العودة   منتديات الرس اكس بي > منتديات الرس اكس بي > المنتدى العام و الأخبار المتنوعة
التعليمـــات التقويم اجعل كافة الأقسام مقروءة

الملاحظات

المنتدى العام و الأخبار المتنوعة الموضوعات العامة والمناقشات والحوارات الهادفة، والتي لا علاقة لها بأقسام المنتدى الأخرى.

إضافة رد
 
أدوات الموضوع انواع عرض الموضوع
قديم 04-04-2008, 12:23 AM   #1
THE JOKER
Banned
 
تاريخ التسجيل: Jun 2005
الدولة: الرياض الحبيبه
المشاركات: 1,393
معدل تقييم المستوى: 0
THE JOKER is on a distinguished road
Talking انا والمدام في مطعم سبازيو...........!!!





المطعم موجود في الدور السابع و السبعون (77) في برج المملكة (يعني أنت و السحاب جنب بعض)



أمس بالليل قررت ادلع المعزبة و أوديها لم مطعم جديد فكان اختياري لمطعم سبازيو على انه من أفضل المطاعم في مدينة الرياض.

اتصلت على المطعم من العصر (هذا تلفونهم 2111888) و حجزت لي طاولة على الساعة 9 بالليل.

توكلت مع المعزبة للمطعم و بعد ما عدينا حقين التفتيش اللي يغثونك و يخلونك تفتح كبوت الموتر و شنطته لأنهم خائفين انك حاطن قنبلة (ما يدرون إن المرتبة الخلفية ممكن يحط تحتها طن متفجرات ) ، و سفطت قدام مدخل برج المملكة و ما دريت إلا و ذاك الهنديين ناقزين و احد منهم فتح باب المعزبة و الثاني فتح بابي (ترى كل هذا بسبب اللون العنابي للهوندا) ، يوم نزلت من السيارة ما دريت إلا و الهندي مطلع لي كرت اصفر و بعدين راح و ركب في مكاني في السيارة ، الحقيقة إنا طارت عيوني ، صحيح إن الهوندا تأخذ العقل بس مهوب إلي درجة انه يسرقها و إنا واقف قدامه ، سألت الهندي وش السالفة فقال لي انه بيروح يوقفها لي ، فبكذا تطمنت شوي.

دخلنا البرج و سألت عن المطعم فدلوني طرقة ، يوم وصلت عند الاصنسير اللي قالوا لي عنه نقز لي واحد ثاني بس المره هذي كان سعودي لابس ذيك ألبدله الكشخة (انا حسبته صاحب المطعم) فقال لي "عندك حجز" فقلت له أكيد ، سألني "وش اسمك" فقلت له يعني ما عرفتني "إنا اسبرانزا ولد أبو اسبرانزا رد على و قال " ونعم ، تفضل".

رحت للاصنسير و ضغطت الزر حقة و قعدت انتظره يؤصل ، راحت دقيقة و بعدها دقيقة ، و صارت الدقائق تجر الدقائق و فكرت اهون عن السالفة و ارجع للبيت ، بس ما أمداني أقرر إلا و باب الاصنسير يفتح و يطلع لي ذاك الهندي اللي كاشخ أكثر من الثانين.

المهم بعد ما رحب فيني و حب خشمي ضغط على زر الدور 77 و شوي ولا الاصنسير يمغط ذيك المغطه اللي حسيت معها إن مصاريني طلعت من مكانها ، يعنبو هالاصنسير كان في كل ثانية يعدي حدود أربع ادوار.

