كفى .. (( يا مقهى ,,,,,,,,,,,,,,,,,,,, )) ..

[انسان بسيط]

السلام عليكم ورحمة الله وبركاته ..

قبل كم يوم

أبلشون الأهل يبون سينبون

رحت للمحل اللي عندنا بالرس وهو الوحيد اللي يوفر هالحلا

والمشكلة أن كان عند الاهل ضيوف ومعتمدين على الله ثم على هالحلا

نبيه يبيض الوجه لكن يوم قدم للضيوف والله كأنك مقدم لهم شابورة تقل حصى ..

يابس يابس يابس يابس

لابعد حد كانه شابورة لا الشابورة ارحم كانه حجر

والمشكلة السعر غالي والجودة صفر وين البلدية وين الرقيب وين المسئول عن هالمحل أتمنى أنه يحرص على حلاله ولا يغش خلق الله ..

يعني أنتهينا من بيتزا هت وجانا حلا السينبون ليش أهل الرس دائماً محرومون من الجودة ..

أتمنى من المشرفين عدم حذف اسم المحل لأنه ما فيه غيره بالرس وهذي مشكلته واللي مو مصدق يورح ويشوف بنفسه ..

[مذهلة]

من الافضل انك تناقش صاحب المحل افضل من التشهير
والناس راح تميز الزين والشين وهم يشترون
شكرا لك

[’’أصيل‘‘]

ولا ننس حلويات ريناد أحيانا مو دايما
خصوا بحلا صحن أبو 10 أو 15 ريال دايم أوافقه وهو قديم وزبدته مدري زيته طالع وواضح مرة وبالذات الفرع الثاني فيه اهمال أكثر من الأول
كم مرة أكلمهم ولكن لا حياة لمن تنادي

طبعا والمطاعم قصة ثانية بلحالها

ما أدري هذولا ينتظرون منا أننا ناخذ عينة من عندهم ونوديها للبلدية ولا كيف؟

وبعدين ما تلاحظ أن مستركفي زايد السعر أكثر من اللازم خصوصا في الحلويات بعكس غيره محافظين على السعر

[سيل الوسم]

يامل الغنيمة
أنا ما أدري وشلون تشترون الحلا من برا ؟؟!! وعلى بلاويه
ليش ما تصلحه زوجتك ؟
وهي جالسة لا حج ولا حاجة . والشغالة قايمة بكل البيت
والله إن هقوتي يبي يجيكم يوم تشترون فيه القهوة والشاهي لضيوفكم من برا ( يارجال هالزمن )

[مسجوووون]

أنا أضم كلامي للأخت مذهلة
ممكن تكلم صاحبه وهو بيفرح بك
لكن السينابون أنا مجربة مالاحظت شئ وقبل أخذ مو مرة
وإذا عندك ضيوف ياخي خذ كرتون وأنت بالبيت سخن بالمايكرويف على كيفك وعلى عدد ضيوفك
وبالنسبة لسعرة هو نفس سعر الشركة بالرياض
هذا الي اعرفه والباقي مدري عنه

[THE JOKER]

أوكي. اذا عندكم في الرس سوق وطلب للنوعية هذي, ليش ماأحد منكم يشتري حق توزيع لشركة سينابون المعروفه في الرس.؟؟؟



الله يهدي اللي كان السبب في أدماني له...!!!! ---

شكرا لك أخي..!!

[المهذب]

يااخواني هذا عرض وطلب...يعني الي يشوف انه مااعجبته السلعة سواء حلا او غيره السعر او الشغل ولذته.بامكانه الايضيع امواله بشراء مالا يعجبه ويروق له..ولكن يااخي( انسان بسيط) اذا كان السعر غالي الواجب عدم شراؤه دون قناعة.ولكن يتضح ان الاوامر بالشراء قوية جدا (اعتماد يعني) ....امزح معك
..اخي اصيل اذا كنت تعرف ان المنتج الي عند ريناد فيه مشكلة او قديم من الواجب عليك عمل ماتقول بأخذ عينه.اما اذاكان شك,,واحيانا مو دائما فهذا غير معتمد عندنا يالقراء فضلا عن البلدية.......وعلى فكرة....لابد ان الي يقيم الحلا يكون خبيرفيه,يعني انا اعرف انه من مميزات السينابون ان تكون عجينته قاسيه شوي .كاني مانب واهم.

[نوكيا]

فعلا مره أخذنا منه يابس مررررة

لكن في سينبون اللي بالرس مول حلو

ويزينه قدامك
شوف شغلهم على الرابط
تدشن شركة Cinnzeq فرعها الثاني

وسينبون البيت أحلا وأحلا

[THE JOKER]

أخ نوكيا....سأتشرف بزيارة مدينة الرس بعد أيام, أتمنى منك إفادتي هل المركز اللذي في الرابط يسمح بدخول (العزاب).؟؟؟ وهل توجد أماكن لتناول القهوة في هذا المجمع.؟؟؟

[هزيم الرعد]

إذا هو على اللي تقول ويابس بقوة .. كان أخذته عقب العزومة وكسرته على راس العامل
أو فيه حل أفضل ... كان جبتوا النجر ودقيتوه قبل يجون الضيوف وخليتوه حلا لهوم
ماعلينا
نجي لصامل الهرج .. شف وأنا أخوك ..هالمرة صارت ..لكن الجاية وأنا أخيك ..ماهنا أزين من شغل البيت وحلا البيت صدقن ..وأقل سعر وأنظف ومن كل النواحي أزين
أما بالنسبة لبيتزا هك .. فأنا من حيني تاركه من أول مافتحت أخذنا منه وجبة والله لايوريك شي مهوب طبيعي الله يكرم النعمة ولا أدري زانت أموره أولا ؟

[نوكيا]

المشاركة الأصلية بواسطة الأسكندر الأكبر

أخ نوكيا....سأتشرف بزيارة مدينة الرس بعد أيام, أتمنى منك إفادتي هل المركز اللذي في الرابط يسمح بدخول (العزاب).؟؟؟ وهل توجد أماكن لتناول القهوة في هذا المجمع.؟؟؟

أخي الأسكندر الأكبر
لايسمح بدخول العزاب
ولا يوجد مكان لتناول القهوة الا للعوائل

[مسجوووون]

يخواني ياأهل الرس فيكم والله ظاهرة منتشرة فيكم وهي انكم تسبون الي يفتح عندكم من شركات وماركات ياخي هم كسبانين من دونكم والله نشكرهم انكم وفروا لنا منتجاتهم داخل الرس ولا ناخذ مشاوير عشان ناصله
هذا سينابون بدال ما ترح لبريده تجيبه جت لك بالرس وهذا بتزاهت جت لك بالرس والكثير من الشركات والماركات صالها كذا بالرس ياخي الرجال الي يقول انا من الرس يحاول يجيب لنا ماركات بالرس مو بس جالس وياكل ويقول هذا مو زين والله عيب عليكم يسد خلاص