طــــــــــلب ويا ليت يتنفذ بهالكلية ..

[ملامح قمر]

السلام عليكم..

ودي أدخل بالموضوع بدون مقدمـــــــــــات..

ممكن أعرف ليش..

كلية الرس هي الوحيده اللي ممنوع فيها الجوالات؟؟


مع انه بعد هالتغيرات الجديده مفروض كل وحده معها جوال

صايرين مانعرف لا اوقات المحاضرات ولا بأي قاعه

لا وأذا جينا متأخرين....غيـــــــــــــــــــاب
طيب وشلون نعرف؟؟؟

والله وكيلك عند الباب أمـــــــــــــــوووووت لين القى اللي يضفني...


قسم ماصارت

الناس وصلوا للمريخ وهذولا ممنوع الجوال
بليز ليت احد يقرا هالموضوع ويقدر يسوي شي!!!

ولا وش رايكم يابنات؟؟؟؟؟





ملامح قمر

[دندوشه]

انا معك
لان طالبات الكليه يحتاجونه مرررره

خاصه اللي محاضرتهم مو منتظمه

لو ترفعون طلب للعميده توقعون عليه كلكم اتوقع افضل لانه هنا احتمال ماتدري عنه





الله يكون بعونكم

[ashwak]

انا بصراحه مثلك اتمنى انه يسمح بالجوالات لان كل الكليات الثانيه مسموح فيها الا كلية الرس ليش ماادري
واتمنى من العميدة تنظر لهذا الموضوع لانه الاهالي مايعرفون متى نطلع بالضبط

[طالبة علم]

أعتقد ان هذا الشي راح يفتح باب للمشاكل .. علما بأن الخروج من الكليه وقته ثابت


هذا مجرد وجهة نظر .. شاكره صاحبة الموضوع على اقتراحها

[$عافكـ$الخاطر$]

هي جت ع الجوال بس!!

صراحه قمت التخلف بهالكليه!!

ولاحياه لمن تنادي

[قطعة سكره]

وجود الجوال يسبب مشاكل على قول الاخت طالبة علم

[سحابة ود]

اللي تقول الوقت محدد بالخروج في الكلية بالعكس مب محدد أبدا بعض الأحيان يكون فيه سابعة ولا تجي المدرسة
وحتى أوقات الخروج عندنا تتغير 00000والجوال ضروري لمثل هالحالات 0000
وشكرااا كاتبة الموضوع000

[شوق الغرام]

المشاركة الأصلية بواسطة طالبة علم

أعتقد ان هذا الشي راح يفتح باب للمشاكل .. علما بأن الخروج

من الكليه وقته ثابت هذا مجرد وجهة نظر .. شاكره صاحبة الموضوع على اقتراحها

أختي أوافقك بكلامك ...

لأن البعض يستخدمه لأغراض ثانيه ... ولو أنفتح للبنات المجال

بينفتح معه مشاكل ماله أول ولا آخر ....

... مجرد وجهة نظر تحتمل القبول او الرفض...

[ملامح قمر]

لا يابنات حنا كبار

واللي بتستعمله لغرض ثاني شي راجعلها

وهي الخسرانه بالأخر..

اهم شي .. انه مايستخدم داخل المحاظرات... وبس



كلامي صح؟؟

[حمامة سلام]

المشاركة الأصلية بواسطة ملامح قمر

السلام عليكم..

وعليكم السلام

المشاركة الأصلية بواسطة ملامح قمر

كلية الرس هي الوحيده اللي ممنوع فيها الجوالات؟؟

لا حبيبتي ..
مو الوحيدة ..ع حد علمي كلية بريدة تمنع الجوالات أيضا ..

لكن ..ولا تزعلين ..جيبي جوال ..وكلها كلمتين ع الطاير لو فرضنا مرة بالترم فتشوا ..!

المشاركة الأصلية بواسطة ملامح قمر

مع انه بعد هالتغيرات الجديده مفروض كل وحده معها جوال

صايرين مانعرف لا اوقات المحاضرات ولا بأي قاعه

ما أدري أختي ..

بس وش الرابط !

بين وقت المحاضرة والجوال ؟؟؟!!!
إذا ع الوقت خلي معاك ساعتكـ ..وإذا ع المكان فخوذي جدولك من أول يوم تداومي فيه ..

ش المشكلة الأن ...بالضبط ؟

المشاركة الأصلية بواسطة ملامح قمر

لا وأذا جينا متأخرين....غيـــــــــــــــــــاب

شي طبيعي ..

ما عدنا صغار ..وهالنظام ماشي من زمـــــــان بالكليات الأخرى ..

بس يبدو إن الدلع وكثرة مجالات الغياب ....عذبتكم شوي ،،بعد النظام الجديد ..وتقنين الغياب !

المشاركة الأصلية بواسطة ملامح قمر

الناس وصلوا للمريخ وهذولا ممنوع الجوال

فعلا ..هو مهم ..بالنسبة لاوقات الخروج ..أكثر شي لأنها مو منتظمة بالغالب حسب جدولكـ ..

قدموا طلب للعميدهـ ......ولعل وعسى تنحل المشكلة ..

[$$روعه$$]

صااااادقين والله ،،، اتمنى انهم يسمحون لنا بالجولات

لانه الصراحه معاناة عند الطلعه لانه مافيه وقت ثابت ،،، بتقولون الجدول ثابت بقولكم صحيح ان الجدول ثابت بس المشكله من الاستاذات نفسهم لانه على حسب مزاج الوحده ان كانت مسفهله رصتنا الى الساعه 2 وان كان ماله خلق طلعتنا بدري ويالله عاد نرتز بالشارع لين تجي الساعه 2 ،،، عاد صحيح هم ماقصروا وحطوا جوال للي بتدق على اهله بس تمسك الوحده سرا وعلى بال مايجي دوره تصير الساعه 2 هههههههه

قبل كم يوم تكلمنا مع وحده من الاداريات بهالموضوع وقالت انهم اذا اسمحوا بالجوال طبيعي انهم بيفتشون كل صبح عند البوابه عشان جوالات الكاميرا وقالت انه صعبه عليهم لان الكليه له ثلاث بوابات فصعبه انهم يسيطرون على البنات


وانا ضد سالفه ان الجوالات بتفتح باب للمشاكل ،،، لان اللي تبي الفساد بتلقاه بكل مكان صح ولا لا ؟؟ومااعتقد ان هذا سبب كافي عشان يمنعون الجوال

وعلى فكره ،، انبسطوا يابنات ترى كليه بريده سامحين بالجولات من بدايه السنه


يعطيك العافيه ملامح قمر ،،، وسوووري ع الاطاله

[تعبت من السهر]

ياليت يسمحون بالجوال