خلال دقيقة وصلنا للدور 77 و فتح باب الاصنسير ، اول ما طلعت مع الباب و تنسد اذاني كاني توي نازل من طيارة (هذا لان المكان مرتفع) توجهت للمطعم و لاقاني واحد هندي كاشخ أكثر بزود عن اللي قبل و سألني إذا إنا أبي القهوة أو المطعم ، قلت له المطعم فوداني لمه ، يوم اقبلت على المطعم و ينقز لي هندي ثاني (يا كثر ما يتناقزون هالهنود) و قال لي "السيد اسبرانزا ولد أبو اسبرانزا" إنا طارت عيوني وشلون عرف اسمي حتى اني شكيت إني لين الحين معلق الإثبات حق الدوام ، بس يوم تأكدت اني ما كنت ناسي بطاقة العمل على مخبات ثوبي قلت له ايه إنا اسبرانزا (طبعاً بغيت اسأله وشلون عرف اسمي بس قلت لنفسي يا ولد اركد).

قعدنا الهندي الكاشخ على طاولة في وسط المطعم ، بس قبل ما نقعد نشبت فيه المعزبة و قالت له إن ودنا نقعد جنب الشبابيك الكبيرة اللي تطل على الرياض ، طبعاً الهندي عيا و قال إن الجلسة جنب الشبابيك يبي لها حجز خاص و لازم نكون على الأقل 5 أشخاص ، عاد توقعون المعزبة تركته ، لا والله نشبت في حلقة و بغت تخبطه بشنطتها (هي قشرا الله يخليها لي) إلا إني هديتها و وعدتها إن إحنا نجيب أمها و إخوانها المره الجاية عشان نصير أكثر من 5 أشخاص و يقعدونا جنب الشبابيك.

جاب لنا الجرسون قائمة الأكل على لوح قزاز ياله يشيله الرجال من كبره (إنا استغربت وشلون ما طاح البرج من ثقل قوائم الأكل حقتهم) ، تصفحت قائمة الطعام و كان عندهم بس 3 أنواع شوربة فيها ، شوربة بحرية و شوربة ربيان و شوربة قرع (والله مال امها داعي شوربة القرع).

إنا و المعزبة ما جاز لنا شي من الشوربة فحولنا علطول على الدسم ، أكثر ما لفت نظري سالفة أكله عندهم من فخذ خروف يقولون أنهم يطبخونها لمدة 7 ساعات (يعني لو اطلبها ما تجهز إلا بكرة).

لفيت على القائمة كلها فجازلي شرائح لحم العجل المشوية بالزبدة و 20 نوع من التوابل و كان اسمها دايلا ماما ، إما المعزبة فطلبت نوع من المكرونة الايطالية.

طبعاً طول الوقت كان الجرسون واقف على بعد كم متر مننا و يناظرنا و الظاهر يقول في نفسه وش جابنا للمطعم حقهم ، المهم ما أمدانا نحط قوائم الأكل على جنب إلا و نقز لنا الجرسون (ما قلت الكم يا حبهم للمناقز) و سألنا وش نبي نأكل و نشرب.

إنا طلبت لنفسي ببسي دايت (تراني حريص على رشاقتي) بسعر 10 ريال و المعزبة طلبت لنفسها عصير أناناس بسعر 16 ريال. و طلبت إنا اللحم حقي اللي كان بسعر 80 ريال ، إما المعزبة فيوم طلبت طلبها اقترح عليها الجرسون تأخذ صحن فيه ثلاث أنواع من المكرونه فوافقت (طبعن عرفت بعدين إن سعر الطبق حقها كان 90 ريال.)

سألنا الجرسون إذا نبي سلطة أو شوربة مع الأكل فقلنا له لا ، فقال لا لازم تطلبون ، إنا سألته إذا الشوربة من ضمن سعر الطبق اللي طلبناه فقال إيه. لذلك إنا طلبت لي الشوربة البحرية و المعزبة طلبت شوربة القرع.

جابو لنا الشوربة اللي كانت كل وحده منها في صحن صغير كله سبع ملاعق ولاه قاضي و جابو لنا معها خبز (الحقيقة خبزهم كان رايق.

بعدها بحدود العشر دقائق جابو لنا الطلبات الرئيسية ، الحقيقة اللحم حقهم كان مهبول و من جد لذيذ على الأخر ، و نفس الشي ينطبق على المكرونة.

