عـودة للخلف   منتديات الرس اكس بي > منتديات الرس اكس بي > المنتدى العام والمواضيع المتنوعة
التسجيل الأسئلة الشائعة التقويم تعليم الأقسام كمقروءة


المنتدى العام والمواضيع المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

موضوع مغلق
 
LinkBack أدوات الموضوع طريقة العرض
قديم(ـة) 01-10-2007, 04:23 PM   #1
عضو بارز
 
تاريخ التسجيل: Feb 2006
المشاركات: 478
قوة التقييم: 0
لورانس الرس is on a distinguished road
الشرح المفصل لكيفية عمل (العمل ) السحر للزوج او الزوجة

[SIZE="4"]




كيف تســــــــــــــــحر زوجتك


هذه بعض بعض النائصح الذهبية لتسحر زوجتك (انبسطوا صبايا)

أولاً: لما تغيب عنك ليش ما تسأل عنها تستفقدتها اذا ماهي موجودة ... حسسها إنك تشتاق لها مافيها شي،،، ولا راح تنقص من كرامتك شي!!!

ثانياً : حسسها إنك ولا شي بدونها (هذي حقيقة)... وإنك تخاف عليها (تقدر تنفي) ...
انها عيونك اللي تشوف فيها (مممم يمكن)... قولها أحبك قولها أموت فيك (قص عليها يعني)


ثالثاً: خذها جنبك ،،، ضمها ،،، حسسها بدفاك حسسها بحنانك .. بحبك

ثالثاً: لا تحط كل المشاكل فيها ... حاول تشوفها حلوة
إذا شفت شي عليها عجبك إمدحها (لو حتى جاملها)

واذا شفت شي فيها ما عجبك قولها والله هذا اللي سويتيه حلو بس لو سويتي كذا وكذا كان أحسن

رابعاً: اذا زعلتها راضيها حتى لو ما اعترفت بغلطك حتى لو ما اعتذرت ..

أهم شي راضيها لا تخليها تنام زعلانة

خامساً: دلّعها>>> البنات يموووتوا على اللي يدلع حبيبته

سادساً: أنسى إن لها اسم ناديها ياحياتي يا عمري ياقلبي

سابعاً: دايما كلمها ... حاكيها ايش بيصير معاك يومياً ... ضحكها ... حتى لو بس تقولها نكت

خليك فرفوشي وبنفس الوقت خليك رومنسي (ياعيني عالرومانسية الشرقية)

ثامناً: يا عمي أعزمها على العشا برة (النتايج اللي راح تحصل عليها تخليك تدفع راتبك كله عالعشا).. جيب لها هدايا من غير مناسبات (سوي شي حركات سوالف لها معنى أو مالها معنى "حسسها إنك قاعد تسوي شي لها" أوففففف

تاسعاً: لا تقولها لا لأي شي بدون سبب .... اذا عندك سبب قوله، راح تقتنع فيه صدقني

عاشراً: اذا كنت متزوج .. لا تحط مشاكل الأطفال فيها بس ... تحمل إنت بعد شوي من هالمشاكل،،، مو كله ديوانية،،، مو كله قهواي،،، مو كله الربع

ودير بالك تكوووون بخييييل سواء ماديا او معنويا ..


وصدقني والله تحبك من قلبها و تخدمك بعيونها وتخاف على زعلك وما تزعلك
وما ترضى حتى ان امك تتكلم عليك ..

البنوتات كلهم بلا استثناء "وردات متفتحة تحتاج إلى من يرعاهاااا ويسقيها علشان تشم الريحة الحلوة من هالوردات"




تعالوا نتعلم كيف نسحر الزوج ؟؟

السحر هو أمر يستحوذ على الحواس فيقودها في اتجاه آخر ..
لكل من تود أن تسحر زوجها سحر لا يمكن فكه ولا حله ..
هذه طريقة فعالة ..
جربوها ولن تندمــوا ..

1) زوجك ليس ندا لك ..
زوجك رجل ..
له كرامة وكيان وشخصية تمتلئ بالشموخ والكرامة وعزة النفس ..
فلا تكوني ندا له ..... وين المشكلة؟؟!!

2) بيتك جنة .. وأطفالك هم عصافير الجنة ..
فلا تجعليهم غربان تحوم حول الزوج حين يحتاج للهدوء ..
الانسحاب أحيانا مفيد جدا ,, وين المشكلة؟؟!!

