قصيدة قوية للشاعر : ناصر الفراعنه السبيعي

[البتار2008]

هذه قصيدة نعبر عن نفسها للشاعر النقيب مهندس مظلي/ ناصر محمد الفراعنه السبيعي

‏الله من قلـبٍ علـى مرتـع الخـور=‏كنـه هشيـمٍ دمـدم العـود بـالـي
كني عضيض اللي مع الخبت مسعور=باقـي مـن المـدة ثلاثـة ليـالـي
يكفخ بـلا ريـشٍ وينفـخ بـلا زور=ويكفيه عـن رد الجـواب السؤالـي
دنياك يا خالد على السـرج والكـور=ما تفجـع الا مـن زحـول الرجالـي
تجبر عراوي الكلب والبـوم والثـور‏=وتكسـر عـراوي طيّبيـن العيالـي
تنـزل مقـام مخرّقـة كـل طابـور=‏وترفـع مقـام مخرّزيـن النعـالـي
شاخت بها الأذناب لحّاسـة السـور=‏سـود الوجيـه مبيّعيـن الشيـالـي
فيها وليـد الـلاش عالـم ودكتـور‏=ولقيطـة الحجّـاج حضـرة معالـي
وسلالـة الجـزّار مطـوة وساطـور=تأمر علينـا فـي العصـور التوالـي
فان كان يـا خالـد معنّـى ومنجـور=ما احدٍ يا ابن مدعث من الوقت سالي
وانته عريـبٍ وافـي الجـد مخيـور=‏يا صلب زايـد يـا كريـم السبالـي
أما معي تقطع مـن العـرق مشبـور=‏والا قطعـت العـرق كلـه لحـالـي
روحي مثل روحك على سبق مطيـور=مـا بيـن قولـة لا تجيـن وتعالـي
فكان الزمـان بحـدّة البـدو مأمـور‏=يا لـوم قلبـي يـوم ينحـاس بالـي
ترى يخالد ما ورا الشـوف مذخـور=ولا احدٍ يهدّ الطيـر والقـاع خالـي
من عقب ما حنا ذرى كـل مظهـور‏=علـى سـروج الصافنـات المتالـي
تنتف شواربنا علـى غيـر مبـرور=ونشرب مرار ويشرب الغيـر حالـي
ياطى الثعـل هامـة ثمانيـن منعـور=والذيـب عـوّد فرْسـةٍ للرخـالـي
وولد الردي لا جاء على راس عنقور=يبلاك في نفسـه لـو أنّـك مثالـي
صيده ليا جابه زريطـي وعصفـور=يوم النشامـى مـا تصيـد الهزالـي
بالهـرج عـدّة نابيـة كـل عثمـور‏=والفعل مـا ملّـى صغـار السحالـي
يـوم انّ كـلٍّ إلْـه حيلـة ومقـدور=‏جـداه كشخـة غترتـه والعقـالـي
ولدة حرامـن بـارد الخـد مقصـور=هيـسِ يكبّـر موخـره بالسمـالـي
سبوٍ جبو قدره مع النـاس محقـور=‏وش عاد لو عدّى الرجـوم العوالـي
خبلٍ يدوّر مع قفـا النـاس ثغـرور‏=والقفو مـا نـوّخ ظهـور الجمالـي
والعنـز لـو ربـي رزقهـا بزمّـور=‏ما يحتميهـا مـن ذيـاب السهالـي
ومن لا يحوش الطيب والعمر ميسور=‏ما يدركه لـي مـا غشـاه الثفالـي
فياللـي تعذربنـا هبيـلٍ ومطـيـور‏=أجْل البـداوة عيـب ؟ لا يالخمالـي
كان البداوة عيب ما نيـب مصغـور=‏يا طيـب عيـب معطّريـن السلالـي
حنا البدو أحـرار وآسـود ونمـور=سيـفٍ يقـصّ مروبعـات الحبالـي
حنا البدو حنـا عمـى كـلّ مغـرور=‏مـا حـنْ عيـال مضبّبيـن الدلالـي
يشهد لنا من حـدر الالحـاد مقبـور=ويشهد لنا في القاع مـن لا يزالـي
حنا البدو سيـفٍ بالايمـان مشهـور=وتشهد عليـه قصارهـا والطوالـي
لا نقطع الذمة .‏. ولا نشهـد الـزور‏=ولا نتلب العانـي ليـا جـاك جالـي
ولا نقلب الملة.‏. ولا نطـرد العـور=ولا نسهج الشينات وسـط المفالـي
ولا ننقل العجرا .. ‏ولا نطلب الغـور=ولا نلحق الكـف اليميـن الشمالـي
ولا نذبح العجفا .‏. ولا نسبق الـدور=‏ولا نطـرد المقفـي لشـدّ الرحالـي
ولا نزرع الصبخا .‏. ولا نحفر القور=‏ولا نطرح الا من السمـان الجزالـي
ولا نعبد الرتبه ولو هـو امبراطـور‏=ولا نهـاب الا عـزيـز الجـلالـي
ولا نخلف الهقوة.. ‏ولا نطلق الحـور=الا علـى طيـب وحافـظ ووالــي
ما نقطع الساقة .. ‏ولا نبعج الشـور=ولا ندغـر القالـة بقيـلٍ وقـالـي
ولا نبخس الكيلة.. ‏ولا نجحد النـور=ولا حِنْ من اللـي يكنـزون الريالـي
ولا نشعب الذلة ولا نخـاوي البـور‏=زرق العيون ضراب شـرْد السحالـي
ولا نضرب الطبلة.. ‏ولا نشحذ الكور=فضلـة عبيـدٍ للأكـابـر مـوالـي
ولا ندهل العِبْلة ولـو طورهـا طـور‏=والرزق في يـدْ مـن عليـه اتكالـي
حنا البدو يوم اكثر النـاس طرطـور‏=ناطـى صمـا صمـيـم الجبـالـي
عشة,‏ولا قصرٍ علـى الـذل معمـور=‏نلعـب عليهـا الهـمّـلا همّـلالـي
عشة تدوم ولو علـى سبعـة بحـور‏=ولا قصر لا مالت بـه الريـح مالـي
حنا البدو يوم اشهب الملـح منثـور=يامـا خزمنـا روسهـا مـا نبالـي
رجّالنا في حومـة الحـرب مسطـور=ورضيعنا مع ضرب الاشهـب يلالـي
حنا على كبـد العـدو مـرّ ممـرور=وعلى الخـوي مـيٍّ قـراحٍ زلالـي
ما قد وِخِذ من حقنـا كبـر الاظفـور‏=مير الدهـر خلـى الخفايـف ثقالـي
من خلقة الدنيا إلـى نفخـة الصـور‏=والبدو أخَيْـر النـاس بـأول وتالـي
ذبّاحـةٍ يـوم اول الوقـت مذعـور=حمّايـة المَرْكـي نـهـار القتـالـي
فحولٍ وسادتنا حصـا كـلّ شنظـور=و لحافنـا بيـض النجـوم المدالـي
ما نبدي الشكوى لخاطـر ومخطـور=ألا على الواحـد أحـد ذو الجلالـي
ولا نغبط الحاكم على حكمـه الـدُور=اليا رعينـا فـي الفيـاض الخوالـي
ياما حـلا سـوق المعاشيـر بقفـور=ونجم السويبع مثـل قـرن الغزالـي
في خايعٍ توه مـن الوسـم ممطـور=‏نوّار عشبـه مثـل نقـش الزوالـي
إبْلٍ رعوها البدو مـع كـلّ دعثـور=‏تسـوى شَبَحَـات الوجيـه المكالـي
روحك يا ابن مدعث على ريشة كرور=‏احذر بهـا صفـر العراقيـب تالـي
وان عذربوها بأشقر الكنـت معـذور=‏أغاديه يِذهب عن حشا الجوف صالي
وان عذربك من سِلْحة الناس مسمور=‏اشـرب وطـقّ مشقّـره لا تمـالـي
قبلك شرَبْه الجهْر ناصـر ومنصـور=وعضيب وعقـاب عنِـزَة والهلالـي
وشرب ازرق الدخان ماهوب محظور=العيـب زرع الهافيـة عنـد غالـي
ابشـر يخالـد دام لـي دمٍّ يـفـور=‏مانيـب مـن هـو قـال دوّر بدالـي
أمـا خذينـا حقّنـا واقبـل الـنـور‏و=لا ترانـا مـن بـنـات الحـلالـي
ماني وانا ناصر بهـورٍ ولـد هـور=وانا الذي مـن راس عمـي وخالـي
فيالله في كونٍ مثـل كـون جمعـور=هشهاش بـاروده سـوات الخيالـي
يصبح به الهافي عن العـز مكسـور=‏ويصبح به الطيب على راس عالـي
ناخذ به خفـاف الموازيـن بالـدور=وكم راس نذلٍ عـن كتوفـه يشالـي
والنصر الى قالوا على الضد منصور=ما هو علـى زعْلـة خـويٍّ قبالـي
وما قلّ دلّ وزبدة الـروض حمـرور‏=والا كثيـر الهـرج مالـه ومـالـي الشاعر ناصر الفراعنه

[صرير القلم]

كلام جميل

والبدو والحضر عينان في رأس واحدة

وان كان التعميم صعب في كل شيء

حتى في هذه القصيدة لا نجزم لها بالمثالية فخذ مثلا قوله


وشرب ازرق الدخان ماهوب محظور=العيـب زرع الهافيـة عنـد غالـي


قلكل قاعدة شواذ

ــــــــــــــــــــــ ـ ـ ـ ـ ـ ـ ـ ـ ـ ـ ــــــــــــــــــــ
الاعاقة لا تحد من العطاء

[مهندس]

ولا نعبد الرتبه ولو هـو امبراطـور‏=ولا نهـاب الا عـزيـز الجـلالـي



متت من الضحك وانا اقراهالبيت؟؟؟؟؟؟؟؟؟؟؟؟

[majed]

قصيده جمليه اخي الغالي البتار

ولا نعبد الرتبه ولو هـو امبراطـور‏*****ولا نهـاب الا عـزيـز الجـلالـي

اللي اعرف ان اي رتبه عسكريه اعلى منك يحق له الامر عليك
لكن ممكن الشاعر له قصد ثاني الله واعلم
والشعراء يقولون مالايفعلون
شكرا مره اخرى اخي البتار على هذه القصيده
دمت بخير
-

[sltan]

هذا الشاعر الوريث لخلف بن هذال