الفنون الشعبية بالرس 3- الهجيني

[عبد العزيز الدبيان]

الرس .. عبر التاريخ - تأليف: عبدالله بن صالح العقيل. 1425هـ.
(توثيق للحياة العسكرية والعلمية والاجتماعية)
لا يًسمح بنقل هذه المادة إلا بذكر المصدر وعنوان الموضوع بالرس اكس بي.

------------------------------

الهجيني

الهجيني: وهو خلجات وخواطر تحوم في نفسية الشاعر يعبر عنها بصوت عال ملحّن وهو متكئ على ظهره واضعا يديه خلف رأسه أو وهو راكب على جمله أو قد يكون يسير خلف غنمه، وقد تكون تلك الخلجات والخواطر طرأت عليه وهو يتذكر حبيبته أو يتفكر في حاله، وغالبا ما تكون الأبيات التي يرددها ليست طويلة بل لا تتعدى أربعة أو خمسة أبيات فقط، ومن أمثلة الهجيني ما يلي:

ما قاله الشاعر الأمير سعود بن عبدالعزيز الكبير:

واهني الترف منسوع الجديلة = لا ضواه الليل دون مغرزات
وردنه هيت وأخطاه الدليله = والموارد غير هيت مقضبات
روحن مثل القطا صوب الثميلة = ضمّر تضفي عليهن العباة
قاعد في البيت يبكي عزتي له = يوم شاف ركاب خله مقفيات
آه من قلب على جال المليلة = لا تذكرت العصور الماضيات

وقول الشاعر عبدالعزيز العسكر:

يا ابن جبر طالت المدّه = وجدي على شوف خلاّني
عسى الحيا ما يجي جدّه = لو ربعت كل الأوطان
والشيخ ما يطري الشده = روّح يجي زود غزوان
لو إن كل على ودّه = ودّي على بنت ظبيان

كذلك قول الشاعر الآخر:

يا بنت يا أم العيون السود = خوفي من الله وحبيني
يا بنت ما في الهوى منقود = وأهلك ما همب دارين
وان ما حصل حبة بركود = لا أموت وانت تشوفيني

أو قول الشاعر:

يا زين ما ترحم المبلي = اللي بحبك بلاه الله
أدعيتني سايح خبلي = فضحتني عند خلق الله
كانك شفي على قتلي = قم اذبحن واستعن بالله
يا راعي المبسم القبلي = ذبحتني قبل ذبح الله

كذلك قول الشاعر :

يا زين فرّع وقض الرأس = خل الأزارير دلاعه
ودي بشوفك يزول البأس = واملا النظر منك لو ساعة
شربت حبك بغير قياس = وصارت لك النفس خضّاعة
لولا الهوى وش حياة الناس = كل الهوى القلب مرباعه

وأختم نماذج الهجيني بقصيدة قالها شاعر من البدع كثيرا ما يرددها عشّاق الشعر الهجيني ومنها:

يا ابن سالم ترى قلبي عليكم حزين = والسبب صاحبي زعل ولا أرضيتناه
صاحبي ينقش الحنا بكف حسين = مثل نقش المطوّع بالقلم والدواه
بو نهيد صغير ما لهجه الجنين = مثل بيض القميري لا جي في حشاه
صاحبي غصن موز والهوى به يلين = ليت من هو بعالي الغصن يقطف جناه
صاحبي يحسب إني عنه أدوّر حتين = حالف ما نوى قلبي ولا أطريتناه
في ضحى العيد عدّوني من الميّتين = مثل بعض الضحايا قدّمت للذكاه
يا أهل الغي حيّاكم نجر الونين = ونتشاكى جميع لا سقى الله الحياه