فل الحجاج وخل عنك التصانيف. كلن يموت وحاجته ماقضاها

[سالم الصقيه]

يقول الشاعر/ يوسف النعيم


يانور عيني ماتفيد التحاسيـف...لاصارت ضنونك طويل مداهـا

اللي قلتـه مـا فيـه تحريـف...و العين جاها من البكا ما كفاها

بالعون جرحتني يا غاية الكيف...والليالي قصـرت فـي وفاهـا

فل الحجاج وخل عنك التصانيف...كل يموت وحاجته ما قضاهـا

.....................
وفية رواية اخرى تقول

يانورعيني ماتفيد التحاسيف= ياصارت الفرقا طويل ٍ مداها

اللي كتب باللوح مافيه تحريف= والعاقل اللي قدرة الله رضاها

بالك يجن دموع عينك ذواريف= العين جاها من الدهر ماكفاها

بلعون ماقصرت ياغاية الكيف = مير الليالي قصرت في وفاها

لاتحسب الدنيا تجي دايم بريف= كل ٍ يموت وحاجته ما قضاهـا
.....................

وفي قصيدة اخرى مشابهه لشاعر اخر يقول

فلّ الحجاج وعرّض الهـم للريـح..... ما عاد باقي فالعمر كثـر مـا راح

اضحك واسولف قبل ما قوم واصيح..سولف مدام ان السوالف لهـا ارواح

يا زهرة الريحان يا شجـرة الشيـح.....يا ورد جوري عطره العذب فـواح

لا تقتل الفرصه ترا وقتي أشحيـح...احي اللقـا دام السعـد بارقـه لاح

ساعة زمن تشفي قلـوبٍ مجاريـح...ساعة زمن بس خلها انس وافـراح

.



وسلامتكم

[راعي طويله]

سلمت أناملك يا عمنا سالم
لا حرمنا الله منك و من جهدك الكبير

[بنت الشياهين]

.نقل رائع لقصيدة رائعه
شكرا سالم
ولاعدم الأدبي تواجدك

[هذال ابو فهد]

عواااااااااااااااافي