3) خليه يفتح موضوع جدي معاك ..
اتركيه يناقش حتى النهاية ..
اذا قرب يخلص فاجإيه بالعبارة التالية : بس في نقطة مهمة نسيتها ..
راح ينتبهلك ..
وأكيد راح يسأل : وش هي ؟؟!! ,, قولي: إنا أموت فيك .. وين المشكلة؟؟!!

4) كل الأمور تحلينها انتي؟؟!! برررررااااااااافو ..
كفو والله وعساك عالقوة ..
بس مو ضروري
تعيرينه..
دعي له مساحة يتحرك فيها ..
شاركيه بالقرارات ...
ارجعي له دائما ..
حتى في الأمور المحسومة سلفا ..
خليه يحس ان له دور مهم مو سبير طايح .. وين المشكلة؟؟!!

5- دائما دعيه يشعر انه القوة الكاملة في البيت ..
دعيه يشعر انك ضعيفة لكن مو بشخصيتك ..
بل بجسمك ,, الجأي له مثل الأطفال ..
حتى لو اصبعك انجرح ... عطيه بلاستر وخليه يلف اصبعك .. وين المشكلة؟؟!!

6- خليه دايما يحس انك بحاجته ..
وان عداداتك وبوصلاتك ما تشتغل الا بوجوده .. وين المشكلة؟؟!!


7- أشعريه ان شخصيته هي الأقوى..
حتى لو كنتي كونداليزا رايس .. وين المشكلة؟؟!!

8- العطور الســحر كلــه ..
اجعلي بيتك مريحا للأعصاب ودايما استبدلي عبق البصل والثوم اللي تحوووووووووس في البيت ..
برائحة معطر الجو إير ويك برائحة الورد << دعايه مدفوعة الثمن خخخخخ
حواس الأنف مفتاح الدماغ ..
راقبي وجهك اذا
مريتي عند زبالة صارلها سنة مقطوطة ..
حتى لو كنتي في قمة سعادتك بتنقلب مزاجاتك ..
شلون يقدر يعصب والدنيا ربيع والجو بديع ..
وقفلي على كل المواضيع .. وين المشكلة ؟؟!!

9- يقولون الرجل طفل كبيـر ..
انا اقول الرجل جنين وليس طفل ..
الطفل ممكن ينزف ... ينطق ..
بس الجنين محمي بحنان رباني و بعالم هادئ بتدليل أمومي ..
الرجل مهما لقى من صفات رائعة في زوجته ..
دائما يبحث عن حنان أمه فيها ..
والحنان يلين الصخر .. وين المشكلة؟؟!!

10- كوني له أمة يكن لك عبدا .. نعــم لاتسـتغربيــن !!!
صيري صديقته وقت الضيق ..
أخته وقت الفزعة و أمة وقت الدمعة ..
حبيبته لما كل الدنيا تخليه وزوجته لما يضيع ..
و بنته لما يحتاج يحس بالألفة ..
كوني له كل نساء الأرض .. وين المشكلة؟؟!!

11- علمي أولادك ان يقبلوا رأسه كلما رأوه ...
لا تقولين الزمن تغير وماعاد أحد يبوس راس أحد
...
كل شي ممكن يتطور ..
بس يبقى احترام الأب هو الجهل الوحيد اللي لازم نزرعه بقلوب أولادنا ..
وباستماته .. وين المشكلة؟؟!!

12- نسى هدية العيد لولده أو بنته ..
::×:: عادي ::×::
اشتري هدية وحطي عليها أسمه وجهزيها له ..
أو اذا انشغل قدميها باسمه فنتيجة انتماء الطفل لأبويه انتو الاثنين راح تحصدونها ..
مو بس هو ..
بس لا تنسين ترسلي له مسج تعلمينه بالهدية ..
لا يصير مثل الأطرش بالزفة .. وين المشكلة؟؟!!

13- أحــــذري من عبارةأبوك لاهي عنك ..
شدعوة داري عنك و ليش وينه أبوكم ,, أبوك مو فاضيلك ..
الطفل ما ينسى قومي انتي بالمهمة ..
أو على الأقل لاقي عذر مناسب يكبر الأب بعين عياله ..
مو يكرهونه .. وين المشكلة ؟؟!!

14- تتضايقين من نظراته لمذيعات القنوات اللبنانية وهيفاء وهبي؟؟!!
قـــــهــــــر موووو ؟؟!! غلــطـــــــان ..
اسألي نفسك سؤال واحد هي مرأة وانتي مو
مرأة؟؟!!
ليش تخليــنه يطالع برا وأنتي موجــوده ؟؟!!
أيش ناقصك ؟؟!!
ليش ما تصيرين انتي لبنانية بنكهة الدرابيل والهيل ..
يعني خليجية النكهة ..
أيش محتــاج المــوضــوع أممممممممم ..
قصة شعر؟؟!!
ريجيم ؟؟!!
صبغة حلوة ؟؟!!
ابتسامة جميله ؟؟!!
تدليع؟؟!!
وين المشكلة؟؟!!

15- دلعيه ثم دلعيه ثم دلعيه ..
حبيبي ,, قلبي ,, حياتي ,, مافي منك ,, مشكور عساك عالقوة ..
صباح الحب ,, مساء الورد ,, تصبح على حب ,, عيوني لك ,, انت تامر ..
ومن هالكلام.. وراح تشوفين كيف راح تضيع علومـه ..
اعتبريه موضوع تعبير لازم تكتبينه في المدرسة ويتوقف عليه تخرجك ... وين المشكلة؟؟!!


16- يووووووووووووووووه
ليش ما جبت الطماط ...... انا لله ... انا كل ما أوصيك على شي تنساه !!!!!!
والله لو رايحة انا أبرك !!!!!
ليش ليش سواق هو؟؟!!

شوي شوي ..
صحيح مهمته
وشغلته وواجب عليه ندري ..
بس كان ممكن لما تكتشفين النقص تقولين الآتي مع ابتسامة ناااعمة ..
عادي حبيبي ولا يهمك يعطيك العافية يا قلبي ..
روح انت الحين وانا أسويلك كوكتيل عالسريع ..
حرااااام يتعب وما ندلعه !!!! ما يصير ..
حتى لو أكلتك كلها تعتمد على الطماط وخير يا طير ,, تتدبر..
لو تفكرين شوي راح تعرفين انها تتدبر .. وين المشكلة؟؟!!

17- لا تنتقدينه أبدا ..
حتى لو كان من راسه لساسه عيوب ..
حتى لو كان صباااااااااااار كله شوك ..
الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة ..
ما تجنين الا الألم ..
بالحب والحنية والصبر كل شي يصير ..
حتى لو طولتي تشيلين الشوك ..
راح يجي وقت تلاقينه هو يشيل معاك .. من كيفه .. وين المشكلة؟؟!!

18- إياكي وإياكي أن تظهري عيبه أمام الآخرين الرجل ما ينسى ..
والشعور بالإحراج يخليه يدفن بقلبه ضيق عليك
ما يروح بسهولة وخليك ستر وغطا على عيوبه ..
حتى لو تافهة وعادية .. وين المشكلة؟؟!!



19- خلي ايدك بإيده ..
خليه يحس انك مستانسة لوجوده جنبك ..
مو تنتظرين الساعة اللي يروح فيها برا ... وين المشكلة؟؟!!

20- طلعي الشغاله برا أظن الدوام الجزئي كافي ..
هذي مملكتك لا تتنازلين عنها ...
وين المشكلة ؟؟!!
الواحدة منا اذا حبت شغلها تكرف فيه بدون حساب ..
وبابتسامة .... مو بيتك أدوم لك؟؟!! وين المشكلة؟؟!!

21- عطيه حريته وخليه يسافر بروحه اذا يبي ..
خليه يطلع الشاليه او المخيم مع الربع ..
خليه يتنفس ..
وراح يرجع لك مشتاق وممنون ... وين المشكلة ؟؟!!


22- تعلمي الابداع بالطبخ ..
نوعي بأكلاتك ..
حسسيه ان ذوقه مهم عندك... وين المشكلة؟؟!!

23- جددي بنفسك وخليك أنيقه وكشخة .. وين المشكلة؟؟!!

24- تذكريه برسالة على الجوال مو لا
تنسى العيال ولا مر الجمعية ..
قوليله كلمة واحدة بس ..
اشتقتلك .. وين المشكلة؟؟!!

25- لا تخالفينه قدام عيالك خلي رايك من رايه وعيالك لازم يفهمون هالشي ..انك معاه مو ضده..
ولا تعاندين ..
لو شلتي ايدك من ثقب السفينه عناد ..
راح تغرق السفيـنـه فيكم كلكم .. وهنا المشكلة !!!!

انشاء الله ما طولت عليكم

واتمنى للجميع التوفيق والذريه الصالحه يارب
[/SIZE]
لورانس الرس غير متصل  

 
قديم(ـة) 01-10-2007, 06:54 PM   #2
عضو مميز
 
تاريخ التسجيل: Apr 2006
المشاركات: 146
قوة التقييم: 0
الغريبه is on a distinguished road
اعجبتني وابهرتني كلماتك............
ولكن انا كأمراءه لا ارضى على زوجي السفر للخارج لوحده الا اذا كان بيسافر في ربوع بلادي
عطيه حريته وخليه يسافر بروحه اذا يبي؟؟؟؟؟؟؟؟؟
تشكرررررررررررات على الموضوع
الغريبه غير متصل  
قديم(ـة) 01-10-2007, 06:57 PM   #3
عضو مبدع
 
تاريخ التسجيل: Mar 2007
المشاركات: 1,168
قوة التقييم: 0
نازف is on a distinguished road
اقتباس:
البنوتات كلهم بلا استثناء "وردات متفتحة تحتاج إلى من يرعاهاااا ويسقيها علشان تشم الريحة الحلوة من هالوردات"



الله من الي منب قايل بس هههههههههه
وش وردات الا جرجيرات


::

قايلن لكم خلوا عنكم الأستخذاء الكبريائي للجنس الأخر
بس تأبون و تتعللون ومآ أصبركم على الأنهزاميـه

اقووول مآ عندك بس وصفه سحريـه / أسلاميـه غير هالحتسي
نبي شي فعآآآآل خخخخخخخخخ
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
نازف غير متصل  
قديم(ـة) 01-10-2007, 09:56 PM   #4
عضو بارز
 
صورة البحر الراكد الرمزية
 
تاريخ التسجيل: May 2007
المشاركات: 303
قوة التقييم: 0
البحر الراكد is on a distinguished road
تقبل شكري وتقديري واحترامي لكلماتك الرائعة..فهي بلسم للحياة الزوجية..
__________________
سبحان الله وبحمده سبحان الله العظيم
سبحان الله والحمد لله ولا إله إلا الله و الله أكبر
لاحول ولا قوة إلا بالله
البحر الراكد غير متصل  
قديم(ـة) 01-10-2007, 10:13 PM   #5
عضو متألق
 
تاريخ التسجيل: Aug 2007
البلد: الرس
المشاركات: 716
قوة التقييم: 0
المروانـ.ص.م.ـي is on a distinguished road


اقتباس:
ثالثاً: لا تحط كل المشاكل فيها ... حاول تشوفها حلوة
إذا شفت شي عليها عجبك إمدحها (لو حتى جاملها)

كلمات رائعة بالفعل ونصائح مفيده تهم كلاً من الطرفين

لقد ابدعت بحسن اختيارك للموضوع يعطيك الف عافيه عليه

تقبل مروري اخي الكريم ...
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
المروانـ.ص.م.ـي غير متصل  
قديم(ـة) 02-10-2007, 01:38 AM   #6
عضو بارز
 
تاريخ التسجيل: Feb 2006
المشاركات: 478
قوة التقييم: 0
لورانس الرس is on a distinguished road
الغريبة

نازف

البحر الراكد


المرواني



الشكر الجزيل لمروركم وتعليقاتكم الحلوة

موضوع اعتقد انة مفيد للبعض منا ( غير العزوبية )

اعجبتني وحبيت ان تفيد الغير بها ونقلتها لكم
لورانس الرس غير متصل  
موضوع مغلق


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
سلمان + سفر + العمر ..هل هم من الجن أوالإنس الواثق بالله المنتدى العام والمواضيع المتنوعة 25 13-09-2007 12:53 AM
ماذا تريد وزارة العمل من المرأة السعودية؟ سالم الصقيه المواضيع المنقولة وأخبار الصحف والوطن 3 01-07-2007 11:24 PM
الأمير نايف: كل مَن يقف على المنبر يمثل الدولة.. وعليه أن يتكلم بلسانها سالم الصقيه المنتدى العام والمواضيع المتنوعة 4 21-06-2007 10:08 PM
أنت ياحزبي وأنت ياجامي .. تفضل واقرأ كلامي قلم الرس المنتدى العام والمواضيع المتنوعة 12 12-06-2007 12:26 AM


الساعة الآن +3: 12:55 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19