صدى الرس

[[إبن الحزم]]

السلام عليكم

قصيدتي الجديده تحوي كم موضوع يحاكي اهتمامات اهل الرس


اليكم

ياوطناأعزك الله وأعزحاميك *** حب الوطن حق له على السكان

يارسنا من حبك نغلي أهاليك *** حماس لك بالصدر تقل بركان

يارسنا لجنة للأهالي تناديك *** ترى البطا ماهوب لك حقران

تبحث لعلاج لك عساه يشفيك *** وتسكت كل شامت أعوج لسان

يالحناكي أنت و من يخاويك *** عزوة للرس بصواديف الأزمان

يابوصالح ربنا يسدد مساعيك *** ياعبدالرحمن ولدصالح بليهان

الرس بأعلى صوته لك يناديك *** يقول أنامن مدن القصيم خجلان

يامحافظنا نشد أيدينا بأياديك *** ونسبق اللي حولنامن الجيران

يامراسل المنتدى أنا أرجيك *** لاتستعجل والعجله طبع الأنسان

إصبرترى الأيام الجايه تنبيك *** يالله تصلح للجنة أهالينا الشان

ويانادي الحزم من قلبي أهنيك *** باللي رافعين روسنا الشجعان

دايم صامد مع كل من يباريك *** ياكثر من قابلك وطلع خسران

ياحزم الرس حنا نفرح بطاريك *** وأخترنالك شعارك أصل الألوان

يابعد روحي بالحماس أوصيك *** إطرب وإنعش جمهوركل ميدان

يالرس إبشر باللي أحيواماضيك *** وأهلنا الماضين عساهم للغفران

ياما صدوا عنك منهوبشره ناويك *** بملاقاهم لعدوهم حطوه نيشان

الحزم حبه بقلبي مابه تشكيك *** وأحب الرس وحبي له من الإيمان

يالحزم أحب من يحبك ويغليك *** أناحزماوي وأشكر خالد البلطان

ياخالد ما بفعلك أحد يجاريك *** واللي يغالطني أجيب له برهان

كل رساوي بشكره لك يهديك *** وفعلك بالحزم صارله منك شان

يالرس من حبي لك وين أوديك *** عسى قبري بك ياأغلى الأوطان

يارب من مدلهم الغمام له أرجيك *** لعلها تمشي شغاياه مع الشعبان

وختامهاصلاتك على نبينا أدعيك *** عدد ما خلقت من البشر والجان

دمتم بخير

[عذاري]

قصيدة تدل على الوفاء لأهلك وللأرض التي اعطتك الكثير
اشكر لك مداد قلمك الشجي البهي
كن بخير
لك ودي وطيب عطري
أهلا بك بسماء الأدبي

[[إبن الحزم]]

اختنا عذاري
شكرا لمرورك الكريم

واسال الله لك التوفيق

[الطموح]

جميل ان نترجم الوفاء للرس بأبيات وإن كانت محاولة شعرية

أحسنت الخائف وأتمنى أن يأخذ الآخرون بقصيدتك

شكرا لك وفاءك للرس

[الديموقراطي]

قصيدة تدل على نفاسة معدنك الأصيل

وعلى حرصك لهذه المحافظة التي تزخر بالرجال

القادرين على الوفاء لها . شكرًا لك ولحضورك .

[بنت الشياهين]

صفحة وفاء من اهل وفاء
دام خطك للرس وافيا

صح لسانك وعلاشانك
ولاعدمناك بيننا