كلها ساعتين!!!

[دنياهااحزينه]

عندما تكون لغة الشوق اكبر من التعبير .. لا يكون الوقت مناسب لتصفيف الكلام وترتيبه .....!
وحينها فقط تكون خارج نطاق قلبك وعقلك ...! وداخل نطاق اقتناص الوقت والبحث عن الاكثر والاكثر ..
هنا ..
لا يكون لبعض الاسئله إجابه !!!
او ...
............. لا يكون لها داعي ومبرر !!!

لذا ..



... ألا انت سولف لي عن احوالك وخل عنك القصيد
يعني وش اللي فـي غيابـك راح اقولـه واكتبـه ؟
شعري .. على حطة يدك !! في غيبتك ما من جديد
البيت من قبـل اكتبـه .. افكـر انـي اشطبـه !!!
دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجـبـه
ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !
ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!
هـي كلهـا هالساعتيـن وعقبهـا ببقـى وحـيـد
لا تشح بشعورك علـي ّ ولا اتمـادى !! وانتبـه :
لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصـبـه
هذه سنه ! ان ما سكنت القلب ! مسكنك الوريـد !
ونفس السنه مرت ! وحقي فيـك ضايـع واطلبـه
يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبـه )
ليه انت راضي بالعناد ؟ وبالرضى تصبـح عنيـد ؟
ليه اتساهـل بالجفـا ؟ ليـه الوصـل تستصعبـه ؟
وليه اتمنى الموت في بعـدك واحـس انـه بعيـد ؟
وليه اشعر ان الموت في لحظة وصولك ما اقربـه ؟
وليه اعتبر نفسي إذا ذبحني شوقـي لـك شهيـد ؟
ولا انت حتى الشـوق لا ردك علـيّ تستغربـه !!
جاوب وريحني !! أو انسى كل شي .. ولا تعيـد :
سؤالك عن شعر ٍ شطبتـه مـن قبـل لا أكتبـه !!

للشاعر محمد جار الله السهلي

[قمة الجبل]

شكرا لك على نقل هذه القصيدة وإن كانت غزلية !

[ابن العزيز]

دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجـبـه

.
.
محمد الجارالله شاعر راائع تمنيت ان اراه في شاعر المليون

لأنه أفضل شعرا من نصف الموجودين

.

.

تسلمين على النقل الرائع

.

[عجزتـ أنساكـ]

قصيدهـ رائعه من شاعر كبير

سلمت يداك ع النقل

[بنت الشياهين]

يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبـه )

اعنآه الشوق ..وآثقل كآهله
آعآنه الله على قلبهـ

دنياك حزينه
طرحك ونقلك رآئع
شكرا لك
ولاعدمنآك ٍ

[حمامة سلام]

اختيار متميز. .

سلمت يمينكـ