LinkBack أدوات الموضوع انواع عرض الموضوع
قديم 30-01-2008, 06:02 PM   رقم المشاركة : 1
معلومات العضو
 
الصورة الرمزية ‏كاشته بسريلنكا
 
 

إحصائية العضو







Wink }}00خلي تعاملك راقي ومخملي تكفيــــن!!!00{{

حي الله الرساويين شلونكم طيبين !

عزيزتي المرأه .. ( والرجال الي بيدلي بدلوه مهب يخالف ترى )
هل فكرتي في مره لو رحتي عزومه ولا لحمولتس وسولفتي وبلعتي ورجعتي بيتس وش الانطباع الي خلفتيه عن نفسك عندهم
ووش هي الفكره الي اخذوها عنك هل فيه ارتياح وقبول او لا .. هل كانت جلستس حلوه وماتنمل ولا يقولون متى تطلع وتفكنا ؟ ت
حبين تعطين انطباع اول واخير للي حوالينتس انتنس انسانه مودرن ومثقفه
فيه اشياء بالسليقه بالتعامل تنفهم وتبني شخصيه جميله فيه فن راقي للوصول لهذا المستوى والارتياح
وفيه اشياء شخصيه مثل النظافه واللبس الزين
والريحه الطيبه موب تروحين ريحتس كشنه وتكبين فوقها قاروره عطر عاد تعالي شوفي تفاعل الكشنه مع العطر مفاعل نووي

مثلا فن الاصغاء للكلام ..

هذا فن لايتقنه إلا يمكن 30% من نساء مجتمعنا للاسف مع انها اهم نقطه تدعم الانطباع الاول ؟
ياخي اسكتي شوي واسمعي السالفه ولا تقاطعين
مثلاً .. تجيك الوحدة تروي قصة معينة ولا تبدي رايها بموضوع ماتصبر الضيفة المملوحة
لين تخلص سالفتها ..لا ..تنشب الكلام في حلقها من كثر المقاطع ...
(مرة كنت في عزيمه وقامت وحدة تقص قصة حادث صاير في الرياض وتحكي عن السائق
وانة شالوة ميت ومدري ايش ...وتجي ذا الضيفة البثرة وتنط في حلقها لا لا لا ..مهوب كذا !!
يقولون مات في المستشفى !!!!!!!!!)

طيب ؟؟ هماة مات وخلص الله يرحمة ؟؟ لازم تفشلينها ...والمشكله مصدرها ( يقولون )
كان خليتيها تكمل السالفة على اللي هي علية ...وش بينقص ولا بيزيد ؟؟
تلقينها من داخل ودها تقوم تطحنها

ولا عاد اللي تقعد وانتي تكلمينها ومتحمسة عيونها تتلوقط في مجلس الناس ..
ولا في جزمة وشنطة اللي جنبها وانتي تحاكينها .
مهوب فشيلة ؟؟


فن تنقيه المواضيع الزين ولا البطال ؟

عندنا بشرية ..اللي في بطنها بتطلعة ماتفكر يناسب مايناسب ..بتفك هالخشة وتحكي
وبس
ساعات يكون في المجلس ناس مايناسبهم الموضوع اللي تطرحينة ..
مثلا ...تتكلمين عن الزواج والزوج وفية مطلقات ولا عوانس قاعدين ..
تتكلمين عن ولادة ولا امور خاصة ...وفية بنات جالسين ماتزوجوا
(عاد وفية ناس تحب الشرح التفصيلي بهالمواضيع )

تتكلمين عن السفر والفلوس والماركات وفية ناس قاعدين على قدهم ولا مايقدرون ..
ولا تقولون وش نتكلم فية ؟؟ بتلقون موضوع
لكن لازم نتعود على مداراة مشاعر الناس لأن هذا يكون انطباع رائع عننا ..


فن رحم الله من زار وخفف

بعض الحريم الله يهديهم ..يروحون لناس اول مرة يشوفونهم ...ومع ذلك تقعد تسهر عندهم
لين 2 ولا3 عيب بصراحة حتى لو كانت المستضيفة مرحة وحبوبة برضة عيب
كل ناس عندهم خصوصية ساعات زوجها يتضايق وماودها انك تحسين
طبعا تختلف ظروف العزايم بس والله اشوف فية ناس يسوونها ..
هذا عاد غير لو صارو معك بزرانك

فن خلي اللقافه في بيتكم

بعض المملوحات الله لايبلانا ...من تدخل وهي تسأل
وش ذا ؟؟وذا ليش حاطينة هنا ؟؟؟(تدبرهم بعد)
وذا بكم ؟؟ومن وين ؟؟(فية ناس مايحبون احد يعرف
من وين يشرون ..عادي هم احرار )
اذا هم سولفوا ممكن تعرفين من خلال حديثهم
من وين وبكم بدون ماتنشبين ...
وفية ناس مايحبون الأسئلة الخاصة والعائلية ..
ودامك في بيتهم لازم تراعين هالشي حتى لو ما ارضى طموحاتك الفضولية ..
ومن كثر ماانا اعاني من هالنقطه كاتبه موضوع مفصل بالقهوه عنها في حياتنا ملقوف

لاتقولون لي ندري ياتفيخه وماجينا من بر ومن هالكلام
والله فيه ناس كذا رغم ان حالتهم الماديه مره زينه والنفسيه والسكيولوجيه بس مادري وش قصه طبايعهم ذي

اذا تذكرت بلاوي ثانيه رجعت
بانتظار مداخلاتكم واول موضوع لي عندكم لاتفشلونن


عجبنى

ونقلته لكم

رد مع اقتباس
قديم 01-02-2008, 11:55 PM   رقم المشاركة : 2
معلومات العضو
رساوي وبس
عضو ذهبي
 
الصورة الرمزية رساوي وبس
 
 

إحصائية العضو








افتراضي

حللللللللللللللللوه فن الاصغاء وقشع ابو جد جدها هذي تصير خصوصا لو كانت الجلسه فيها خمس الى ست حريم هذي الصراحه قويه بحق الحرمه انها تصغي وتسكت للاخر واقشعي ابو جدها تصغي للاخر لان كل بين كلمه وكلمه لازم تصادم كلمتين بس اقعدي بينهم وحاولي تسكتي وانصتي لهم وراح تتذكري ان كلام رساوي وبس في الصميم مع بالغ تحياتي واحتراماتي وتقديراتي لحضرتك ..
رد مع اقتباس
قديم 02-02-2008, 12:20 AM   رقم المشاركة : 3
معلومات العضو
بعثره
وتكبر فيَ الطفولة
 

إحصائية العضو








افتراضي

ههههههههههه
يسلمو احلاهم , نقل رائع
خخخ كان عدلتي ومسحتي المعلومات , عرفت صاحبة الموضوع الاصلي (تفيخه) والمنتدى (قهوة) بس مدري هل هو قهوة الاقلاع والا قهوة غيره


مرة كنت في عزيمه وقامت وحدة تقص قصة حادث صاير في الرياض وتحكي عن السائق
وانة شالوة ميت ومدري ايش ...وتجي ذا الضيفة البثرة وتنط في حلقها لا لا لا ..مهوب كذا !!
يقولون مات في المستشفى !!!!!!!!!)


ههههههههه مرات تطب عليك وحده وانتي تسولفين قصه وماتدرين الا هي صافطتك على جنب ومستلمه المجلس وتكمل القصه بدالك
وعيونك طايره


















التوقيع

مُـتعـبٌ والعـينُ تحتـاجُ لِـغمض

رد مع اقتباس
قديم 02-02-2008, 01:04 AM   رقم المشاركة : 4
معلومات العضو
بنت الشيحية
شمعة حياتي = 3
 
الصورة الرمزية بنت الشيحية
 
 

إحصائية العضو








افتراضي

صدقيني كلنا فينا شي من الي قلتي
مااحد خالي
ويقول المثل(ان خليت خربت)

بس المشكله في كيفية تربية هالشي فينا
يعيني مااقول هاذا طبعي وش اسوي؟!

باالتعويد كل شي يعود

فيه اشياء نوعا تنبلع لكن فيه اشياء لابد ان تربين نفسك منها
اولاً لتكون نظرة الناس لك محل تقدير وثانياً لك انتي تصنعين شخصيه ذات اخلاق رفيعه

انتي يااختي تطالبين باالذوق وهاذا شئ جدا طيب بارك الله فيك

الذوق فن يحتاج الى ابطال..يحتاج الى قلوب صادقه مع نفسها

جملك الله بإخلاقك اختي واياك وجميع المسلمين
شكرا لك

رد مع اقتباس
قديم 02-02-2008, 08:13 AM   رقم المشاركة : 5
معلومات العضو
mosafr
عضو مبدع
 

إحصائية العضو







افتراضي

يعطيك العافية

رد مع اقتباس
قديم 02-02-2008, 10:44 AM   رقم المشاركة : 6
معلومات العضو
بنت القصيم
عضو مميز
 

إحصائية العضو







افتراضي

مشكورة على هالكلام 0فعلا ينقصنا فن التعامل 0 مو بس الحريم حتى الرجال0 خاصة رجال الجيل الجديد0 لا ولا تعالى للمواعيد والتقيد بها 0 واعتقد ان العيب فى التربية

رد مع اقتباس
قديم 03-02-2008, 12:15 PM   رقم المشاركة : 7
معلومات العضو
 
الصورة الرمزية ‏كاشته بسريلنكا
 
 

إحصائية العضو







افتراضي


المشاركة الأصلية كتبت بواسطة رساوي وبس

حللللللللللللللللوه فن الاصغاء وقشع ابو جد جدها هذي تصير خصوصا لو كانت الجلسه فيها خمس الى ست حريم هذي الصراحه قويه بحق الحرمه انها تصغي وتسكت للاخر واقشعي ابو جدها تصغي للاخر لان كل بين كلمه وكلمه لازم تصادم كلمتين بس اقعدي بينهم وحاولي تسكتي وانصتي لهم وراح تتذكري ان كلام رساوي وبس في الصميم مع بالغ تحياتي واحتراماتي وتقديراتي لحضرتك ..

كنك عارفهم !!
يسلمو على المرور
لاخلا ولاعدم
رد مع اقتباس
قديم 03-02-2008, 12:30 PM   رقم المشاركة : 8
معلومات العضو
 
الصورة الرمزية ‏كاشته بسريلنكا
 
 

إحصائية العضو







افتراضي


المشاركة الأصلية كتبت بواسطة بعثره

ههههههههههه
يسلمو احلاهم , نقل رائع
خخخ كان عدلتي ومسحتي المعلومات , عرفت صاحبة الموضوع الاصلي (تفيخه) والمنتدى (قهوة) بس مدري هل هو قهوة الاقلاع والا قهوة غيره


مرة كنت في عزيمه وقامت وحدة تقص قصة حادث صاير في الرياض وتحكي عن السائق
وانة شالوة ميت ومدري ايش ...وتجي ذا الضيفة البثرة وتنط في حلقها لا لا لا ..مهوب كذا !!
يقولون مات في المستشفى !!!!!!!!!)


ههههههههه مرات تطب عليك وحده وانتي تسولفين قصه وماتدرين الا هي صافطتك على جنب ومستلمه المجلس وتكمل القصه بدالك
وعيونك طايره


عجبتنى وعيونك طايرة



يسلمو على المرور

لاخلا ولا عدم
رد مع اقتباس
قديم 03-02-2008, 12:34 PM   رقم المشاركة : 9
معلومات العضو
 
الصورة الرمزية ‏كاشته بسريلنكا
 
 

إحصائية العضو







افتراضي


المشاركة الأصلية كتبت بواسطة بنت الشيحية

صدقيني كلنا فينا شي من الي قلتي
مااحد خالي
ويقول المثل(ان خليت خربت)

بس المشكله في كيفية تربية هالشي فينا
يعيني مااقول هاذا طبعي وش اسوي؟!

باالتعويد كل شي يعود

فيه اشياء نوعا تنبلع لكن فيه اشياء لابد ان تربين نفسك منها
اولاً لتكون نظرة الناس لك محل تقدير وثانياً لك انتي تصنعين شخصيه ذات اخلاق رفيعه

انتي يااختي تطالبين باالذوق وهاذا شئ جدا طيب بارك الله فيك



كل شي يكون فيه تغييير

يبدأ من داخل الانسان

واذا الانسان عنده الاراده والجدية

من الداخل فى التغيير راح يتغير

وراح يوصل

يسلمو على المرور

اعجبنى مرورك

دمتى لنا بنت الشيحة

الذوق فن يحتاج الى ابطال..يحتاج الى قلوب صادقه مع نفسها

جملك الله بإخلاقك اختي واياك وجميع المسلمين
شكرا لك
رد مع اقتباس
قديم 12-03-2008, 08:45 PM   رقم المشاركة : 10
معلومات العضو
 
الصورة الرمزية ‏كاشته بسريلنكا
 
 

إحصائية العضو







افتراضي


المشاركة الأصلية كتبت بواسطة mosafr

يعطيك العافية



اللى تعأأأأأأأأأأأأأأفيكــ
رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع



الساعة الآن 07:00 PM





SEO by vBSEO 3.6.0 PL2 ©2011, Crawlability, Inc.

1 2 3 4 5 6 7 8