عـودة للخلف   منتديات الرس اكس بي > منتديات الرس اكس بي > المواضيع المنقولة وأخبار الصحف والوطن
التسجيل الأسئلة الشائعة التقويم تعليم الأقسام كمقروءة


المواضيع المنقولة وأخبار الصحف والوطن المواضيع المنقولة من الانترنت وأخبار الصحف اليومية و الوطن.

إضافة رد
 
LinkBack أدوات الموضوع طريقة العرض
قديم(ـة) 30-01-2008, 08:50 AM   #1
عضو ذهبي
 
صورة راعــے الــدبدبــہ الرمزية
 
تاريخ التسجيل: Jun 2004
المشاركات: 2,260
قوة التقييم: 0
راعــے الــدبدبــہ is on a distinguished road
ياخادم الحرمين جرب تكون مواطن مثلنا

اقرأ للآخر

حبيت اليوم
أوجه رسالة للوالد القائد خادم الحرمين الشرفين (حفظة الله وأطال في عمره)

من واجبات الأبووووه أن الأب يستمع لصرخات أبنه وضمه على صدره وإذابة كل آلامه

والملك زي ابوي،، لأحد يتدخل بين أب وطفله

@ @ @

@ @ @

ابشرك يا خادم الحرمين الأسعار مضبوطة والمواد الغذائية متوفرة

ما نقصنا بس إلا الخبز يرفعون سعره

وخذ عندك بعض الأسعار

قشطة المراعي صارت 4 ريال

حبة المظبي 22 ريال

الكفرات ارتفعت 30 بالميه

الأدوية 25 بالمية

تخيل يا خادم الحرمين جبن كرافت والمراعي السايل ارتفع

طيب وش نسوي لبزارينا المشكلةيقدرون الكرافت السايل مع الصامولي

الببسي صار 20.5

والأيجارات أرتفعت

وقسايم المرور زادت

الحمدلله على النعمه أمن وآمان

الله لا يغير علينا

حتى رز ابو كاس ارتفع

لا وازيدك من الشعر بيت رزمة الكراث والبصل صارت بريالين

شفت شلون حنا بنعمه

@ @ @

بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه

ونعطي لبنان مليار ونص دولار

ونرسل لمصر المعونه السنويه

تعرف ماشاء الله حنا.. من كثر الفلل التمليك.. الناس صارو يأجرون ببلاش

ممكن طلب طال عمرك.. ابي سلف 12000 ريال

عندي دين اسدد فيه لي سنه ولا خلص.. كل شهر 500 ريال

الله يرحم حالنا والله..

@ @ @

ابشرك طال عمرك

قبل كم يوم حطم سعر برميل البترول الرقم القياسي وصار يباع بـ 99 دولار

ورصيدي أيضا حطم الرقم القياسي في نفس اليوم وصار فيه 17 ريال

الحمد لله شفت كيف أنا بخير

@ @ @

أحب اطمنك صرنا نسوي رجيم غصب عنا

تعرف اللحم ما عاد نعرفه

حتى الدجاج ما عاد نأكله

صرنا رشيقين

تسمع بالكرش ما عاد نشوفها

تسمع بالبطن اللي لاصق في الظهر

يوووووه في كل مكان نشوفه

نم قرير العين الشعب بخير

لاتتعب نفسيا ودور في النت توأم تفصلهم

توائمنا ليش ينفصلووو

صلة الرحم زينه خلهم يتشابكون طول العمر

يمكن لو فصلناهم يتهاوشون ويفترقون

خلهم متشابكين في جسد واحد

الله لا يغير علينا

@ @ @

ابشرك طال عمرك شعبك تطور

استبدل البكاء بطعم الملح ببكاء بطعم الدم

آآآآآآآآآآآآآآه يا حلو مذاقه

ودك تجربه؟؟

انا أقولك وشلون

نظف منزلك من حليب الأطفال

نظف جيبك من الفلوس

نم ومخباك فاضي

خل زوجتك تصحيك من النوم قبل الفجر

وتقولك أن طفلك ما عنده حليب

دق الشماغ ولف على جيرانك

دور سلف.. علشان تشتري حليب لطفلك

الجميع بيطردك لأنهم طفارى

انس انك ملك وأرجع للبيت

بتدخل على أنغام بكاء طفلك

عندها ستحتقر نفسك وانت عاجز عن اشباع طفلك

عندها ستكره اليوم اللي انولدت فيه

عندها ستكره اليوم اللي انولد طفلك وصرت مسؤول عنه

عندها ستضمه وستبكي من القهر

ستنزل دموعك وتحس بطعم الدم في حلقك

@ @ @

تذكر طال عمرك يوم حنا صغار وش كانو يقولون لنا

كانو يقولون الرجال ما يبكي

عيب تطلع دموعه

صرنا نصيح عادي

البكاء صار ملازم لنا

والسبب كومة لحم (أطفال ونساء) في رقبة الواحد

يبكي لأنه عاجز عن توفير الحياة الكريمة لهم

@ @ @

بس ودي أقولك شي قبل ما أروح أصيح

تدري وش معنى الرجل يبكي قدام زوجته وأطفاله

معناها تساقط كل قيم الرجولة اللي تعلمناها في طفولتنا

معناها إحساس المرأة بالانكسار وعدم الأمان

معناها خنوووووع ما بعده خنووووع للظروف القاسية اللي وضعنا فيها

معناها أمور كثيرة ما راح تفهمها..

///////// /////////////////

///////// /////////////////

المرسل أبنك: المنتف والملحط

رب أسرة وأسر مثلي كثر


موضوع اعجبني واضحكني وابكاني فنقلته
__________________





راعــے الــدبدبــہ غير متصل   الرد باقتباس

 
قديم(ـة) 30-01-2008, 09:45 AM   #2
عضو بارز
 
تاريخ التسجيل: May 2007
المشاركات: 594
قوة التقييم: 0
مخاوي السحاب is on a distinguished road
بارك الله فيك
[CENTER]

آخر من قام بالتعديل غريب الدار; بتاريخ 31-01-2008 الساعة 03:10 PM. السبب: يمنع وضع روابط لمنتديات أخرى
مخاوي السحاب غير متصل   الرد باقتباس
قديم(ـة) 30-01-2008, 10:57 AM   #3
عضو اسطوري
 
تاريخ التسجيل: Oct 2007
البلد: ஐ فـي عـالم من الأحـلام الورديـه ஐ
المشاركات: 8,261
قوة التقييم: 0
الحنونه will become famous soon enough
شكرا على النقل
الحنونه غير متصل   الرد باقتباس
قديم(ـة) 30-01-2008, 11:04 AM   #4
عضو بارز
 
تاريخ التسجيل: Sep 2005
المشاركات: 341
قوة التقييم: 0
اموت بالرس is on a distinguished road
اااااااااااااااااااااااااااااااااااااااااااااااااا اههههههههههههههههههههه
موضوع خرااااااااااااااااااااااااااااافي
ليت ابو متعب يقدر يقراة
اموت بالرس غير متصل   الرد باقتباس
قديم(ـة) 30-01-2008, 01:22 PM   #5
عضو ذهبي
 
صورة راعــے الــدبدبــہ الرمزية
 
تاريخ التسجيل: Jun 2004
المشاركات: 2,260
قوة التقييم: 0
راعــے الــدبدبــہ is on a distinguished road
اقتباس:
المشاركة الأساسية كتبها albadrani مشاهدة المشاركة
بارك الله فيك
.


نفس المعرف بارك الله فيك
__________________






آخر من قام بالتعديل غريب الدار; بتاريخ 31-01-2008 الساعة 03:11 PM. السبب: تحرير إقتباس لرد محذوف
راعــے الــدبدبــہ غير متصل   الرد باقتباس
قديم(ـة) 31-01-2008, 02:00 PM   #6
عضو بارز
 
تاريخ التسجيل: Mar 2007
المشاركات: 346
قوة التقييم: 0
مفتاح is on a distinguished road
السلام عليكم ورحمة الله وبركاته ...
برأيي القاصر موضوع يستحق التثبيت...
أبكاني وآلمني كثيراً....
لا لأني مصاب نفس المصيبة لا والله فخير الله علي وعلي بيتي كثير ولله الحمد ، ولكن هذا المقال جعلني أعيش عيشة ذلك الرجل الذي إغرورقت بل بكت عيناه مما هو فيه من حاجة ، جاء الوقت الذي فيه يبذل المال ، لنتفقد ونتحسس المحتاجين فما نقص مال من صدقة...
بارك الله فيك وفي نقلك
مفتاح غير متصل   الرد باقتباس
قديم(ـة) 31-01-2008, 03:25 PM   #7
عضو مبدع
 
صورة جلمبو الرمزية
 
تاريخ التسجيل: Dec 2006
البلد: .. ريحة حقروصين ..
المشاركات: 1,194
قوة التقييم: 0
جلمبو is on a distinguished road
أقول من يخبر جنسية اماراتيه؟



جلمبو غير متصل   الرد باقتباس
قديم(ـة) 31-01-2008, 05:35 PM   #8
عضو ذهبي
 
صورة صقرعنيزة الرمزية
 
تاريخ التسجيل: Feb 2006
البلد: ~~ على بحر ازرق ممزوج بصفار الشمس ~~
المشاركات: 3,349
قوة التقييم: 0
صقرعنيزة will become famous soon enough
كلام واقعي والله يرحم الحال
وان شاء الله ابو متعب مايقصر بس لو الله فكه من البطانه الفاسدة

شكرا اخي
.
.

جلسة النصراويين 6 جلسة الهلاليين 3
اللي يحب العمدة يرفع يده






__________________
؟
صقرعنيزة غير متصل   الرد باقتباس
قديم(ـة) 31-01-2008, 05:56 PM   #9
عضو ذهبي
 
تاريخ التسجيل: Feb 2006
المشاركات: 3,073
قوة التقييم: 0
أميرة فقيرة is on a distinguished road
مؤؤؤؤؤؤؤؤؤؤؤثر للغاية

عندها ستضمه وستبكي من القهر <<<<<<<<قهر والله


يارب ترحمنا
أميرة فقيرة غير متصل   الرد باقتباس
قديم(ـة) 31-01-2008, 07:31 PM   #10
عضو بارز
 
تاريخ التسجيل: Sep 2007
المشاركات: 384
قوة التقييم: 0
شهد الرس is on a distinguished road
من جد غلااء الأسعاار ماله مبرر..!!

وربي حراام عليهم ..

النااس الي ع قد حاالهم كيف بيعيشوون ,,

يااليت تنحل المشكله..

واذا ماحلوهاا الي ع الأرض ..

ربي فووقهم وقاادر ع كل شي ,,

وياليت ملازمة الإستغفاار والتووبه ,,

ممكن الغلاء بسب البلاوي والمعااصي الي عندناا..

ربي يمهل ولا يهمل

لا حولا ولا قوة الا بالله..

وربي يعين الجمييع
شهد الرس غير متصل   الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
ياخادم الحرمين الشرفين ...أرحنا من جباح المتسلطين على الحرية جواد الحق المنتدى العام والمواضيع المتنوعة 5 17-08-2007 11:24 PM
نبذه عن الشعراء في جميع العصور سالم الصقيه المنتدى الأدبي والشعر و الألغاز 46 06-08-2007 10:21 PM


الساعة الآن +3: 05:15 AM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
SEO by vBSEO 3.6.0 ©2011, Crawlability, Inc.
هذا المنتدى يستخدم منتجات بلص

1 2 3 4 5 6 7 8 9 10 11 12 13 14 15 16 17 18 19