ياطعنة من صديق هدت لي الحيل(اهداء ل....)

[دنياهااحزينه]

أسألوني ليه قلبك منجرح ودمه يسيل
قلت هذا فيض جرح من آلامي المره
هذي ماهي حمرت الدم الله الوكيل
هذي نار وتشعل بهالقلب جمره
ياطعنة من صديق هدت لي الحيل
ياكلمه ولو سمعها غيري نفذ صبره
قالها ومع مليون شاهد وبرهان ودليل
الجوارح والاحاسيس تشهد لي بغدره
كل الي حولي معي الا هو عني يميل
وتعلمت من حبي له درس وبخليه ذكره
مستحيل تغصب احد على حبك مستحيل
والخاطر لا انكسر ماهو سهل جبره
كنت اناديه فالصبح والعصر واليل
وهو يتجاهل ندائي وانا اعيد الكره
انا اسوي له جميل وانا ارد الجميل
وهو مايعبرني ولا يهتم يا حسره
حسافه على الصداقة في مثل هالجيل
صديقك ياخذ كل خيرك ويعطيك شره
وانا خلاص ماشي واعلنت الرحيل
ووالله ترى بفراقي بكون عبره
عشان يعرف انه فقد وفارق( رجاجيل)
ويعرف من وين الخير ومن وين المضره
ومن الي كان عنه همومه يشيل
ومن حفظ سرك بعد ما افشيت سره
وخليت الحكاوي عنه والقال والقيل
وكنت سبب الكآبه والهموم الي بصدره
انا عارف ومتأكد اليله ليلي طويل
ومن حفر لأخوه حفره طاح بالحفره
نويت اسمي قصتي الحي القتيل
عايش بدنيته وكنه ميت بقبره

منقول..

[عجزتـ أنساكـ]

يعطيك العافيه

قصيده رااائعه

سلمت يدااااك على النقل

[عذاري]

ياطعنة من صديق هدت لي الحيل
ياكلمه ولو سمعها غيري نفذ صبره
قالها ومع مليون شاهد وبرهان ودليل
الجوارح والاحاسيس تشهد لي بغدره
كل الي حولي معي الا هو عني يميل
وتعلمت من حبي له درس وبخليه ذكره
مستحيل تغصب احد على حبك مستحيل
والخاطر لا انكسر ماهو سهل جبره
كنت اناديه فالصبح والعصر واليل
وهو يتجاهل ندائي وانا اعيد الكره
انا اسوي له جميل وانا ارد الجميل
وهو مايعبرني ولا يهتم يا حسره
حسافه على الصداقة في مثل هالجيل
صديقك ياخذ كل خيرك ويعطيك شره

خسارة إن تثق بشخص لايستحق وتعطيه قلبك وثقتك ويأتي يوم ويطعنك من الخلف
كثيرون السيئون في هذه الحياة
ذائقة فريدة
اشكر لكِ طرحكِ ومرحبا بكِ دوما بيننا
دمتي بخير وعافيه