العودة   منتديات الرس اكس بي > منتديات الرس اكس بي > الرياضة و السوالف و التواصل
التعليمـــات التقويم اجعل كافة الأقسام مقروءة

الملاحظات

الرياضة و السوالف و التواصل لكل ما يخص الرياضة، و لتبادل الأحاديث المتنوعة و الترفيه.

إضافة رد
 
أدوات الموضوع انواع عرض الموضوع
قديم 01-04-2008, 05:33 PM   #1
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي مواقف محرجة فترة الخطوبة وليلة الدخلة...

/

كيفكم ؟؟ اخباركم ؟؟

انشاء الله كلكم بخير ..

هذي مواقف ليله الدخله ... او ليله الخطوبه تقع الفتيات في انواع من الاحراجات .......

لدرجة تلاقي وجه البنت من كثرة الخجل والارتباك صار احمر مثل الطماطم ....

تعالوا نشوف من هذه المواقف :



1- وحده جاب زوجها لها تمر وجلس يُأكلها حبة حبة ... طبعا ً البنت
استحت من عريسها ان تطلع نواة التمر امامه لذا فأنها قامت ببلع تلك النواة
وعلى هذا الحال استمرت هو يعطيها واختنا في الله تبلع
الى ان انتهى بها الموضوع في المستشفى .......!!!



2- وحده جا خطيبها يشوفها وطبعا هي خجولة جداً .. وفيها حيا كثييير ....!!!
المهم دخلت عليه وابوها كان موجود فجأة دخل خالها وبعدين عمها
وشوي يدخلون خوانها كلهم ( يا حبيبي ) صار المجلس مليان ناس وكلهم
عيونهم عليها ومن يوم شافتهم المسيكينة متجمعين وكان يغمى عليها ...!!


3- وحده جات بتخطب صديقتها لاخوها عزمتها في بيتهم وقالت لاخوها
طل عليها من الشباك وشفها اذا اعجبتك نخطبها لك .. وافق اخونا ما كذب خبر
ولما جات البنت عطتها شوكولاته والبنت رفضت تاخذها وهذي تلزم عليها
والبنت مصرة ما تاخذ . ولما طلعت الأخت تسأل اخوها عن رأيه في البنت .. !!
الاخ شاف البنت وهي تخش الشوكولاتة في شنطتها ..
ولما سألته اخته وش رايك .....؟ قال موافق على طول وتم الزواج ....؟؟؟
وفي ليلة العرس يسأل الزوج البنت : وين الشوكولاتة اللي خذيتيها من بيتنا .....؟؟
" ما ترضين واحد ياخذ من بيتكم شي وما يستأذن " .......!!!


4- واحد في ليلة عرسه جالس في زاوية وزوجته في زاوية يكلمها
وهي مستحية وتطالع الارض .. ينطل (يعني يقول) نكتة (يستهبل) عليها ....
البنت ماش تطالع في الارض ولا كن فيه احد جالس جنبها ......!!
الولد من كثر ما يكلم نفسه وبنت الناس ساكته .. قال ياولد خلني اطنش واسكت شوي ..
فجأة اصدقاء الرجل قالوا لازم ننكد عليه ليلة زواجة (والله الغثاثة)
ونحرجه قدام زوجته .. المهم قام واحد منهم وأخذ حصاة وحذف بها الشباك ...
عاد تخيلوا البيت يعمه الهدؤ + سكون البنت وصمتها وصوت ضربة الشباك ( قوية )
كانت مفاجأة للبنت اللي يوم سمعت الصوت ومن الخوف والرعب طمرت ( نطت )
وضمت زوجها من الخوف ...الرجال استانس واعجبته الحركة ( ياســـلام )
ترك البنت على جنب وطالع من الشباك لقاهم اصدقائه صاح لهم وقال :
مرة ثانية شباب لو سمحتوا .... مرة ثانية تكفون ......؟؟؟؟؟
الا وحدة حصاة بالغلط تصيب في رأس العريس ... ويا ليل ما اطولك ....وصارت البنت
هي اللي تداويه ذيك الليلة وتنظف جروحه راح الحيا وراح الخجل .. والسبب حصاة....!!!



5ـ وحده اول مره بتشوف الي خطبها ويوم قالها ابوها يالله ادخلي المجلس
دخلت ومن قوة الحيا دخلت وسلمت على اخوها ......!!!



6ـ واحد وده يتزوج وقال لامه دوري لي وحده دلوعه وشكلها
بيبي فيس وجسمها صغيير وشعرها طويل واهم شي مو دبة
وكل مرة يروح ويشوف البنات ما يعجبه الشكل , وفي يوم لقت الام وحده
وقالت له روح وشوفها يوم راح ودخل المجلس جلس على الكنب
وقال ابو العروسة لبنته يالله ادخلي يوم دخلت وجلست على الكنبه الي جنبه
وشافها من قوة الفرحه وانها طلعت زي مايتمنى اخونا ماقصر قام وباس البنت قدام ابوها


7*وحد يمون على صديقه وهو جارهم بنفس
الوقت طلب منه انه يتزوج اخته بس
بشرط يشوفها .
اخو البنت وافق وطلب منه يجي عنهم بالبيت
وقال له تخبى وراى الستاره.
الولد تخبى واخوها نادها
يافلانه يافلانه
وتجيك البنت طايره داعسه ع البنزين
وسافطه الطبلون تقولين داشه سباق
المهم دخلت الملحق وشخطت عند اخوها وسحبت
جلنط مسويه نفسها تسوق سياره,
اخوها قال لها صلحي شاهي بيجي
صديقي لحين؟
صرخت البنت :حاضر يافندم .
وسحبت القير وغيرته وفحطت عليه ودعست
مسرعه

اخوها طاح وجه قدام صديقه
وصديقه طلع من وراى الستاره وهو
فاطس من الضحك .ويقول ابيها ابيها.!!!!

8*وحده متعوده اذا طلعت من
المدرسه تنام الظهر.
يوم قررت تنام (بالمقلط ) هذا اسم غرفة طعام
الضيوف عندنا
المهم البنت خذت بطانيتها ومخدتها وراحت تنام
خذت ربع ساعه تتقلب وفزت على صوت
اخوها يقول لصديقه ادخل المقلط بروح
اجيب الشاهي واجي.
البنت خافت وش السوات؟
فكرت وقالت بنفسها مافيه حل غير اني اطلع ألحين
قبل مايجي اخوي ويسوي سالفه
وعزمت البنت وتلفلفت بالبطانيه وحطتها على راسها
ومشت وهي مطلعه عين وحده بس عشان تشوف
الطريق المهم العمليه نجحت . وعدت على خير
لما رجع اخوها . ساله صديقه كم عندك من اخت فقال
ثلاث وحده كبيره وثنتين انت دايم تشوفهم يفتحون لك الباب
وقرر الولد يخطبها وبعد ماتزوجها
قال لها الحكايه وقال انه تصرف ذكي منها.

9*في وحدة خطبها واحد وهي مو موافقه وابوها واخوانها ومصرين ويقولون شوفيه اول وهي رافضه
وجا زارهم على اساس الشوفه وهي رافضه ومابدلت ملا بسها بالبجامه وتشرد منهم وتروح المقلط وتقفل الباب
بالمفتاح وماتشوف الا ذاك الشاب جالس اتفجعت اخوانها دخلوه المقلط عشان الشوفه وهي ماتدري تحسبه بمجلس الرجال وبس فتحت الباب وراحت غرفتها .ووافقت عليه وتزوجوا>>>راح دلع البنات!!خخخخخخخخ..

10*كان زميل اخوي يبي يتزوج وباقي الشله ومن ضمنهم اخوي مواعد ين زميلهم بهد يه معتبره ليلة الد خله وقالوا له العشاء علينا لا تطلب حنا راح نجيبه لك
وتري صاحب الفكرة الله يسامحه اخوي وواحد بثر من اصحابه
كان زميلهم ساكن في عماره جد يده وما بعد سكن فيها أحد <<<< من حظ العروس والعريس يأخذون راحتهم أول الزواج
اللي حصل بعد ما توكل المعرس مع عروسه لشقتهم ( عش الزوجيه) وبعد ما د خلو بعشر دقايق تعرفون ويش اللي صار

راحوا الجعايد ه باقي الشله واحضروا سلسله وقفل وسكروا باب العماره ،، وكان كيبل الكهرباء خارج العمارة
طفوا الكيبل،، وقعد المسكين يحوس،، يد ق على جوالا تــهم وهم متفقين مايردون عليه ،، وقعد هذ يك الليله الله اعلم بحالهم لا عشاء ولا كهرباء<<<<<<<<< يكفي نورهم ،،
لا ومن زود حظهم ان المنطقه منعزله عن الناس
عاد الصباح جوا عنده وتأسفوامنه وجابوا له الفطور وقالوا له وش موقف العروس قال : رب ضاره نافعه
وعطوه تذاكر سفر هديه الزواج ...

بس وهذي هيه الموقف ياليت انها اعجبتكم ونالت رضاكم ..

ويالله عاد لاتنسون الرود ..

تحياتي لكم ..

أم حديجـــــــــــــان
Danger Girl غير متواجد حالياً   رد مع اقتباس
قديم 01-04-2008, 05:54 PM   #2
عضو متلطم
عضو اسطوري
 
الصورة الرمزية عضو متلطم
 
تاريخ التسجيل: Sep 2006
المشاركات: 16,374
معدل تقييم المستوى: 33
عضو متلطم is a jewel in the roughعضو متلطم is a jewel in the roughعضو متلطم is a jewel in the roughعضو متلطم is a jewel in the rough
افتراضي

صراحهـ صراحهـ ..

مواقف خبااااااااااااااااااااااااااااااااااااالـ ..

اما الليـ تدعس البنزينـ هذيـ رهييييييييييييييييييبهـ ..

يعطيكـ ربيـ الفـ عافيهـ ..

... ثانكسـ,,,
__________________
.
تَوَقَعْتُ بِأَنْ يَرْسُمُ الأَمَلْ فِيِ سَقْفِ يَوْمِيِ فُتْحَةٌ لِلتَنَفُّسْ وضِحْكَةِ لِقَاءْ ..!
وَلَكِنَّهُ كَاَنَ قَدْ عَقَدَ مُؤَامَرَةً مٌسْبَقاً ,،بِـ/ سَحْبِ الهَوَاءْ ، ومُضَاعَفَةِ الاِخْتِنَاقِ
بِـ/ مَصْلِ الغِيَابْ ..!
عضو متلطم غير متواجد حالياً   رد مع اقتباس
قديم 01-04-2008, 06:00 PM   #3
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي

يسلمووووووووووو على المرور
الحلووووووو
Danger Girl غير متواجد حالياً   رد مع اقتباس
قديم 01-04-2008, 06:55 PM   #4
skon alleel
عضو متألق
 
تاريخ التسجيل: Mar 2008
الدولة: ღ♥ღ * قلب ابوها*ღ♥ღ
المشاركات: 961
معدل تقييم المستوى: 0
skon alleel is on a distinguished road
افتراضي

5ـ وحده اول مره بتشوف الي خطبها ويوم قالها ابوها يالله ادخلي المجلس
دخلت ومن قوة الحيا دخلت وسلمت على اخوها ......!!!

ههههههههههههههههههههههه

فشيييييييييييييييييييييله ياعمري رحمتها خخخخخخ

ثااااااااااااااااااااانكس ييييييييييييوووو
__________________
سًبحآن الله وبحَمّده ,‘ سًبحّآن الله العّظيمً , ,
skon alleel غير متواجد حالياً   رد مع اقتباس
قديم 01-04-2008, 07:22 PM   #5
Danger Girl
عضو متألق
 
تاريخ التسجيل: Sep 2007
المشاركات: 983
معدل تقييم المستوى: 0
Danger Girl is on a distinguished road
افتراضي

يسلموووووووووو على المرور الحلووووو خيتوووو
Danger Girl غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:51 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir