!..,’كــــــشـــــتتــنــــــــا غـــــــــــــــــــــير’,..!

[ღ صمتــي كـــلام ღ]

,’
’,
حيييهمـ ..

بعد ماا قررت جــدتي >> الراس الكبير

ان نكشت يووم الخميس ..

بدينا بالتجهيزات ..

وبدينا نظف هذا ونشيل هذا ..

وناخذ هذا ..

وما ان تجدّخنا على اسرّتنا ..

وبديت القي القائمة ونشووف اخذناهـ والا لا ..

صمتي..::الشاني ..

البنات..:آآخذنــاهـ..

صمتي..::الطحينيه..!!

البنات.::آآخــذنــاهـ ..

انــا..::الكرفت ..!!

لموو::آآخــذنــاهـ ..

صمتي..:الكورفت ..

ربى:: مير ما تشتهين ..

وبدأنا بالتثااوب وسمينا ونمنا وهذا اتلى علمي بهن ..!!

طبعــاً جت السـآآعة سبع الصبح قمت ..

اصحي الي ناايم واغث الي قاايم ..

البناات نااايمات ..

وانا صرآآحة ما اعجبن الوضع

وارووح اجيب كتاب لا تحزن واقعـد اقرا لا احلف لكم اني مدري وش اقوول بس عشاان ازعجهن يقومن

ما دريت الا درب بالباب جدتي

قلت ارحبوا هذا السنع

وبدات جدتي بالقاء المحااظرهـ رقم مليون وميه وطعش الف وسبعه ..> سته يوم تقويمت الفجر

الحين انتن وشلون تتكشتن وانتن نيماات كم مرهـ ابقومكن انا..

وقاموا وغسلن وهن يخرطمن ..

قلت احسن انتن الي اخترعتن فكرة اننا ننام ببيت جدتي ..

وما ان تقاحصنا ..

وبدأنا بالادهآآر ..

الولد .......البنت .....الجكيت ... ........وين ولدي ..!!؟؟

وعلى هالحال كلن يزااعق من جهة ..

وما طلعنا الا الساعة 12 الظهر ..

وبالسيــارة طبعــا قلنــا حساافة نتفرق ..
نبي نركب بسيارة وحدهـ ..

وما ان بدينا بالركوب انتلت سياارة وسياارة فااضية ..

بس بعد التقسيم طلع التقسيم مزبووط ..

ويا حوول يا عبوود >> ولد خالتي وهو الي يسووق ..

حظه اقشر ..

وقرقر ..قرقر ..

كلن يهرج مع الي جنبه ..

الا انا ..

طلعت تسني زايدتن على العايلة

واقووم اطلع الفازلين وابدا ادهن رجليي ..

ووش اشووف اثري لابستن شرابه شكل والثاانيه شكل ..

من الخبه ما انتبهت ..

الموهم عبوود بدأ يزااعق نعنبوا ابليسكن اسكتن ..

راسي انفجر من كثر القرق تقل هنوود لهم سنة ما شافوا بعض ..

سكتنا برهة ..

وما ان هدأ الوضع بدأنا بالادهاار مرة اخرى ..

يا ولد البس الكوت ..

لا تفصخين الشرااب تصخنين ..>> يا كاافي يالامهات يا جوورهن

الموهم وصلنا ولله الحمد وتناقزنا ونزلنا ..

ماشا الله الله يكثرنا ..

عااد عبوود يتطنز يقوول عدووهم يمكن الجيش ناقص هههـ ..

وتمسك جدتي الشبشبه ..

ويفرك الولد ..

ونسلم على ركااب السيارة الثاانية ..

وفرشنا الفرشات ..

وبدينا نسوولف ..

هذي كاانت جلستنا ..

اهم شي الشاني



ومسكنا طريق الرياض بالسواليف ..

وسوالفنا ..

كح كح ..

قمنا انــا وغدوو نتمــشى ..

واشووفه تناظر شراابي واقوله يا الله سبحان الله السما خظراء ..
ابيه ترفع عيونه البنت ما استوعبت ..

قالت ااقوول ...

ويوم جت تهرج قلت شفتي آآخر موضه تلبسين نوعين شراب ..

قالت صدق ...!!؟؟

قلت افا عليتس ..

شوفين انــا ..

وشلون ..

قالت تصدقين احسبك ما تدرين انك لابسه لونين شرااب ..

قلت شكلتس ما تتابعين الموضه

المووهم هذي صوورهـ وحنا نمشي اعجبن المنظر وصورت ..




وبعــد كذا بدت امي بطهو الغــداء ..

وهذي صورهـ ..



طبعاً انا المساعد الاول ..

وتم بحمد الله ..

صرآآحه ما ينشبع منــه ..

تحيه لام عبد الله ..

يسلــم هالايــدين ..

صورهـ للغــداء ..

قدر الي ما يحبوون اللحم



وطبعــاً لا بد من الكــورهـ بكل كشتـه

وبعد ما صفرت وبدت المباراة ..

كــانت حمــاس بس بمــا ان وجيه الشباب واضحة قلت بهب لازم انزل الصورهـ..

صراحتن مدري مين ضد مين كل الدعوى ثيااب بيض انا اشجع الي يفووز ..

لين تطايحوا الشباب كككك ما فيه ليااقه مع ان الدعوى كله عصااقيل ..

وانتهت المباراة بالتعادل >> تسذب ما تدري

الموهم اني اشووف ابيي يجمع حطب ومير اقووم اجمع ..


8
8
الله لا يتكلهم علي

المهــم شبينا النار واحلوت الجلسة..



وتقهوينــا ..

وتقاحصنا ..

ومير اني امسك العصــا واكتب الرس اكس بي



ككك عااد قاعدين حنـا ..

التفت اببلغ وش تحفر الي جنبي ..


هههـ نفس الشعــوور

يا سرع الوقــت ما حسينــا به ..

اعجبن منظر الغرووب


,’

,’

,’
القــرص




ما ينشبع منه ..

ابنزل الخطــوآآت ان شــا الله بمنتــدى الرحــلات ..

وركبنــا ورجعنــا للبيــت ,,

توهم طلعوا من عنــدنا ..

اونس يووم خميــس



وسلامتكم ..
,’
’,

[راعي طويله]

الله يا اخت صمتي شكلها رحله رائعه
والاروع والاكثر تشويق واثاره طريقتك في سرد الاحداث المدعمه بالصور
ابدعتي
تحياتي لك

[صادق الوعد]

ماشاءالله عليك ياصمتي مبدعه في طريقت سردك للمواضيع
استمتعت في قرأة تفاصيل الرحله
يعطيك العافيه

[ღ صمتــي كـــلام ღ]

الله يا اخت صمتي شكلها رحله رائعه
والاروع والاكثر تشويق واثاره طريقتك في سرد الاحداث المدعمه بالصور
ابدعتي
تحياتي لك

ابشرك اخذت القصيدهـ وريته البنآآت اليووم ..

وهن يهرجن ما انتبهن قمت ولزقته على جبهتي ..

>> اول مرهـ بحيــاته احد يشعر به

نورت الموضوع ..

[ღ صمتــي كـــلام ღ]

ماشاءالله عليك ياصمتي مبدعه في طريقت سردك للمواضيع
استمتعت في قرأة تفاصيل الرحله
يعطيك العافيه

الله مير يسلمك ..

نورت الموضوع

[مجرد احســاس]

ياحليلكم ياصمت عاد ليتكم مارينن والله خاطري بكشته وشبت ضو وودي العب كوووره

[ذيب الرس]

رااااااااااااااااااااااااااااااااااااااااااااااااا ااااائع

[ღ صمتــي كـــلام ღ]

,’

ياحليلكم ياصمت عاد ليتكم مارينن والله خاطري بكشته وشبت ضو وودي العب كوووره

ابد ولا يهمتس وصفي لنــا بيتكــم وابشــري نمــرتس ..

الله من الكشتات والكشتات بعــد بهالشتــاء ..

بس صرآآحة الارض مقحطــه ..

الله ينزل المطــر ويجيب الخــير ..

نورتي ..


,’

[ღ صمتــي كـــلام ღ]

,’


الرائع مرورك ..

يا اهلين وسهلين ..


,’

[majed]

واااو صمتي كلام سرد وتصوير رائع
تصدقين انا حسبت التقسيمه هذي عندنا بس كككك ناس ما تاكل اللحم وناس تاكل كلي شي ككك اثريها في كل بيت
بس ولو برامج الكشته كلها اكل ككككك شاني ليز كتكات فلوتز ككككك ما بقى الا صاحب البقاله بعدها غداء ككك بعدها قرص
بالهناء والشفاء ان شاء الله
صوره قدر الكبسه يجيب العافيه من جد
وصوره القرص لحاااااله شغل محترف مشاء الله
بس ماصورتي القرص بعد التحضير كككك والا مايمدي كككك
لك التحيه وشكرا لك على التقرير
-

[&وافي الوعد&]

ليتي داري كان صورت كشتتنا اليوم الي ازين من كشتتكم ^_^

يعطيتس العافيه صمتي

[ام القمرين]

هذولا الناس اللي يبي يكشتون ولابلا(ماشاءالله)

الصراحه وناسه وانا اقراء بس أضحك وأحس اني أستمتعت وكأني معكم..