العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

إضافة رد
 
أدوات الموضوع انواع عرض الموضوع
قديم 29-03-2008, 06:00 PM   #1
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي قفلت الباب علي أنا و شغالتنا .... أوووووووومــ الوهقه

اول شي احب اعطيكم فكرة عن شغالتنا

شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد دلال قهوة بيدها الثانيه وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية

تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه

انا احس انها ما قد شافت بشر ولا تدري وشلون يتعاملون مع بعض


تقدرون تقولون انها مخروشه وفي روايه اخرى سبيكه

المهم انا صار لي معها موقف قوي

مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد اللي هو اجدعه على الارض

بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه <<<< خلونا نتميلح عند البنات

بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ

عني ما يبقى على الا سروال النص (( البوكسر ))

المهم حمامي ( الله يعزكم ) جوا غرفتي

المهم يوم فسخت ثوبي قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني الامااااااااااااااااااااااكن يعني قمة الطرب

واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع
وارفسه برجلي خخخخخخخخ

وبقية الحركات اللي انا دايم اسويها بشرط ما يكون عندي احد

عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<< ايقالك شرح الحين

عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
المهم يوم حانة مني التفاته للحمام وش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب ابـــــــــــــــــــــــد

وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا

وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت بقعد هنا ومهب شايفني .... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي
كان انا اللي بطلب من اهلي يسفروني انا مو هي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلاااااااااااااااااااام على الحظ

انا والشغاله بغرفة نومي والغرفة مقفله وانا كاسي عاري ما علي الا سروال نص

يعني امي لو هي عمياء بيروح علطول بالها لذاك الشي

يعني التهمة لبساني لبساااااني


,,,,.....الجزء الثاني ..........................

علشان تعيشون معي الموقف
انا ما علي الا سروال نص والشغاله جنبي واقفه ,,,والباب مقفل وورى الباب امي

وانا اعرف امي ماراح تروح الا اذا فتحت الباب

في هاللحظه .... خطرت في بالي فكرة انما ايه ما تخرش الميه
لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخخخخخخخ

فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك فيصل وين جدتك بسرعه انا اكلم من برا

فقام البزر يصوت لامي خااااااااااااااااالي فيصللل بالتلفووووووووووووون

امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما

انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الدباشه

المهم انا صرت ما اسمع لامي صوت مدري هي سمعت الشغاله والا لا

يوووووم جت المصيبه
وانا واقف عند الباب اتسمع والشغاله جنبي
اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ
المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا

ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابيهاااااااااااااااااااااااااااا
مدري اضحك والا اصيح والا وش اسوي فيها

من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز

لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي <<<<< قويه شوي خخخخخخخخخخخخخخخخخخخخخخخخخ

المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه
... في هاللحظه فتحت امي الباب
ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت
اللللللللللللللللللللللله اكبررررررررررررررررررررر<<<<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ
وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا شبه عاري

امي دخلت وتنحت شوي بعدين قالت للشغاله وش قاعده تسوين لكن كالعاده الشغاله سحبت على أمي وطلعت

وقفت امي شوي وانا قاعد اصلي واقول في نفسي اشوى انها ما انتبهت اني متفسخ

المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها
قالت اجل تصلي,,,, زين بس ترى القبله غرب وانت تصلي شرق

وطلعت وصبخت بالباااااب بقوووووووووووه

يوووووووووووووووووووووووووووووووه انوااااااااع الصدماااااااات ياربيه وش اسوووووووي
واقعد افكر يارب وش اسوي والله اني مظلووووم <<<<<<رحمتوني صح
واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد
قلت اسمعي
الصدق مجراه والكذب مفراه
قالت وشو
قلت الصدق منجراه والكذب مفتراه
قالت وش تقول انت
قلت اففففف الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله

والحمد لله لان امي واثقه فيني صدقتني
بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ

بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ


ودمتم سآآلمين هووع


منقوووووووول حبيت انقله لكم لانه اعجبني وانشالله يعجبكم لانه بصرااااااااحه يضحك موقف لا يحسد عليه

أم حديجـــــــــــــــان
Danger Girl غير متواجد حالياً   رد مع اقتباس
قديم 29-03-2008, 06:23 PM   #2
عضو متلطم
عضو اسطوري
 
الصورة الرمزية عضو متلطم
 
تاريخ التسجيل: Sep 2006
المشاركات: 16,374
معدل تقييم المستوى: 33
عضو متلطم is a jewel in the roughعضو متلطم is a jewel in the roughعضو متلطم is a jewel in the roughعضو متلطم is a jewel in the rough
افتراضي

هههههههههههههههههههههههههههههههههههه

هههههههههههههههههههههههههههههههه

هههههههههههههههههههههههههه

ههههههههههههههههههه




والله انك اوب صاحيهـ شكلكـ ..

صراحهـ اني كنت طفشاااااااااانـ لكنـ بعد هذا امووووت ظحكـ ..


خخخخخخخخ

اظحكـ الله سنكـ << متعوب عليهـ ذي ..


يعطيكـ ربيـ الفـ عافيهـ ..

... ثانكسـ,,,
__________________
.
تَوَقَعْتُ بِأَنْ يَرْسُمُ الأَمَلْ فِيِ سَقْفِ يَوْمِيِ فُتْحَةٌ لِلتَنَفُّسْ وضِحْكَةِ لِقَاءْ ..!
وَلَكِنَّهُ كَاَنَ قَدْ عَقَدَ مُؤَامَرَةً مٌسْبَقاً ,،بِـ/ سَحْبِ الهَوَاءْ ، ومُضَاعَفَةِ الاِخْتِنَاقِ
بِـ/ مَصْلِ الغِيَابْ ..!
عضو متلطم غير متواجد حالياً   رد مع اقتباس
قديم 29-03-2008, 06:27 PM   #3
ابو صالح الرس
عضو اسطوري
 
الصورة الرمزية ابو صالح الرس
 
تاريخ التسجيل: Aug 2007
الدولة: في قلب كل شخص احبني في الله فإذا رحلة عنكم فذكروني بكل خير وادعو لي بالرحمة
المشاركات: 29,189
معدل تقييم المستوى: 43
ابو صالح الرس has a spectacular aura aboutابو صالح الرس has a spectacular aura about
افتراضي

من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز

الصراحة ضحك
ابو صالح الرس غير متواجد حالياً   رد مع اقتباس
قديم 29-03-2008, 06:38 PM   #4
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي

يسلموووووووو على المرور
Danger Girl غير متواجد حالياً   رد مع اقتباس
قديم 29-03-2008, 06:50 PM   #5
skon alleel
عضو متألق
 
تاريخ التسجيل: Mar 2008
الدولة: ღ♥ღ * قلب ابوها*ღ♥ღ
المشاركات: 961
معدل تقييم المستوى: 0
skon alleel is on a distinguished road
افتراضي

هههههههههههههههههههههههههههههههههههههههههه

رهييييييييييييييييييييبه...

يسلمممممممممممممممو
,,,
__________________
سًبحآن الله وبحَمّده ,‘ سًبحّآن الله العّظيمً , ,
skon alleel غير متواجد حالياً   رد مع اقتباس
قديم 01-04-2008, 07:35 PM   #6
اى دمعة حزن لا
عضو مميز
 
تاريخ التسجيل: Feb 2007
المشاركات: 217
معدل تقييم المستوى: 0
اى دمعة حزن لا is on a distinguished road
افتراضي

وانتم مصدقين ماسوى شىء امحق ما سوى شئ والله لو انها من افريقيا ما وفرها
اى دمعة حزن لا غير متواجد حالياً   رد مع اقتباس
قديم 01-04-2008, 07:38 PM   #7
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي

اوب اوب ليه كذا؟؟؟؟؟

على العموم يسلمووووووو على المرور
Danger Girl غير متواجد حالياً   رد مع اقتباس
قديم 02-04-2008, 04:06 PM   #8
‏كاشته بسريلنكا
عضو ذهبي
 
الصورة الرمزية ‏كاشته بسريلنكا
 
تاريخ التسجيل: Oct 2007
المشاركات: 2,058
معدل تقييم المستوى: 0
‏كاشته بسريلنكا is on a distinguished road
افتراضي










الله يعطيكـ العافيهـ تقبـــل مــرورى...






__________________
عنيـدهـ }
واللي بـ / رآإسي آسؤيـه ~
لـؤ يقـولو :… آمشي خطـؤهـ ..„آقـؤل معليـش [ المسآإفـه ] بعيـدهـ ” ولـو يقـولو : … تعـآإلي|يمين ..≈
آقـول مشتهيه ( آمشي ) سـيدهـ
‏كاشته بسريلنكا غير متواجد حالياً   رد مع اقتباس
قديم 02-04-2008, 05:06 PM   #9
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي

يسلموووو على المرور خيتوووو
Danger Girl غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:13 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir