انا العزوبي وتقطع تقطع=على زواج البنت تدمع عيوني____

[أبو دحووم]

مما تصفحت واعجبني انقله لكم لعله ان يحوز رضاكم




انـا العزوبـي واتقطـع تقطـاع
على زواج البنـت تدمـع عيونـي
انا العزوبي وين مـاروح ملتـاع
زين العـذارى يالعـرب جننونـي
اشوفهم في كل روحـه ومرجـاع
من حيث ماوليـت هـم عذبونـي
فالبيت فالتلفاز في صـوت مذيـاع
حتى العمـل يانـاس مافارقونـي
وليا نويت السوق نـاوي تبضـاع
اروح وارجع منخطف حيل لونـي
ارجع وقلبي حايسٍ بين الاضـلاع
مـن زود دقاتـه تخلـع امتونـي
اللـي تغنـج فالمشـي بالتـدلاع
واللي تناظرني بطرف(ن) فتونـي
وام العيون السود والرمش قطـاع
وام الجدايـل والكحـل بالجفونـي
وام النقاب اللي تمصـع تمصـاع
قدام عينـي والبشـر يشهدونـي
كنها تمتـع فـي عذابـي تمتـاع
وانا العزوبي كان ربـي افعونـي
واهل الجنوز الضيقه واهل الاوساع
مدري وش اللي حدهـم يلبسونـي
منهم تجرعـت المـراره تجـراع
في كل يوم اتزيـد بـي الحزونـي
لو نطلع المريخ في لحظه وسـاع
نلقـى العوايـل قبلنـا يطلعونـي
من بعد جمع وطرح وهموم وصراع
قررت انا اخطب بنت وانهي ظنوني
وفي ليلة الفرحه مطالب ومرتـاع
ومن زود مافيني تراقـل سنونـي
قال الابو ماني ترى اليـوم طمـاع
عندي شروط ٍللمهـر واعذرونـي
يقوم يوحي لي ويشـر بالاصبـاع
يبغي المهر ميتيـن او يكثرونـي
يقول يبغى العرس فقصور واقـلاع
ونبغى ذهب لام العروس الحنونـي
ونبغى الحلا والكيك من كل الانواع
تبـون والا ياعـسـا ماتبـونـي
ناس ٍ تحسب البنت تجـره وبيـاع
-تبي المكاسب لـو زادت ديونـي
ماهمهم لو زاد همـي والاوجـاع
ماهمهـم ياكـود ملـي البطونـي
يامؤمنـن بالله ساجـد وركــاع
بنتك امانـه حـاذر انـك تخونـي
لا تعنس ابنيتك في سّبـت اشبـاع
نفسك وجمع افلـوس ماينفعونـي
بكره ليا جتـك المنيـه والاوجـاع
تند م ولا ينفعـك دمـع العيونـي
الخيمه اللي دون عمـدان وشـراع
يمكن تطيرهـا الهبايـب بهونـي
انـا العزوبـي واتسكـع تسكـاع
تكفـون بالله يالعـرب زوجونـي


(منقول)

[مظلووم]

عز الله إني لقيت لهالشاعر المهبول ذا
شغالة جدتي عليه لفت نظر
غدينا نزوجه يتصبر كمن سنه
ههههه


والله يابو دحوم نقل همومنا هالشاعر

وصادق والله يوم يقول

فالبيت فالتلفاز في صـوت مذيـاع
حتى العمـل يانـاس مافارقونـي >>> بالعمل عاد .. وين يشتغل ذا .. أها يمكن بمكتب خدمات
وليا نويت السوق نـاوي تبضـاع
اروح وارجع منخطف حيل لونـي

يبغي المهر ميتيـن او يكثرونـي
يقول يبغى العرس فقصور واقـلاع
ونبغى ذهب لام العروس الحنونـي
ونبغى الحلا والكيك من كل الانواع

للآسف عند بعض العوائل .. البنت وسله للتجاره

ناس ٍ تحسب البنت تجـره وبيـاع
-تبي المكاسب لـو زادت ديونـي

بكره ليا جتـك المنيـه والاوجـاع
تندم ولا ينفعـك دمـع العيونـي
الخيمه اللي دون عمـدان وشـراع
يمكن تطيرهـا الهبايـب بهونـي

عز الله إنه صدق ..
الأب هو المعني

أبو دحووم نقل فأبدعت
والله يعيينا ويعينه

كل الشكر لك

[* غجرية *]

مسكين..
هذا خطر يقعد بدون زواج..
بيهبب له مصيبة ..
لازم يتزوج خخخخخ
قصيدة حلوة ومتكتكة..
الف شكر.