نسيت أقول لكم إن الببسي اللي جابوه كان في كاس صغير ولا يجي ولا نصف العلبة الحقيقية حقت الببسي لذلك طلبت الببسي 3 مرات لأني كنت اعتقد انه بيكون ببلاش.

خلصنا من أكلنا و طلبنا الحساب.


الحساب كان 358 ريال و من ضمنه 50 ريال رسم خدمة ، و الأكثر من كذا الشوربة حقتهم اللي ما تجي ربع علبة ببسي كانت بفلوس ولا هي ببلاش ، وكان سعر كل وحده منها 50 ريال.


بعد ما دفعنا الحساب و دعينا على المطعم و مسكنا الباب مرينا لنا على فوال و أخذنا لنا تميسة و صحن قلابة بخمسة ريال لأننا ما شبعنا من الأكل في المطعم أبو 358 ريال

هذا باختصار كان تجربتي في مطعم سبازيو و انصح كل واحد يقضب ارضة و يأكل فول أحسن له. الا اذا كان توه ماكل و الفلوس مضيقة عليها فممكن يروح ينقرس (يمزمز) عندهم على الاكل حقهم.


ملاحظات :

المطعم بديكوراته كان خيال.
كانو مشغلين موسيقا خاثرة في المطعم.
اكلهم جداً ممتاز
اغلب اللي كانوا في المطعم كانوا حريم.
كان يفضل انه يكون عندهم قسم منفصل للتدخين لان الحريم اللي كانوا في المطعم ذبحونا بدخانهم






الموضوع قديم جدا.......لكن حبيت أعيد نقله.....مرة أخرى...!!!


.
THE JOKER غير متواجد حالياً   رد مع اقتباس
قديم 04-04-2008, 12:42 AM   #2
ســــاري
عضو اسطوري
 
الصورة الرمزية ســــاري
 
تاريخ التسجيل: Aug 2006
الدولة: .. الكوكب المسكوون ..
المشاركات: 36,163
معدل تقييم المستوى: 0
ســــاري is a jewel in the roughســــاري is a jewel in the roughســــاري is a jewel in the rough
افتراضي


مشكووور على النصيحة الغالية في حفظ فلوسنا

هذه اسعارهم قديما اجل مع الغلاء الحاصل الآن كم بيكون وصل !!!!!!!

الله يرزقنا شكر النّعمة

محبك / ســـــــــاري ،،،،

__________________
ربّ اغفر لي و لوالدي و بُنيّتي و اعلي درجاتهم في علييين،،



ســــاري غير متواجد حالياً   رد مع اقتباس
قديم 04-04-2008, 12:54 AM   #3
مايهـــاب
مشرف منتدى الافراح والمناسبات
فريق التغطيات
 
الصورة الرمزية مايهـــاب
 
تاريخ التسجيل: Nov 2007
الدولة: الــــرس
المشاركات: 7,508
معدل تقييم المستوى: 0
مايهـــاب is a jewel in the roughمايهـــاب is a jewel in the roughمايهـــاب is a jewel in the roughمايهـــاب is a jewel in the rough
افتراضي

صحة وعافية

لا وبعد المطبق يمدحونه ويقولون فبه مطبق قرع بالرياض<<<
__________________
تابعونيــ عــــبر

تويتر/sa6666
انستقرام والسناب شات
/saleh_alaqil
مايهـــاب غير متواجد حالياً   رد مع اقتباس
قديم 04-04-2008, 01:37 AM   #4
هزيم الرعد
عضو أثري
 
تاريخ التسجيل: May 2002
الدولة: غير معروف
المشاركات: 11,493
معدل تقييم المستوى: 0
هزيم الرعد is a jewel in the roughهزيم الرعد is a jewel in the roughهزيم الرعد is a jewel in the rough
افتراضي

ماشاء الله عليكم
أجل رحتوا لم مطعم سبازوي << مسوي نفسه يبخص المطعم
أجل صار أكلكم بهكالقيسة ولاشبعتوا ... بس صدقن ... مجرد التجربة تستحق الدفع حتى لو كان عادي ... لكن عاد يقطرون لك الببسي تقطير والشربة بخمسين ماصارت
يعني صحن الشربة بخمسين ...تخيل لو إنك تبي تفطر عندهم برمضان ... وتخبر برمضان يبي لك كم صحن شربة ..على تسذا تبي تطلع بفاتورة وقدرها
لكن أتوقع حتى لو شبعت عندهم ..مايمديك تنزل من الأصنصير إلا وأنت جوعان
لنا بالمطاعم تجارب مماثلة ...لكن خل عنك ..دومينوز يطق بإصبع لأفخم هالمطاعم
أذكر مرة رحنا لم مطعم شيليز بأبو ظبي ....جابوا لنا القائمة ..أنا وأولادي ...ماتدري أصلا وش مكتوب ..قوائم أطعمة أول مرة بحياتي أقراها ..حتى إني قلت ياهزيمة لا أكون بس أنا قالب المنيو ولافهمت شي ..لكن قلت أزين شي نعد شيين ثلاثة ونطلب اللي بعدهن وهكذا
المهم طلبنا طلبات من ضمنها هامبورجر ومدري وش بعد
حتى إني طلبت طلب قالوا لي ياخونا هذي الخمسطعش بالمية حقت الخدمة ماتطلب << تراك زودته عاد
المهم جابوا لنا عشانا ...كان الهامبورجر كأنه مفجرين به ...منتفش ومدري وش لون قايل وطايح على جنب وحالته حالة ...والبطاطس تقل عالكته بقرة
المهم سوينا أنفسنا الأمر عادي ومتعودين كككككككككك
لكن التجربة حلوة ....
ومرة بالمطعم الصيني بدبي ...تعشينا الصراحة عشا طمعه حلو .. بس إنه شوي مكرونة وشوربة وشي مقلقل الظاهر إنه حافر بقرة كككككك...والسعر فوق الـ 300 ...أعتقد هالأسعار طبيعية هالوقت
ومرة يوم كنت في كانبيرا رحنا مطعم عربي للمندي << أقول يكفي نصب بس إطلع من الموضوع
مشكور

التعديل الأخير تم بواسطة هزيم الرعد ; 04-04-2008 الساعة 01:39 AM
هزيم الرعد غير متواجد حالياً   رد مع اقتباس
قديم 04-04-2008, 02:09 AM   #5
غريب الدار
عضو مجلس إدارة سابق
 
الصورة الرمزية غريب الدار
 
تاريخ التسجيل: Oct 2004
الدولة: الشرقية الله يخليني منها
المشاركات: 12,210
معدل تقييم المستوى: 29
غريب الدار has a spectacular aura aboutغريب الدار has a spectacular aura about
افتراضي

الصراحه تجربه مفيده وجميله ..

وإن شاء الله أبسوي مثلك إذا تزوجت ..

بالنسبه لغلاء الأسعار اللحين اغلب المطاعم الفخمه بالخبر ماتنزل عن 250 الى 300 للشخصين ..!

انا اذا جوني ضيوف نصيت الثقبه نص تيس يشبع خمسه وزياده

اما اذا جان واحد إتيكيت رحنا لمطاعم الخبر اللي عليه العلم (واحد بس) ..

والا كان الميزانيه في خبر كان ..

شطحنا بموضوعك يالأسكندر بس لاتشره ترى هذي سواليف آخر الليل

يعطيك العافيه يالإسكندر

وننتظر جديدك لو ببوكيت

تحياتي
__________________
غريب الدار
Instagram & Twitter: A_Karim_M
غريب الدار غير متواجد حالياً   رد مع اقتباس
قديم 04-04-2008, 02:20 AM   #6
بعثره
وتكبر فيَ الطفولة
 
تاريخ التسجيل: May 2007
الدولة: الرس
المشاركات: 1,383
معدل تقييم المستوى: 0
بعثره is on a distinguished road
افتراضي

أوووووو

Esperanza هنا !!



بالعادة هو والمدام شيل وحط من اللي يحاسب ههههههههههههههههههههههههههههههه



عاد تصدق تاثرت بجوهم , صرت إذا رحت أي مطعم أصور الديكور والطلب عشان أنزله عندهم مع تقرير مبسط عن إنطباعي






موضوعك رجعني لسنتين ورا




__________________
مُـتعـبٌ والعـينُ تحتـاجُ لِـغمض

التعديل الأخير تم بواسطة بعثره ; 04-04-2008 الساعة 02:22 AM
بعثره غير متواجد حالياً   رد مع اقتباس
قديم 04-04-2008, 02:25 AM   #7
GPL
Linux3r
 
تاريخ التسجيل: Mar 2008
المشاركات: 705
معدل تقييم المستوى: 0
GPL is on a distinguished road
افتراضي

<<==ماعرف اسبرانزا الا من كتابة بعثره للنك عرف من يكون

موضوع جميل يالغالي وتقرير نصي حلو
GPL غير متواجد حالياً   رد مع اقتباس
قديم 04-04-2008, 02:43 AM   #8
مجازف
مشرف المنتدى الدعوي
 
الصورة الرمزية مجازف
 
تاريخ التسجيل: Jul 2006
المشاركات: 6,989
معدل تقييم المستوى: 0
مجازف will become famous soon enough
افتراضي

اقتباس:
المشاركة الأصلية كتبت بواسطة الأسكندر الأكبر مشاهدة المشاركة


بعد ما دفعنا الحساب و دعينا على المطعم و مسكنا الباب مرينا لنا على فوال و أخذنا لنا تميسة و صحن قلابة بخمسة ريال لأننا ما شبعنا من الأكل في المطعم أبو 358 ريال

.
الاسكندرالاكبر

خخخخ ... لو دريت مارحت او بمعنى ادق ماتوهقت .. ولو الدعوا بك انت كان هونت ... لكن فشلة قدام ام العيال.
ومن ناحيت المناقز !! مو عشان سواد عيونك وانا اخوك ... عشان قريشاتك.
.
.
.
وبما أنك نصحتنا ... ابي انصحك : لا توهق مره ثانيه إسأل عن المطعم ... ومن يوم تشوف ناس يناقزون فديور من البداية تفادياً للاحراج
__________________
مجازف غير متواجد حالياً   رد مع اقتباس
قديم 04-04-2008, 02:59 AM   #9
صمت البوح
عضو غير مشارك
 
تاريخ التسجيل: Feb 2006
المشاركات: 0
معدل تقييم المستوى: 0
صمت البوح is on a distinguished road
افتراضي

ياجعله بالعافية يالاسكندر
واهنيك على هالتجربة الحلوة بس ماكنك ناسي شي


باقي 30 ريال حقت الموقف لانهم قد مصعوه من بس
ولو السبازيوو يستاااااهل

صمت البوح غير متواجد حالياً   رد مع اقتباس
قديم 04-04-2008, 03:06 AM   #10
ام الغااااالين
مشرفة منتدى الأسرة و المنتدى النسائي
 
الصورة الرمزية ام الغااااالين
 
تاريخ التسجيل: Feb 2008
الدولة: مع الغواااااالي
المشاركات: 7,931
معدل تقييم المستوى: 0
ام الغااااالين will become famous soon enough
افتراضي

ههههههههههههههههههههههههههههههه طيب والمعزبه وش موقفه من كل هذا بس صراحه تجربه روعه
__________________
يارب لك الحمد كما ينبغي لجلال وجهك وعظيم سلطانك
ام الغااااالين غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مشاجرة في مطعم البيك }ريح المطر المنتدى العام و الأخبار المتنوعة 17 04-04-2008 11:19 PM


الساعة الآن 11:11 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir