العودة   منتديات الرس اكس بي > منتديات الرس اكس بي > المنتدى العام و الأخبار المتنوعة
التعليمـــات التقويم اجعل كافة الأقسام مقروءة

الملاحظات

المنتدى العام و الأخبار المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
أدوات الموضوع انواع عرض الموضوع
قديم 03-04-2008, 02:21 PM   #1
مجنونـــyــــها
عضو
 
تاريخ التسجيل: Nov 2007
الدولة: الرس-الرياض
المشاركات: 15
معدل تقييم المستوى: 0
مجنونـــyــــها is on a distinguished road
افتراضي رساله لابي الملك عبد الله خادم الحرمين

أوجه رسالة للوالد القائد خادم الحرمين الشريفين
حفظة الله وأطال في عمره


من واجبات الأبووووه أن الأب يستمع لصرخات أبنه وضمه على صدره وإذابة كل آلامه


والملك زي ابوي،، لأحد يتدخل بين أب وطفله



خلوني أتكلم وافضفص


@ @ @
@ @ @


ابشرك يا خادم الحرمين الأسعار مضبوطة والمواد الغذائية متوفرة
ما نقصنا بس إلا الخبز يرفعون سعره
وخذ عندك بعض الأسعار
قشطة المراعي صارت 4 ريال
حبة المظبي 22 ريال
الكفرات ارتفعت 30 بالميه
الأدوية 25 بالمية


تخيل يا خادم الحرمين جبن كرافت والمراعي السايل ارتفع
طيب وش نسوي لبزارينا المشكلةيقدرون الكرافت السايل مع الصامولي
الببسي صار 20.5
والأيجارات أرتفعت
وقسايم المرور زادت
الحمدلله على النعمه أمن وآمان
الله لا يغير علينا
حتى رز ابو كاس ارتفع


لا وازيدك من الشعر بيت رزمة الكراث والبصل صارت بريالين
شفت شلون حنا بنعمه



@ @ @

بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه
ونعطي لبنان مليار ونص دولار
ونرسل لمصر المعونه السنويه


تعرف ماشاء الله حنا.. من كثر الفلل التمليك.. الناس صارو يأجرون ببلاش
ممكن طلب طال عمرك.. ابي سلف 12000 ريال
عندي دين اسدد فيه لي سنه ولا خلص.. كل شهر 500 ريال
الله يرحم حالنا والله..


@ @ @


ابشرك طال عمرك
قبل كم يوم حطم سعر برميل البترول الرقم القياسي وصار يباع بـ 100 دولار
ورصيدي أيضا حطم الرقم القياسي في نفس اليوم وصار فيه 17 ريال
الحمد لله شفت كيف أنا بخير



@ @ @

أحب اطمنك صرنا نسوي رجيم غصب عنا
تعرف اللحم ما عاد نعرفه
حتى الدجاج ما عاد نأكله
صرنا رشيقين
تسمع بالكرش ما عاد نشوفها
تسمع بالبطن اللي لاصق في الظهر
يوووووه في كل مكان نشوفه
نم قرير العين الشعب بخير
لاتتعب نفسيا ودور في النت توأم تفصلهم
توائمنا ليش ينفصلووو
صلة الرحم زينه خلهم يتشابكون طول العمر
يمكن لو فصلناهم يتهاوشون ويفترقون
خلهم متشابكين في جسد واحد
الله لا يغير علينا


@ @ @


ابشرك طال عمرك شعبك تطور
استبدل البكاء بطعم الملح ببكاء بطعم الدم
آآآآآآآآآآآآآآه يا حلو مذاقه
ودك تجربه؟؟
انا أقولك وشلون
نظف منزلك من حليب الأطفال
نظف جيبك من الفلوس
نم ومخباك فاضي
خل زوجتك تصحيك من النوم قبل الفجر
وتقولك أن طفلك ما عنده حليب
دق الشماغ ولف على جيرانك
دور سلف.. علشان تشتري حليب لطفلك
الجميع بيطردك لأنهم طفارى
انس انك ملك وأرجع للبيت
بتدخل على أنغام بكاء طفلك
عندها ستحتقر نفسك وانت عاجز عن اشباع طفلك
عندها ستلعن اليوم اللي انولدت فيه
عندها ستلعن اليوم اللي انولد طفلك وصرت مسؤول عنه
عندها ستضمه وستبكي من القهر
ستنزل دموعك وتحس بطعم الدم في حلقك


@ @ @


تذكر طال عمرك يوم حنا صغار وش كانو يقولون لنا
كانو يقولون الرجال ما يبكي
عيب تطلع دموعه
صرنا نصيح عادي
البكاء صار ملازم لنا
والسبب كومة لحم (أطفال ونساء) في رقبة الواحد
يبكي لأنه عاجز عن توفير الحياة الكريمة لهم


@ @ @


بس ودي أقولك شي قبل ما أروح أصيح
تدري وش معنى الرجل يبكي قدام زوجته وأطفاله
معناها تساقط كل قيم الرجولة اللي تعلمناها في طفولتنا
معناها إحساس المرأة بالانكسار وعدم الأمان
معناها خنوووووع ما بعده خنووووع للظروف القاسية اللي وضعنا فيها
معناها أمور كثيرة والله الساتر







واقع اليم اثر فيني فنقلته لكم
مجنونـــyــــها غير متواجد حالياً   رد مع اقتباس
قديم 03-04-2008, 02:37 PM   #2
وليد ابو شيبه
عضو ذهبي
 
الصورة الرمزية وليد ابو شيبه
 
تاريخ التسجيل: Mar 2008
المشاركات: 3,186
معدل تقييم المستوى: 0
وليد ابو شيبه is on a distinguished road
افتراضي

لا تتعليق على كلامك اخوي
وليد ابو شيبه غير متواجد حالياً   رد مع اقتباس
قديم 03-04-2008, 02:49 PM   #3
كاتب عدل
عضو ذهبي
 
الصورة الرمزية كاتب عدل
 
تاريخ التسجيل: Aug 2007
الدولة: ...............................................
المشاركات: 2,053
معدل تقييم المستوى: 0
كاتب عدل is on a distinguished road
افتراضي

لااخفيك اني قرأت الموضوع مبتسما في اوله حزينا في اخره
مقال جرئ ساخر وجاد في نفس الوقت
وفقنا الله للخير ورزقنا واياك من حيث نحتسب ولا نتحتسب
كاتب عدل غير متواجد حالياً   رد مع اقتباس
قديم 03-04-2008, 03:13 PM   #4
ديرتي
عضو متواجد
 
تاريخ التسجيل: Mar 2008
المشاركات: 63
معدل تقييم المستوى: 0
ديرتي is on a distinguished road
افتراضي

ضحت اوله وبكيت اخرررره ....... وفعلنا هذا حصل ليا انا شخصين
ديرتي غير متواجد حالياً   رد مع اقتباس
قديم 03-04-2008, 08:12 PM   #5
اكثر صراحه
عضو
 
تاريخ التسجيل: Mar 2008
المشاركات: 15
معدل تقييم المستوى: 0
اكثر صراحه is on a distinguished road
افتراضي

مشكور ياعزيزي على هالموضوع الجرئ . وبصراحه حنا شعب يستحق الرحمه والشفقه والعطف . لكن هل تعتقد ان ( ابوك ) داري عنك او عن ظروفك او عن الشعب عموما وعن الظروف القاسيه الي يمر فيها ... يارجال عساك سالم
تحيااااااااااااااااااااتي
اكثر صراحه غير متواجد حالياً   رد مع اقتباس
قديم 03-04-2008, 10:10 PM   #6
ام الغااااالين
مشرفة منتدى الأسرة و المنتدى النسائي
 
الصورة الرمزية ام الغااااالين
 
تاريخ التسجيل: Feb 2008
الدولة: مع الغواااااالي
المشاركات: 7,931
معدل تقييم المستوى: 0
ام الغااااالين will become famous soon enough
افتراضي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
__________________
يارب لك الحمد كما ينبغي لجلال وجهك وعظيم سلطانك
ام الغااااالين غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تمارين خفيفة لحياة اكثر سعاده ๑вάиđàя๑ الرياضة و السوالف و التواصل 17 16-05-2008 09:30 AM
أحسن ما قرأت في ترجمة الشيخ محمد بن عثيمين رحمه الله,, السحب الوابلة الرياضة و السوالف و التواصل 15 27-04-2008 02:03 PM
مالذي أبكى الرسول صلى الله عليه وسلم ريان2007 الرياضة و السوالف و التواصل 3 06-04-2008 04:08 PM


الساعة الآن 11:10 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir