول النت إلا إذا كانت موجودة بالبيت
ويكون تحت الرقابه على طول
وليش هي تحط اللوم على فلانه وعلانه لأنهم علموه
أنت الملامة الوحيدة لأنك فتحتيله المجال وبدون رقابة أوتوجيه
والأطفال في هالوقت يتعلمون ويكتشفون أشياء قبل الكبار
ولازم تنتبه لأنه بعدين هو بيحط برامج عنه..
احلى البنات غير متصل  
قديم(ـة) 01-10-2007, 02:29 PM   #10
عضو متألق
 
تاريخ التسجيل: Dec 2005
المشاركات: 777
قوة التقييم: 0
صالح العبدالله is on a distinguished road
دامه بزر ..
فالتكفيخ جيد :)
صالح العبدالله غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
قصه دحيم في ليلة عرسه ‏D I K T O O R المنتدى الأدبي والشعر و الألغاز 8 27-08-2007 11:37 PM
المراهقة: خصائص المرحلة ومشكلاتها هيكل عظمي المنتدى العام والمواضيع المتنوعة 2 06-06-2007 02:45 PM
عرس عربجي على عربجيه تبون تضحكون ادخلوا عذاري منتدى الرياضة و السوالف المتنوعة 27 29-05-2007 11:47 PM


SEO by vBSEO 3.6.0 ©2011, Crawlability, Inc.