دعوة الغفران

[ارض الجليد]

مو معقوله تجي منك وترميني لاي انسان
يلملمني ولا يلقى بعيوني غير دمعاتي

انا ماصدق انك انت تنهيني من الوجدان
وترميني وانا اشوف القبر نادى مسافاتي

وكسرني الشتاء ياوليد وانت بداخلي دفيان
تحملت الاسى والظيم عشانك يابعد ذاتي

وصحى بي البرد واللاهو وانت بداخلي غفيان
تحملت السنين وقلت على الله تلملم شتاتي

انا امك ياهيـيييييييييييييييييييييييييييييييييه

امك حملتك والعذاب الوان
ولدتك والالم سكين يركز داخل لهاتي

وانا اثناء الوالده من بكى صوتك طعنت احزان
لاني شفتك بصوتك تنادي كل طموحاتي

ومهدتك فعين وعين يشرب حزنها القراءن
وهزيتك وكان النور يتهزهز من دعاتي

اضمك في يديني لاااا تجي وتقول انا بردان
تركت البرد لضلوعي رح انشد رعشة شفاتي

وزولك من ركض فيني لمست بداخلي اوطان
وتركتك تبني بمجدك على كتف انكساراتي

وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي

كبرت وصرت بعيوني شجاع(ن) واشهم الفرسان
وحلفت اني على عرسك لارقص كل شيباتي

اسولف للبشر عنك اقول ولا به اي نقصان
رضع عز الشهامه شب طموحه في معاناتي

وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي

يقولون الولد هو خان اقول وليدي لا ماخان
وهم يدرون ماغطى منامي غير وناتي

افااااااااااا وشلون تتركني يكحلني عمى النسيان
وانت ادرى في يوم الحشر جنه تحت خطواتي

لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي

تدين اليوم ياوليدي وباكر للاسف تندان
ويرمونك مثل امك وتذكر حلم شيباتي




صح لسآنه مليون ..

منقول ,,,

[ورده الشرق]

صحـ
لسانك ‘‘ أخوي ارض الجليد

[فراشة الود]

شاااااااااعر راااااااقي جدا
دوما يتغنى لنا بأجمل الكلمات
(سالم سيار) انت ملك الشعر والقصائد
دمت لنـــــا...
شكرا اخي ارض الجليد ...فلقد اخترت ماتنقله بجداره ..
هنيئا لك على هذا الذوق والرقي ...

فراشة الود

[اطيب قلب]

يوم قريتهااا
اول ماجااء ببيالي صديقتي ..!!

يعطيك العافيه ع النقل .....

[بنت الشياهين]

رآئعه ...!!

شكرآ لنقلك المميز
ولاعدمنا جديدك

[ارض الجليد]

صمت المشاعر :

صح بدنك ,,,

فراشة الورد :

مشكورة ,, اسعدني تفاعلك ,,

اطيب قلب :

اطبعيها و اهديها لصديقتك ,, مشكورة على التفاعل ,,

بنت الشياهين :

مشكورة ,, اسعدني تواجدك ,,

[الطموح]

والأم محط اهتمامنا .
رائعة جدا .. نقل رائع ولمسة وفاء لكل أم ..

شكرا لك أرض الجليد .. وِشكرا لك تواجدك الجيمل في الأدبي .

[عجزتـ أنساكـ]

راااااائعه جدا

ويعطيك العافيه

ارض الجليد

[ديمة]

نقل رااااااااااااااااااااااائع
شكرا لك
ننتظر جديدك

[ارض الجليد]

الطموح :

العفو ,,,

عجزت انساك :

الله يعافيك ,,

ديمة :

العفو ,,,,,,,,,,,,,,