منتديات الرس اكس بي  

العودة   منتديات الرس اكس بي > منتديات الرس اكس بي > تاريخ الرس و الأدب و الشعر

الملاحظات

تاريخ الرس و الأدب و الشعر هذا القسم توثيق لتاريخ الرس الماضي والحاضر، و أرشيف للصور القديمة، ومنتدى الأدب و الشعر

موضوع مغلق
 
أدوات الموضوع انواع عرض الموضوع
قديم 21-07-2006, 03:01 AM   #71
المنسم
عضو بارز
 
تاريخ التسجيل: Feb 2006
الدولة: فــي قـــلـــــب آلــرٍـرٍســُ
المشاركات: 364
معدل تقييم المستوى: 0
المنسم is on a distinguished road
افتراضي

مشكورة أختي بسمة وننتظر الباقي

ولوسحمتِ أختي بعد ماتنتهي القصة أبيها كامله برابط اذا ماكان عليكِ كلافه
المنسم غير متواجد حالياً  
قديم 21-07-2006, 03:36 AM   #72
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
افتراضي

.....................

هـــلا بـك .. لا عـــادي .. مو مشكلــة .. لكـن الأجــــزاء الأولـــى من الــروايــة

مــع صـاحبـة المـوضـوع (( الأمــل )) ..

لكــن إنشاللــه أنــا أقـولها ..

تحيـــاتـي ..



......................
__________________
بسمـة ألــــــم غير متواجد حالياً  
قديم 21-07-2006, 04:14 AM   #73
*( المشتاقه )*
عضو غير مشارك
 
تاريخ التسجيل: Mar 2006
الدولة: في ديار العز دار ابو متعب
المشاركات: 0
معدل تقييم المستوى: 0
*( المشتاقه )* is on a distinguished road
افتراضي



بالله عليك يا نور عيني أنتي لا تطولي علي
أحترقت أعصااااااااااااااااااااابي


*( المشتاقه )* غير متواجد حالياً  
قديم 21-07-2006, 07:20 AM   #74
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Cool عـــــدناااااااااااااا

......................

[blink](( فـــي الجـــــزء الســـابـق )) [/blink]

الرحله كانت بسيطه غلب جو المرح والسوالف على اغلب السيارات وعلى أذان الفجر وصلو للبيت الحرام ..


الجــــزء الـ [blink]22[/blink]



تركوا كل اغراضهم بالسيارات ودخلوا لساحة الحرم وبمجرد ماقفوا عند النقطه البعيده المواجهه للحرم الكل صمت بهالارض الطاهره مافيه غير صوت الشيخ عبدالرحمن السديس يقرأ سورة الفاتحه بالركعه الأولى من صلاة الفجر ..الكل وقف بمكانه وكبٌر لصلاة وبعد الانتهاء بدأ سلوم يضحك مبسوط يسأل فيصل عن كل شئ ايتدأ من الجبال وانتهاء بالحمام وفيصل بكل سعاده يجاوبه ..

اقتربوا من البيت الحرم اكثر وابتدو اداء مناسك العمره والكل انفصل بعالم لحاله عالم يختفي فيه كل المحيطين حولك ..احساس الخضوع والخوف ..احساس القوه والعظمه ..احساس زيف الدنيا وملاذتها ..احساس يعيد بثواني امامك شريط حياتك بذنوبك وتصرفاتك ..احساس يذرف دموعك رغم قوتك وشموخك.. فأنت بالبيت الحرام امام الكعبة المشرفه تناجي الله الواحد الاحد الفرد الصمد تناجي العظيم بتخضع بكل قوتك.. تناجي الرحيم قتدعوا بكل ضعفك تقر بذنوبك وتطلب الإله الرحمن الرحيم أن يتجاوز ويصفح عنك.. ويمر ببالك احاديث وآيات تدل على رحمة الله بعباده ..تدعوه يفرج همك ويشفي مرضك ويصفح عنك تناجي من رفع السماء بلا عمد تناجي الجبار العظيم المنان الرحيم تناجي الله ..في بيته الحرام بالمسجد الحرام في المكان الذي يتساوى به الكل فلا فرق بين احد والاخر لاابيض ولااسود لاغني ولافقير الكل يرفع يديه يناجي الله يطلبه يرجوه بستغفر ويدعوا الكل يحتاج رحمته وعفوه الكل ببيت الكريم تغسله دموع الخوف والخشيه منه... دموع الفرح دموع الخضوع والاذال ..دموع الاحساس بأن كل ماهو مستحيل بحياتك سبحانه قادر عليه ..

بعد الصلاة والعمره الكل طلع ومروا يمشون على اسواق مكه قديمه الكل صاحي الفجر او الليل العصر او المغرب الكل بحاله من النشاط وعطاء الكل بحاله من التقارب ولاخاء شعور غريب سيطر على الكل وهم يشوفون المحلات القديمه والاغراض القديمه الكل من البنات لفت انتباهه الاسوار الذهبيه والخواتم الملونه ممهما تقدموا واشتروا من الالماس والمجوهرات هنا بمكه غير الاحساس بكل شئ فيه مختلف الكل يشتري وكأنه شاري مجوهرات مو اسوار او سلاسل بسعر زيد رخيص جدا لكن لمكه متعه غير واحساس مختلف ..لمكه احساس يجعل الواحد منا يشعر بأنه انسان ضعيف مهما تعالى وكبرت مكانته وتمادى بظلمه وجبروته بهذه الارض الطاهر شعور واحد يسيطر على الكل الله سبحانه وتعالى اكبر واعظم من الخلق فهو الواحد القهار ..العزيز الجبار..


بعد مافاضت النفس وناجت ربها ..بعد مادمعت العيون وحررت دمعها ..بعد ماارتسمت الابتسامه فرحه بوجودها ببيت ربها ..بعد مااشرقت شمس المحبه ..بعد ماضحك سلوم وابتسمت اماني..بعد ماطمئن قلب العنود وارتاحت بدور ..بعد مابكت ام فيصل واتبعتها ام فهد وام نواف..بعد ماالتموا الشباب حول الحمام واشتروا الحب وبكل عفويه ومحبه تطاير الحب بساحات الحرم..بعد مااتفاءلت ساره وهدت خلود ..بعد ماحاولت تنسى نجلاء ودعت ربها غدير ..بعد ماضحكت شوق وابتسم محمد ..بعد ماسكتت بدور وبعدت عنها امها ..الكل رجع للشقق حتى يرتاحون من التعب والسفر ..
اخذوا لهم شقتين وحده لشباب ووحده لأهل وكانت مقابل بعض وناموا وعالعصر صحوا البنات وبسرعه اكلوا لهم شئ وراحوا يلحقون عالصلاة بالحرم ماعدا العمه حصه ولطيفه كانوا تعبانين مره وبدور كانت نايمه وساره تعبانه ماقدرت تروح معهم ..اما الشباب اغلبهم طلعوا حتى يصلون بالحرم ..طلعت بدور بعد ماصحت ولاحصلت احد ولاانتبهت ان ساره بالغرفه الثانيه نايمه ..
بدور..السلام عليكم
العمه لطيفه وام بدور....وعليكم السلام
بدور وتتلفت ..وين الباقي
ام بدور..راحوا يصلون بالحرم وانا وخالتك تعبانين مافينا قلنا بنجي لصلاة المغرب ونجلس للعشاء بالحرم
بدور بقهر..طيب وانا ليه ماصحوني
ام بدور ..مو لازم اجلسي معنا
بدور وهي راجعه للغرفه ..لا لازم
ام بدور وهي تضحك..رجعت تكمل نومها
شوي وطلعت بدور عليها عباتها وبتطلع وتقوم امها
ام بدور بصوت عالي ..وين ان شاء الله
بدور وهي تتغطى..بروح اصلي
ام بدور..من متى اقول اجلسي بس
بدور وتفتح الباب وتطلع
ام بدور عند باب الشقه..بدور لاتخليني اطلع اسحبك عند الناس ارجعي
بدور..ماابي بروح اصلي
ام بدور بصوت عالي مرره ..بدوور
انفتح باب الشقه وطلع صقر وسلطان وشكلهم رايحين يصلون
صقر ويناظرهم..خير خالتي
ام بدور وهي معصبه..رجعها لااطلع الحين اكفر بها
صقر وحس خالته صدق معصبه راح لبدور ومعه سلطان وناداها رفضت وبدأ سلطان يعصب عليها اقنعه صقر يروح يصلي ماله داعي الفضايح ووافق وتركها اما صقر بالغصب رجعها لما بدأ صوت عمته يعلى اكثر ..دخلت بدور وهي تصيح وضربتها امها على كتفها لكن هنا بدور فجرت هالغضب بكلمه خلت صقر يدخل لشقه عنندهم ويسكر الباب
بدور وهي تصيح ..اكرهك مااحبك اكرهك اكرهك اكرهك
ماحست بدور الا بكف خلاها توقف عن ترديد كلمة اكرهك ..اضربني صقر بعد اكثر
صقر..قص بلسانك هذي امك تقولين لها هالكلام
بدور وهي تصيح وامها من الصدمه جلست ..بقولها ايه اضربني صقر احسن مليون مره من نظرة الاحتقار الي اشوفها بعيونكم خليني اقول لها خلاص مليت عمرها ماقالت لي اعملي كذا لانه حلال او حرام كل الي تقوله هذا بينفعك وهذا بيحبب الناس فيك نست اني بمجتمع مسلم بيكرهوني لاني تجاوزت تعاليم الدين ..قالت لي خلي فيصل يحبك وماعرفت ان فيصل اخر انسانه يفكر فيها انا وكل عيال خوالي مثله مافيه شخص محترم يفكر فيني الكل اشوف بعيونهم نظرة احتقار ممزوجه بعطف ..لما شفت البنات وكيف هو واعيات متعلمات جميلات مميزات وغير هذا محبوبات سألت نفسي انا بأيش افرق الي بشئ واحد اني تجاوزت تعاليم الدين وضربت بكل العادات وراء ظهر ..مليون مره اسأل نفسي صقر ليه مايكلمني الا من بعيد وسلطان ليه مايسلم علي.. فيصل ليه يردد علي كلمه وحده بكل مره اكلمه انتي بحسبة خواتي حمد ليه اشوف لهفته على ساره مع انها مريضه.. شوق ليه مبسوطه وانا اجمل منها مليون سؤال وسؤال اجابتها وحده ان الجمال داخلي لكن امي ماعلمتني كذا علمتني ان الحياة اساسها الفلوس والجمال هو الي يجيبه حتى ابوي استغلت حبه لي لصالحها سخرتني اداة تنفذ فيها كل شئ لما وقفت هنا بالحرم خجلت من نفسي عرفتي اني بدنيا ونهايتي قبر وحساب وعذاب تذكرت كل افعالي وتصرفاتي التفت اشوف البنات وكل وحده تدعي الله يهديها ويستر عليها وانا خجلت ارفع يدي شلون اطلب الله يرحمني وانا عاصيه شلون اطلب الله يسعدني وانا مقصره شلون ويمكن الشئ الي تذكرته من القليل الي اعرفه ان الله رحمن رحيم عطوف كريم عفور ورفعتي يدي ادعي الله ينور لي دربي
صقر وبعد مااستوعب..صرخ .خلاص بدور كفايه
بدور ومازالت تصيح..لا مو كفايه ليه هي ماتقومني اصلي الفجر مثل امك ومثل ام فيصل ليه ماتطلع من غرفتها بعز الليل وتتطمن علي مثل ام فهد ليه ماتدعي لي بصلاتها ودموعها على خدها مثل ام نواف ليه حرمتني من احساسي كبنت كرمها الدين وصانها اعتبرها جوهره وخلتني سلعه للكل خلتني بضاعه الكل يعاينها ويشوف مثل التمثال مهما كان حلو لكن الكل ممكن يتجرأ ويمسكه سهله رخيصه رخيصه ياصقر بعيونكم انتم اول الناس واقربهم صح
ام بدور وهي تصيح..بس بس حرام عليك هذا جزاي خذا جزاتي
العمه لطيفه وهي نفسها من الصدمه ماعرفت كيف تتصرف مسكت بدور ودخلتها الغرفه وحضنتها وخلتها تتكلم وتصيح وهي تقرأ عليها لحد ماهدت ونامت بهالوقت ساره كانت بالغرفه وسمعت كل الي صار انصدمت خافت لكنها صمتت ولاقالت لاي شخص عن الي صار ..
اما ام بدور كانت بحالة صمت استغرب الكل لما رجعوا وحصلوها كذا خصوصا انا مانزلت للحرم تصلي ..وبالليل بعد مانام الكل دخلت ام صقر وجلست جنبها..
ام صقر..شفيك ياحصه ليه مانمتي يااختي
حصه بحزن ..وشلون انام بعد الي صار
ام صقر..تعوذي من الشيطان واذكري الله يااختي وهذي بنتك ضميها لحضنك
حصه وبدت تصيح ..بعد كل الي قالته ..؟؟ شلون يالطيفه بنتي طعنتني بنتي ذبحتني بنتي ربي عاقبني فيها آه يالطيفه وين امي تشوف وينها تشوف بنتي عطتني كف ماقدرت امنعه
ام صقر ..ماهو وقت عتب يااختي وامي الله يرحمها ويغفر لها
حصه..اتصلي بأحد العيال خليه يوديني للحرم اصلي واطلب الله لين اذان الفجر
ام صقر..ان شاء الله وانا بروح معك

بعد الصلاة الكل رجع ينام ويجهزون لانهم بيصلون الظهر ويمشون لجده عشان موعد رحلتهم لكن الي صار ان صقر طلب من امه انها تقول لبدور تتأسف لأمها لكنها رفضت وعندت والكل مستغرب ايش الي صار وخلا العمه وبنتها بحالة بعد عن بعض وصمت وقت ماهم يركبون السيارات استغل صقر قربه من بدور وقال لها وامه تسمع..بدور الله سبحانه وتعالى امرنا بطاعة الوالدين وبرهم وانتي ندمتي وعرفتي خطاك والمفروض انك ماتصححين خطأ وتبدين خطأ ثاني
بدور مستغربه..اي خطأ انا ماسويت شئ
صقر..امك مهما كان انتي رفعتي صوتك عليها والمفروض تتأسفين لها وتوضحين لها رأيك بطريفه ثانيه
ابتعد صقر وبدور حبت رأس امها وقالت اسفه وتحت الغطاء نزلت دموع حصه ..
كملوا رحلتهم ووصلوا لرياض ورجع الكل لبيته اما العمه حصه وام صقر راحوا بيت ام نواف يجلسون عندها ..

من بكرا الكل كان مشغول بتنظيف البيت وترتيبه العنود هي واماني وام فيصل والبنات اما شوق جلست للعصر بعدها راحت عند اختها تجلس معها شوي ..وبالليل ماعدا العنود وسلوم كانوا بالبيت ..دخل فيصل وجلس معهم وتغطت شوق ..
فيصل ..اقول سارونه مستعده
ساره باابتسامه متصنعه ..مستعده
فيصل..حبيبتي اول شئ انتي احتمال تطولين بالمستشفى
ام فيصل..ليه
فيصل..بيرجعون يعملون الفحوصات وتطبيق العلاج يعني على كلام حمد ثلاث اسابيع او اقل
محمد باابتسامه ..بس انا قلت بتجلس سنه
ساره ..بسم الله علي
محمد وهو يضحك ..خلي الوالده تعطينا شوية حنان
غدير..كل الحنان لكم يخلف علينا
فيصل وهو يضحك..كويس انك تكلمتي ذكرتيني غدور لاتقولين لا تفدرين تستعدين للملكه بأسبوع وانا تحت امرك بالي تبين
غدير وبسرعه..لاطبعا
محمد..ياشيخه شوفي لك حل لان الاخ خطيبك امس احنا وصلنا وازعجنا بعدين قبل ماتدخل ساره
ساره بحزن.عادي تعملها من غيري
غدير..لاحبيبتي مستحيل
ام فيصل ..خير ان شاء الله الملكه الخميس
غدير..يمه
ام فيصل..ليه التعقيد القستان اشتري جاهز وباقي الترتيبات ماهي مشكله
محمد..كفوا ام فيصل
فيصل..الا صح معي اوراق امون خذيها معك خلي العنود تشوفها واذا موافقه توقعها
اماني..اوكي ان بروح الحين وينها
فيصل ..عالمكتب
اخذتها اماني وطلعت للعنود وحصلتها بالصاله تتفرج عالتلفزيون..
اماني..وينك ليه ماجيتي
العنود..لا صعبه الحين محمد متزوج وبيجلس مع امه وزوجته واهله براحته مو مثل اول
اماني..لا العنود محمد عادي
العنود..بس انا مو عادي ايش الملف الي معك
اماني..هذا من فيصل يقول اذا موافقه وقعي

العنود..طيب حطيه عالطاوله
اماني وجلست عالكنبه جنبها..العنود بقول لك شئ
العنود وطفت التلفزيون والتفت لها..تفضلي
اماني..انا دخلت اخذ الملف من مكتب فيصل وحصلت جهازك مكسور عنده العنود بفهم ايش الي صار
العنود باابتسامه..اموون انا لو بقول قلت من الاول صار مشكله وانتهت انسي امرها لوكي
اماني..العنود انا ابي تتكلمين ترتاحين
العنود..انا مرتاحه
اماني..ايه صح ملكة غدير الخميس قبل ماتدخل ساره للمستشفى
العنود مبتسمه..الله يوفقها وساره كيفها
اماني.يعني تحاول ماتوضح انها زعلانه
العنود..طيب امون بكرا بروح لبيتنا
اماني ودمعة عيونها وحضنتها العنود..ليه اموون انا الحين خايفه من سلوم تصيحين انتي
اماني ..ليه سلوم بيروح معك
العنود..ايه صح هذا بيته لكن هناك كنت يوميا ادخل غرفة عايشه واقوله هذي غرفة ماما وهي ان شاء الله بالجنه واذا كبرت تعمل وتعمل لها ولازم استمر سلوم مالازم ينسى هالشئ لازم يظل يتذكر امه لو بالاسم ..
اماني..العنود انت انسانه رائعه
العنود باابتسامه..لا مو انا عايشه هي الانسانه الرائعه هي الي علمتني وزرعت بداخلي كل المعاني الحلوه
اماني..الله يرحمها يارب
العنود..آمين
شوي ودخلت عليهم غدير وساره وابتدت السوالف واتقفوا انهم كلهم بيلبسون من عندهم الا العروس بكرا بتبدأ اولى طلعاتها لسوق ..

مر الاسبوع والكل بحالة عمل مستمر فيصل مشغول بالشركه والترنيب لملكة غدير ومحمد معه اما البنات كانوا مشغولين بالترتيب والتجهيز للملكه خلال الاسبوع ماشافوا بعض ابدأ الا يوم الملكه ..
سلوم كان جاهز ويضحك بغرفة اماني ..الي كانت لابسة فستان ناعم وبسيط لونه عشبي ومكياجها كان بسيط جدا مناسب وجهها وعمرها وشعرها تركته على اكتافها
سلوم ..اماني يالله خلاص
اماني..سلوم انا حلوه
سلوم وهو يضحك..لا
اماني..انت مو حلو بعد
سلمان بسرعه ..خلاص انتي حلوه
انفتح الباب وصفرت اماني كانت العنود لابسه فستان ناعم اسود وشعرها على اكتافها ومعها شال اسود اما شعرها كان شلال اسود على اكتافها لنصف ظهرها ..مكياجها كان رائع ابرز جمال عيونها ..
اماني..لا عنوده كذا اخاف عليك من العين
العنود باابتسامه..لا حبيبتي انا الي خاف عليك يوجهك براءه تتمنها كل بنت
سلوم بصوت عالي..عنوووووووووووه يالله
طلعت العنود بعد مالبست عباتها هي واماني وراحوا لبيت ام فيصل وسلموا عليها وصادفتهم ساره لابسه فستان زهر ووجها هادي والمكياج مااخفى التعب الي واضح عليها اما شعرها كمان حلو ومناسب شكل وجهها الذبلان ..
اما العروس كانت مابعد جهزت شوي وطلعت شوق وكانت تهبل بفستانها الفضي ومكياجها وشعرها ..
شوق..بالله عليكم مو انا احلى وحده فيكم
العنود.ههههههه شوق انتي حلوه بعيونا لكن احلى وحده بعيون شخص محدد
شوق ..ياحظي اجل بروح اشوفه
ساره..تعالي يالخبله مو وقته
شوق..صدقت بروح البنات وصلوا يالله ننزل ..
نزلوا البنات وسلموا على الموجودين ..
خلود الي لابسه فستان ذهبي كانت رائعه بقوة نظراتها وحضورها اما عبير الحزن انطبع وسيطر عليها وانعكس هذا على عيونها من خلال اللون السماوي الي لابسته اما نجلاء كانت لابسه فستان ليلكي رائع شكله ..
تفرقوا البنات كل وحده كانت بجهه وساره حلفت امها انها ماتشتغل لانها تعبانه واماني كانت تكلم محمد اما العنود كانت بالمطبخ مع ام فيصل ..
ام فيصل ..العنود هذا الدخون جاهز والعود بغرفتي بس شلون بتدخلين وتطلعينه عند الناس نسيته
العنود وترفع شالها ..بروح اجيب لك من عندي
ام فيصل ..بسرعه
مشت بسرعه بتطلع مع الباب الخلفي من المطبخ الا على دخلت فيصل وجهها بوجهه
قيصل ..يمه ويييي
سكت فيصل رفعت شالها بسرعه ورجع فيصل ..اسف
ام فيصل..ابعد خل البنت تطلع بسرعه العنود
طلعت العنود وفيصل ظل مكانه
ام فيصل..شفيك ماعمرك شفت بنت وضربته على كتفه بعدين تنحنح قبل ماتدخل
فيصل وابتسم..الغاليه اسف والله من الربكه وين الدخون
ام فيصل ..هذا هو نسيت العود وراحت تجيب العنود
رجعت العنود لكن هالمره بشال طويل غطى كل جسمها اعطت ام فيصل العود ودخلت لصاله ويدها ترتجف من الموقف الي صار لها
وقفت جنب ساره وانتبهت ان بدور موجوده من بعيد وظلت تناظرها بتأمل فيها شئ متغير مو قادره تعرفه العنود..
ساره التفت عليها..شفيك ليه متنحه بالبنت
العنود..مااعرف احس فيها شئ متغير
ساره باابتسامه..بدور تغيرت ولازم احنا نساعدها
العنود..شلون تغيرت وكيف نساعدها مافهمت
ساره..احس انها تغيرت ولازم نتقبلها
العنود ..اوكي بروح اشوف غدير
ساره ..هههههههههههه الله يعينك
طلعت ساره فوق لغرفة غدير وحصلتها انتهت من مكياجها الي مخليها قمر مع انها اصلا حلوه ..اما فستانها كان مو مبهرج بالعكس كان انيق وفخم ولونه عنابي ..
العنود..الله اش هالزين يابخته
غدير..العنود احس اني انسانه ثانيه
العنود..هههههههههههه ليه يالخبله
غدير ..ماادري قلبي يعورني
العنود..شعور طبيعي حبوبتي
غدير..اقول العنود شكلي حلو صدق
انفتح الباب ودخلت ساره ..يالله ياحلوات فيصل وصل تغطي عنوده
دخل فيصل وابتسم لغدير..لا كذا انا بخاف عليك غدور من هالزين
غدير بخوف..ماابي اوقع
فيصل..هههههههههه خلاص ماينفع يالله حبيبتي وقعي خليني اطلع لااتأخر سمي بالله
بكل تردد وقعت غدير وحب جبينها فيصل وبارك لها وطلع وباركوا لها البنات ومعهم بدور الي الكل تفاجئ من تغيرها
شوق بصوت واطي لغدير..ابشرك بدور تغطت لما دخل فيصل يعني حظك حلو مو مثلي يوم ملكتي مرتزه ..
غدير..هههههههههه حسبي الله عليك شواقه يالخبله
شوق..عيب انا مرت اخوك احترميني
ساره..شوق صدق تعالي ماسولفتي لنا عن سفرتك ذكريني بعدين
شوق وهي تضحك..ومن قال اني بقول لك اصلا
ساره..غصب عنك اهون عليك بدخل المستشفى
شوق ..لاتحاولين مابتكسرين خاطري لانك طيبه مافيك شئ
قطع سوالف البنات اتصال ام فيصل تطلب منهم ينزلون يالله مع غدير

نزلوا البنات ودخلت غدير المجلس والكل سلموا عليها وشوي كلمهم فيصل وقال انه بيدخل الحين مع سعد ومحمد وتغطوا البنات ودخل المعرس لكن فيه ثنتين انفصلوا بعالم ثاني شوق وهي تشوف زوجها محمد الانسان الي بأيام بسيطه قد يرسم بسمه حقيقه بتاريخ حياتها الانسان الي وعدها ماتنزل دمعه من عينها الا اذا هي دمعة فرح الانسان الي تعهدت انها تسعده وتعمل كل شئ يرضيه مهما كان ..
والثانيه كانت العنود الي لما شافت سعد وتذكرت غدير ندمت وهي تشوف فيصل ندمت وهي تتذكر كيف غدير بكل عفويه قالت ان سعد اعجبها لما صادفته وقارنت بينها وبين غدير وتوصلت انها لازم ماتظل تفكر بهالمسار ولازم تبدأ تحرق حب فيصل بداخلها وبدل ماتكون اخته عند الكل تكون عند نفسها وبداخلها اخته ..
سلم فيصل ومحمد على اختهم وطلعوا اما سعد بعد مالبس زوجته الشبكه طلعوا بمجلس لحالهم وغدير كنت بتمووت من الخوف
سعد..مبروك غدير
غدير وهي مو مستحيه خايفه ..الله يبارك فيك
سعد وهو مبتسم..شدعوه كل ها حيا غدير ارفعي رأسك
رفعت رأسها غدير وابتسم لها سعد وقال..غدير اول شئ انا ماطلبت اشوفك لانك عجبتيني وارتحت لك من الصدفه الي جمعتني فيك لكن عيني عليك بارده طلعتي احلى مليون مرره
استحت غدير ونزلت راسها وكمل سعد..غدير انا حياتي كلها معتمده على الصراحه وعلاقتي مع فيصل كذا فيصل كتاب مفتوح بالنسبه لي وانا نفس الشئ وهالشئ ابي يكون بيني وبينك لاتعملين حساب اي شئ غدير اقل شئ لازم اعرفه وتأكدي انك بتعرفين كل شئ عندي
غدير..ان شاء الله
سعد وهو يضحك..اعرف بتقولين مو وقت هالكلام لكنه ضروري بالنسبه لي غدير انا بطلع مافيني على تعليق العيال بس اكيد بينا تيلفون تحبين اليوم او اخليك لبكرا
غدير..الي يريحك
سعد..هههههههههه لابغيت تحيره خيره اوكي معناته راحتي انها تكون اليوم
ابتسم سعد وطلع وترك غدير خايفه دخلت عليها نجلاء وضحكت..شفيك تقولين مروعه
غدير..ماادري كأنه فيصل خفت ماادري احس كله هيبه
نجلاء..هههههههههههههه اقول قومي يالله وخلي هالكلام والحكم بعد المكالمات نشوف شو تقولين ..
بعد ماانتهت الملكه والكل راح طلعت غدير لغرفتها اما ساره كانت تعبانه واماني والعنود اصروا يجلسون مع شوق وام فيصل يرتبون البيت ودخل محمد
محمد..السلام عليكم وصباح الخير وتعبت بروح انام
ام فيصل ..ههههههههههه محمد مافهمت شئ وحده وحده
محمد وهو مبتسم..وحده وحده بيجي الصبح وانا اقول وانتم تردون الا صح وين الحلوه
ساره..بغرفتها مو اليوم هي العروس لازم ندللها
محمد ويصحك..على بالك اقصد غدير انا اقصد شوق
اماني ..والله توقعت
ساره ..شوق راحت مع نجلاء تقول بتنام عندهم
محمد وتغيرت تعابير وجهه.ليه وانا جدار هنا
شوق وهي داخله مع العنود..من يقول
محمد ويلتفت على امه الي ضحكت ويناظر ساره ويتوعدها ..
ام فيصل ..هذي الحلوه لايكون تزعلها تراها غاليه
محمد وعينه على شوق..والله غيرت الاسم مو الحلوه الا احلى الحلوات
ام فيصل وهي تضحك ..اقول اذكر ربك واخذ زوجتك وعلى غرفتك
محمد..ههههههههههههههه
فيصل ..احم
تغطت شوق ودخل فيصل..السلام عليكم
الكل..وعليكم السلام
فيصل..اقول بنام تعبان اي احد يجلس لصلاة يصحيني
ام فيصل..مابقى شئ اجلسوا
فيصل ..باقي ساعه ونص
ساره..اجلس وسولف ويمر الوقت
اماني..فيصل نام بالمجلس واصحيك اذا اذن
فيصل ويبتسم..تسلمين ياحنونه
محمد..الا صح العنود السواق كلمني اليوم يقول بيروج يعتمر شرايك
العنود..يروح كيفه
ام فيصل..وزجته معه
العنود..اكيد
فيصل..بأسمك السواق العنود

العنود..ايه

فيصل..اعتقد له اجراءت خاصه عموما شوفها محمد واذا ماتقدر بلغني اوكي اشوفها

محمد..اوكي

سهروا الكل لحد الفجر وبعد الصلاة الكل نام..



.......................
__________________

التعديل الأخير تم بواسطة بسمـة ألــــــم ; 21-07-2006 الساعة 07:24 AM
بسمـة ألــــــم غير متواجد حالياً  
قديم 21-07-2006, 07:32 AM   #75
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Arrow

..........................



اما بغرفة خلود وعبير كانوا سهرانين يسولفون عن الملكه وكل الي صار فيها

عبير..خلود شفتي بدور
خلود..شفتها لكن الي مستغربه منه انا ان ساره تقبلتها بسهوله ولاتقول خلينا نتقبلها بصراحه انا مو فاهمه
عبير..ولا لكن تعالي شسالفة هدية فهد الي يقول بكرا بيعطينا
خلود مبتسمه..ماادي بس امي تعرفها يقول بكرا العصر بيقول لنا
عبير ..الله متى يجي بكرا
خلود..بكرا بيرسل لك نواف اول الملفات صح
عبير مبتسمه..ايه ماتخيلين فرحتي شكثر
خلود..عبوره بدور عندهم بالبيت الغريبه انك عادي
عبير..خلود انا ظليت سنوات احب نواف ولااحد بعرف تحملت اشوفه تعبان مريض بالمستشفى تحملت اشوفه منعزل عن العالم وعايش لحاله والحين لو يقولون انه يحب وحده وبيتزوجه بقول طيب الله يسعده المهم يرتاح صدقيني بعد العذاب الي عشته بحبه ماابي الا انه يرتاح ويكون سعيد
خلود..يابختك ياعبير قدرتي تكونين انسانه قلبها صافي
عبير..وانتي ماقدرتي
خلود..مهما قدرت مابكون مثلك انتي تضحين لاي شخص تحبينه لغيرك طالما هالشخص يسعده وانا احارب العالم ولاافقد هالشخص
عبير ..ومن هالشخص
خلود وتبتسم..مازال الجواد من غير فارس
عبير..الفارس ياخلود مايجي بالقوه والعناد الفارس يجي بالحب والخوف والاهم الاحترام لنفسك قبل مايكون لغيرك
خلود..مافهمت كيف الاحترام
عبير..خلود اسلوبك مع سلطان كان جريئ يعني وانتي تعرفين سلطان لكن كون انه سكت لك مايعني انك تتجرئين اكثر
خلود..عبير سلطان يستفزني
عبير..سلطان كذا من هو صغير وانتي تعرفين يعني اذا رديتي بتتعبين ويمكن بأي لحظه يرد عليك سلطان برد يخليك تندمين انك تكلمتي معه يعني ابعدي عنه
خلود وهي معصبه ..اصلا هو مايعني لي شئ
عبير باابتسامه..وانا قلت يعني لك يالله تصبحين على خير
الظهر صحت عبير وحصلت ملفات نواف وصلت وكأنهم اعطوها اروع هديه ضمتها لصدرها ودخلت غرفتها ولاعاد حست بنفسها الا لما دخل فهد بعد مااستأذن
فهد..ايووه بدينا الشغل كيف الوضع
عبير ومبتسمه ..اقول لك بس ماتعلم
فهد ..قولي
عبير..ولد عمك شلون عايش بهالفوضى
فهد..هههههههههههه نواف حياته كلها فوضى الله يعينك يالله عبوره موعد المفاجأه البسي عباتك
عبير..بنطلع ايش هالمفاجأه
فهد..بسرعه مابقى شئ يالله
طلعت عبير وامها وخلود مع فهد حتى يشوفون المفاجأه وكانت فعلا مفاجأه وقفوا عند فيلا معقوله لكن شكله حلو وفخم والاهم انها مو قديمه
فهد..تفضلوا
خللود..لا والله من بيته ماتعدلت
فهد..هههههههههه ادخلي مافيه احد
دخلوا كلهم وانتبهوا ان امهم تصيح
عبير وتحضنها...يمه شفيك
فهد قرب منها وحب رأسها ..الغاليه هالبيت لولا الله سبحانه ثم دعواتك ماشريته
خلود..شريته هذا بيتك
فهد..لا هذا بيتنا
خلود وبسرعه حضنة فهد..الله يخليك يارب
فهد..بسرعه احجزي غرفتك قبل عبير
دخلت خلود تركض بس عبير التفتت على فهد..فهد شلون ..؟؟
فهد باابتسامه..كنت متوقع سؤالك بعت بيتنا واخذت قرض
عبير..يعني عليك دين
فهد..عبوره لاتخافين فيصل سهل الموضوع كثير لي وراتبي يحمل
عبير..الله يوفقك يارب
فهد..عبوره مااخترت غرفكم ولاشئ من اثاث البيت الي غرفتي وبنطلع الحين نشتري اوكي
عبير باابتسامه هزت راسها ودخلت بسرعه حتى مايشوف فهد دموعها ..

اما في بيت ام نواف العمه حصه والعمه لطيفه كانوا مقررين يسافرون لكن ام صقر ماوافقوا عيالها واضطرت انها تجلس اما بدور بعد معاناة اقتنعت امها يجلسون اسبوع بس وطلبتها انها تنام عند احد البنات
العمه حصه..وين بتنامين
بدور..ودي اروح عند خلود وعبير لاني اعرفهم اكثر وبيت ام فيصل مااعرف احس شكلي غلط
العمه حصه..كيفك الي تبين خلي السواق يوديك
بدور بخيبة امل..لحالي اروح مع السواق
العمه حصه..انا تعبانه مافيني اطلع اوصلك
ام صقر..انا بوصلك
بدور باابتسامه..تسلمين خالتي شوي واكون حاهزه
استغربوا خلود وعبير لما اتصلت بدور وقالت انها بتجي وتنام عندهم لكن تقبلوا الموضوع بالنهايه ..وصلت بدور بالبدايه كانت محرجه لكن بعدين بدت تسولف مع البنات وتضحك وحتى مع ام فهد والغريب ان شالها على كتفها وتغطت عن فهد وهالشئ اسعدهم كثير وتأكدوا انها تغيرت لان حتى طريقتها بالكلام تغيرت ولبسها محتشم ..
خلود..بدور شرايك تجلسين عندنا كل الاسبوع
بدور ..اخاف اضايقكم
عبير..لاشدعوه انتي بنت عمتنا
بدور..بنات بقول لكم شئ ولاتسألوني ليه مكن
البنات..ممكن
بدور..اسفه اذا اخطيت بحقكم
عبير وتناظر خلود..انسي يابدور حياتنا علمتنا ننسى الجراح ونسامح خلاص الحين احنا بنبدأ صفحه جديده
بدور..ودي الكل يتقبلني نجلاء وشوق خصوصا لاني جرحتهم كثير ..
خلود..شوق ونجلاء حبيبات مايزعلون واكيد مافي خاطرهم شئ عليك
عبير..يالله بروح اشوف شغلي
خلود..صح فهد اعطاني ورقه فيها ايميل نواف وقال اعملي ايميل خاص لشغل وارسليه على بريد نواف اوكي
عبير..اوكي اخذ الورقه وراحت للغرفه لكن مو حتى تعمل ايميل او تشتغل حتى تتأمل نواف من خلال شغله من خلال خطه من خلال بعثرة اوراقه ..وظلت على هالحال مايقارب الساعه بعدها بدت تشتغل ولاحست الا عالساعه عشر بالليل قفلت كل شئ وطلعت تسهر مع البنات ..

اما نجلاء كانت سهرانه مع اخوها حمد الي كان خايف من موعد ساره بكرا
نجلاءء..حمد شفيك
حمد باابتسامه..ولاشئ
نجلاء..حمد ليه ماتتزوج عالاقل زوجتك تجلس معي
حمد ..هههههههههه ان شاء الله بس خلينا اول نشوف الوضع
نجلء..اي وضع
حمد باابتسامه..وضع ساره
نجلاء مستغربه..ليه شفيها ساره
حمد..يعني ماانتي فاهمه لان الي بتزوجها هي ساره
نجلاء وباابتسامه ومصدومه ..احلف
حمد مبتسم ..لا اكذب نجول شسالفتك كل ماقلت لك شئ قلتي احلف
نجلاء..لابس استغربت يعني بتتزوج ساره
حمد..يس وياويلك ان وصلني خبر ان احد عرف حتى شوق
نجلاء بخيبة امل...ليه
حمد..نجلاء انا دكتور ساره وصدقيني احساسي تجاها مفصول نهائيا عن مسؤليتي كطبيب لكن بهالموضوع لازم اتاكد من صحة ساره وهل هي قادره على الزواج بهالمرحله لكذا ترددت اني اخطبها
ساره..بس حمد اذا انخطبت وانت ساكت يمكن توافق
حمد باابتسامه..لاتخافين فيصل يعرف بالموضوع ومن زمان مكلمه لكن طلبته يسكت مايقول لاحد حتى نتأكد من صحة ساره اول ..
نجلاء... الله وناسه .طيب ساره فيه خطر على صحتها
حمد..اتوقع انه تحتاج عمليه ونسبة نجاحها كويسه 80% يعني بعدها بتكون بأذن الله كويسه لكن المشكله كيف تقتنع هي
نجلاء..ياحياتي عليها اكيد بترفض اذا هي تخاف من الابره كيف العمليه
حمد...الله يعين بكرا بتدخل ونشوف الوضع والله يصبرنا على دلعها
نجلاء..ههههههههههههه الحين اذا دلعها مو عاجبك ليه تتزوجها
حمد وهو قايم بيطلع..فيه فرق اذا دلعها وانا زوجها واذا دلعها وهي مريضه وانا دكتور
نجلاء بصوت عالي ..حمد بكرا بروح لشوق وديني قبل ماتروح
حمد ..ان شاء الله

في بيت ام فيصل غدير كانت بعالم ثاني عالم ملئ سعاده وفرح تفاءل وامل ..لكن هذا مانساها احتياج اختها لها فااعتذرت من سعد ولاطولت معه وراحت تسهر مع اختها وتخفف عنها مع الكل الكل انبسط وحاولوا ينسون ساره الي كانت تحاول تداري لكن بالاخير ماقدرت وبكت وقالت لهم ان احساسها بالوجع هالمره مختلف وهالشئ خوف البنات عليها لكن بلاخير هدت وتركوها تنام وترتاح..

الصباح طلعت ساره وام فيصل مع محمد للمستشفى لان فيصل كان عنده موعد مهم ..وصلوا للمستشفى وقابلهم حمد وعملوا اجراءات ساره ودخلت للغرفه لكن هالمره بااحساس الضعف الظاهر احساس فقدان الامل ..احساس الخوف والتردد..السواد والالم ولاول مره تكلم حمد بهالاسلوب وقدام امها واخوها..

ساره بتردد..حمد انا بمووت صح
حمد الي تفاجئ من كلامها رد بسرعه ...لا ساره الاعمار بيد الله سبحانه ماهو انا ولااي احد يقدر يحددها بعدين هالضعف مابيساعدك لازم ياساره تكونين متفاءله خلي ايمانك بالله قوي
ام فيصل حضنت ساره الي ماقدرت وبدت تصيح
محمد..سارونه مايصير كذا حبيبتي
حمد..ساره امسحي دموعك واذكري الله وحالتك من قال انها خطر لاننا رجعنا لا مو خطر بس تحتاجين فحوصات ولازم تنعمل بنفس المستشفى اخليك ارتاحي وراجع لك حتى نبدأ بالفحوصات..
طلع حمد ومحمد وتركوا ساره امها تقرأ عليها قرآن لحد ماهدت شوي..

مر هاليوم حزين كئيب على بيت ام فيصل ..كل الموجودين حسوا أن البيت انطفت انواره لان ام فيصل ماهي موجوده ..وساره تعبانه وفيصل شكله مرهق ومن دخل وهو سرحان غدير كانت متوتره واماني خايفه اما شوق اتصلت بحمد وتطمنت على ساره وطمنتهم لكن الجوو الحزين غلب على الكل وحتى سلوم الي كان على غير عادته هادي ولايلعب ..

بالليل الكل دخل غرفته ينام والعنود نامت عندهم لان ام فيصل طلبتها ينامون طوال الفتره الي هي بالمستشفى مع بعض في بيتها ووافقت العنود ..

بالليل فيصل مو قادر ينام احساس بخووف بالفقدان احساس بالمسؤليه احساس بالضعف احساس دمر اعصاب فيصل من كثر التفكير حطم هالصمت واتصل بسعد الي حاس فيه من سمع صوته حاول يسولف معه لكن مافيه فايده فيصل يتكلم بشكل عشوائي وكأنه يحاول يمنع الاحساس بالاصوات داخله اصوات نابعه من طفله صغير من اخت دلوعه من ابنه هاديه اصوات من ضحكه بريئه من انسانه مختلفه قاطع عليه سعد
سعد..فيصل تكلم يااخوي ريحك نفسك
فيصل ..آه ياسعد قلبي معورني عليها والله لو تشوف البيت احسه نار تحرقني احس جدرانه ارضه كلها فاقده الحضن الدافي سلوم والبنات الكل الحزن مرسوم عليه وانا مااقدر اتحمل والله
سعد..فيصل انت عمرك ماكنت ضعيف شفيك
فيصل ..سعد تعبت انا بشر اختي بنتي الي بالمستشفى امي الي غايبه عن البيت خواتي الي الحزن مرسوم على وجيهم مااقدر مااكون ضعيف
سعد..فيصل انت بالنسبه لهم مصدر القوه تحمل طول عمرك تكابر اي احساس بداخلك هالمره لازم تكابر الضعف لازم تكون قوي حتى تساعد اهلك
فيصل ..الله يعين يالله سلوم عندي وبدخل البيت اكلمك وقت ثاني فمان الله
سعد..الله معك وهونها يااخوي وتهون وربك كريم
سعد ..والنعم بالله

الصباح صحت العنود وسلوم ونزلوا حصلوا شوق
شوق..صباح الخير
العنود..صباح النور صحيتي
شوق..توه محمد طلع مع فيصل بيمرون ساره بعدين عالشغل
العنود..اوكي غدير ماصحت
شوق..لا تعالي بكلمك شوي
العنود..خير
شوق..جوو البيت مو عاجبني حالة الاكتئاب مسيطره على الكل اذا قدرت على محمد صعبه اقدر على فيصل لكذا لازم اماني وغدير يتفاءلون حتى يقدر فيصل على الاقل يبتسم لو تسمعين محمد كيف يحكي عن حالة فيصل امس
العنود ..ولايهمك شوق الكل بيضحك واولهم فيصل
شوق باابتسامه ..شلون
العنود..فيصل مايقاوم سلوم بخليه يجلس معه وان شاء الله يقدر ينسيه شوي
شوق..اوكي الحين بطلع اصحي البنات
العنود..اوكي

خلود وعبير بدوا يتقبلون بدور عن قناعه مو مجامله خصوصاً بعد مااأعتذرت لهم وقالت انها ندمانه على كل الي صار ..انشغلت عبير بملفات نواف ومع اهلها بتأثيث بيتهم الجديد ..اما خلود قربة من بدور اكثر من عبير لانها تسهر معها كثير..
بدور..خلود انتي زعلانه من امي
خلود وسكتت ..لا
بدور..اعرف انك زعلانه ومو انتي بس الكل لكن حاولوا تسامحونها
خلود..الله يسامح الجميع الا ماقلتي لي كيف دلال وامل
بدور..تصدقين دلال مثلي مسكينه
خلود..شلون مسكينه
بدور..انا ودلال كنا مغترين بجمالنا كثير وكل شئ تقوله امي او خالتي ننفذه لما قالوا لدلال انها تتزوج وافقت وهي ماتعرف شئ عنه الا شكله ولاكان يهمها لكن بعد الحادث امي وخالتي استحوا عيب عند الناس يرفضون ولكن دلال كانت تربيتهم المهم عندها المظهر لكذا كلمت نواف بطريقة بنت دلوعه مراهقه كل الي يهمها نفسها ورفضت بعدها حاولت امي وخالتي يعدلون الموقف بس نواف رفض
خلود..يعني هي ماكانت تحبه
بدور..بذاك الوقت دلال كانت تحب الشكل الحلوو وبس كانت فارغه من اي معاني ثانيه وانا كنت مثللها الى وقت قريب
انبسطت خلود وكان ودها تقول لعبير كل شئ بهالوقت لكن استحت تترك بدور واجلت الكلام اذا نامت بدور ..

اما عبير كانت بغرفة فهد تسولف معه عن بعض الامور الي طلبها نواف وقبل ماتطلع
عبير..فهد ابي جوالك ثواني ممكن
فهد..ممكن بس من بتكلمين هالوقت
عبير..بكلم نجلاء
اعطاها قهد الجوال وعمل نفسه مشغول بالاوراق وهو كل تفكيره عند الكلام الي تقوله
عبير..ليه ماتردين على تيلفون البيت
نجلاء..بغرفتي بنام
عبير..تنامين الحين مكلمتني العصر توك صاحيه
نجلاء..ماسمعتي اختراع اسمه حبوب منومه
شهقة عبير..مجنونه تعملينها نجلاء اتصلي على تيلفون البيت بسرعه
نجلاء..مالي خلق
عبير..نجلاء مايصير ليه ماتجين تسهرين عندنا
نجلاء..لا حبيبتي بيت فيه اخوك مابجي اخاف يطردني
عبير..هههههههه صدق بدور عندنا
نجلاء..احلفي يالله بكلم حمد اقوله
عبير..بتظلين خبله بالله باي
سكرت عبير..شكرا فهد
قهد بعدم اهتمام..بتجي نجلاء
عبير..بتسأل حمد بس مااعتقد يوافق لانه بالدوام والله كاسره خاطري بيت كبير مافيه الا هي
قهد..اذا حمد ماعنده مانع اطلع معك نجيبها
عبير مستغربه وقالت بعفويه ندمت عليها..مااتوقع هي توافق
فهد رافع حاجب..وليه ان شاء الله
نجلاء..تستحي اكيد
قهد..براحتها

طلعت نجلاء واتصلت بنجلاء الي رفضت وقالت تنام احسن ولاتحس بغطف او رحمه من فهد ..

اما في بيت ام فيصل دخل سلوم يركض ووراه فيصل ..

سلوم..عنوده بنام عند فيصل
العنود انبسطت لان توصيتها لسلمان نجحت ....طيب
فيصل ..السلام عليكم
الكل ..وعليكم السلام
شوق..فيصل وين محمد
فيصل..براا بالحديقه ماعنده احد
طلعت شوق والتفت قيصل على غدير
فيصل..غدير ابي قهوه لو سمحتي
غدير..ان شاء الله
فيصل..العنود السواق بكرا مسافر ومفاتيح غرفته معي تحبين اعطيك اياها
العنود..لا ماابيها
فيصل ..اموون شو الاخبار
اماني..ضيقة خلق البيت من غير خالتي وساره
ضربتها العنود بيدها وتنهد فيصل وقال..الله كريم

اما بالحديفه جلست شوق مع محمد الي واضح انه مرره تعبان
شوق..محمد خير شصار..؟
محمد بعد لحظة صمت..مااقدر ادخل البيت ولااشوف امي الحزن المرسوم على وجيه خواتي يذبحني آه ياشوق
شوق بخوف..محمد حياتي ارجوك لخاطر ام فيصل لاتعمل بنفسك كذا كلها كم يوم وترجع خالتي وساره وينورون البيت
محمد..يارب

بالصاله كانت العنود واماني وسلوم جالسين بنفس اماكنهم انفتح باب المكتب وطلع فيصل بسرعه
وهو ينادي محمد بصوت عالي و شماغه على كتفه وشكله مو على بعضه ورمى مفاتيح
فيصل وهو طالع..العنود اقفلي الباب وانتبهوا لحالكم انا رايح لساره تعبانه
طلع فيصل وطلعت غدير بعد ماسمعت صوته لحقته ولارد عليها كل الي سمعته انه قال لمحمد ساره حالتها خطره وطلع مع محمد وتركوا الكل في حالة انهيار تام ماعدا العنود الي حاولت تكون قويه وفشلت ..
وصل فيصل ومحمد بحاله الله العالم فيها وبسرعه راحوا لغرفة ساره حصلوا الاطباء وبسرعه محمد راح لامه الي كانت بحاله سيئه جداً ..اما فيصل بادره حمد بسرعه
حمد..مافيه وقت للأسئله بننقلها لغرفة العمليات روح وقع الاوراق وادعي لها
مشى فيصل ورجع ومسك حمد من اكتافه ..حلقتك بالله تبذل كل جهدك هذي ساره الغاليه
حمد..فيصل انا دكتور والمريض يهمني سواء كان قريب لي او لا توكل على الله
راح فيصل ووقع الاوراق وساره انتقلت لغرفة العمليات ..
سأل فيصل عن موعد العمليه قالوا مايقارب خمس ساعات ..رجع والحزن كله مسيطر عليه وحصل امه منهاره اخذها بحضنه وظلت تصيح وهو يحاول يكون قوي ويطمنها حاول يقنعها ترجع ورفضت ودخلت للغرفه وتوضت وبدت تصلي ..

اما محمد كان بحالة صمت زفيصل بحالة توتر
اتصل فيصل بالبيت وكل كان منهار ردت العنود
العنود..فيصل طمني شلونها
فيصل بصوته كل الحزن..ادعوا لها دخلت لغرفة العمليات المهم العنود لااوصيك البيت قفلي اباب وخليكم عند التيلفون
العنود..ان شاء الله
فيصل ..مع السلامه
العنود..سكرت وجلست تصيح لان ساره مثل اختها وتعني لها هالعايله الشئ الكثير مو كفايه انها لقت لها خوات واخوان وام حنونه وطيبه ..

بالمستشفى كان فيصل جالس ينتظر ومحمد راح له
محمد..فيصل ساره مابيصير لها شئ ان شاء الله
قتح فيصل عيونه والتفت على محمد الي ارتمى بحضنه وبدى يصيح ونزلت دموع فيصل بعد محاوله فاشله لمنعها
فيصل..كل شئ بيد الله الله يقوما بالسلامه
محمد..لا ساره مابتتحمل العمليه شلون لازم ندخل معها
فيصل ويهدي اخوه..محمد اذكر الله العمليه مطوله تعال وانا اخوك خليني نصلي ركعتين وندعي الله

راح محمد مع فيصل يصلون وتركوا ساره بغرفة العمليات الله سبحانه الي عالم بحالها ..



(( شكـــــراااا لتــواصلكــم ))

<<<<<<<<< و تــرقبــوا الجــزء 23 (( قبل الأخيــر ))

تحيــــاتـي

بسمــة ألـــــــم



....................
__________________
بسمـة ألــــــم غير متواجد حالياً  
قديم 21-07-2006, 11:21 AM   #76
القصيميه..
عضو غير مشارك
 
تاريخ التسجيل: May 2006
المشاركات: 0
معدل تقييم المستوى: 0
القصيميه.. is on a distinguished road
افتراضي

وااااااااااااااااااااااااااااااااااااااااااااااااا ااو روووووووووووعه

أخيراً الجزء الأخير قرب

بس وربي مابي تنتهي

وربي داخله جو مع القصه
__________________
تم حذف كافة تواقيع الأعضاء من قبل إدارة الرس اكس بي ونامل منكم مراجعة قوانين المنتدى قبل إعادة بناء توقيعك وشكراً
القصيميه.. غير متواجد حالياً  
قديم 21-07-2006, 08:35 PM   #77
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
افتراضي

............

شــكــرا علــى مــروركــ القصيميــة ..



............
__________________
بسمـة ألــــــم غير متواجد حالياً  
قديم 22-07-2006, 12:18 AM   #78
المنسم
عضو بارز
 
تاريخ التسجيل: Feb 2006
الدولة: فــي قـــلـــــب آلــرٍـرٍســُ
المشاركات: 364
معدل تقييم المستوى: 0
المنسم is on a distinguished road
افتراضي

وااااااااااااااااااااااااااو الرواية حلوة ومثيرة في الأجزاء الأخيرة وننتظر الباقي ومشكورة أختي بسمة الألم

ويسلموووووووووووووو
المنسم غير متواجد حالياً  
قديم 22-07-2006, 07:20 AM   #79
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Cool

...............

[blink]الــعـــفووووو[/blink]



................
__________________
بسمـة ألــــــم غير متواجد حالياً  
قديم 22-07-2006, 07:46 AM   #80
بسمـة ألــــــم
عضو اسطوري
 
الصورة الرمزية بسمـة ألــــــم
 
تاريخ التسجيل: Apr 2006
الدولة: القمـــــر
المشاركات: 9,169
معدل تقييم المستوى: 0
بسمـة ألــــــم will become famous soon enough
Cool عـــــدناااااااااااااا




[blink] (( فــــي الجـــزء الســابـق ))[/blink]

راح محمد مع فيصل يصلون وتركوا ساره بغرفة العمليات الله سبحانه الي عالم بحالها .. !!؟؟


الـجــزء الــ [blink]23[/blink]



صلى فيصل ومحمد ودعوا الله يرحمهم ويقوم اختهم بالسلامه.. احساس الاحتياج.. احساس الخوف.. الامل.. القوه.. الضعف احاسيس ..كانت تتصارع بداخل كل واحد منهم مهما كان الشخص قوي وذو نفوذ وشهره ومال مهما كان جامد متبلد من غير احساس لحظة المرض كل شئ ينتهي لحظة العدو الاول للأنسان المرض مايقدر اي واحد يتحكم بمشاعره لحظة تمر الثانيه فيها كانها دهر وفعلاً هذا الي صار لفيصل ومحمد الي ظلوا يدعون الله لأختهم ..ظلوا يعدون الثواني قبل الدقايق ويشوفون الحزن مرسوم والامل غايب يشوفون الفرحه تودعم والالم يعانقهم يشوفون الامنيات تتحطم والاماني تتبعثر ..لحظات بكت السعاده والراحه وتألمت الذكريات ..هذا حالهم بالمستشفى اما ..
بالبيت الوضع كان متوتر الكل بحالة بكاء وخوف الكل ماهو عارف هل بيشرق بحياتهم يوم يحمل فرح او يوم تكون ساره نور بيتهم غابت عن الحياة ومن يوصلون لهالنقطه يدخلون بحالة بكاء شديده ماتوقف الا اذا ذكروا أن الله رحيم بعباده وان شاء الله بيرحمهم ..ويقوم اختهم بالسلامه وترجع شمعه تنور بيتهم وترجع ضحكتهم وفرحتهم ..

اما ببيت ام فهد البنات كانوا سهرانين ومبسوطين عبير وبدور وخلود اما فهد كان نايم وقطع عليهم صوت التيلفون ورفعته خلود
خلود..الو نعم
المتصل..السلام عليكم
خلود باابتسامه..وعليكم السلام
المتصل..هلا خلود فهد جواله مغلق موجود
خلود وعصبت لانه حتى ماسأل عنهم..ايه نايم
المتصل..طيب صحيه وخليه يجي لمستشفى الامن ساره بغرفة العمليات
شهقت خلود والتفتوا عليها البنات ..احلف شفيها شلونها
المتصل..مو وقته يالله باي
خلود..سلطان وقف لحظه البنات بالمستشفى معها وخالتي
سلطان..لا اهلي طالعين لهم بقول لهم يمرون عليكم بسرعه خلي فهد لازم نكوون مع العيال

سكرت خلود وصاحت والكل صاح خوف على ساره لانها طيبه ولاتستاهل لكن هذا قضاء وقدر ولازم نرضى فيه ونحمد الله الذي لايحمد على مكروه سواه ..

طلع فهد للمستشفى وصادفه نواف وسلطان وصقر ولاحصلوا فيصل ولامحمد اما ام فيصل الام الي بنتها بغرفة العمليات
الام الي تعاني وتتعذب وحبيبتها تتألم الام الي تمسح دموعها من دون احساس الام الي تشوف الحزن يقترب رفضت وسوسة الشيطان لها و سلمت امرها لله وجلست على سجادتها تناجي الواحد الاحد تدعي الرحمن الرحيم ..ام فيصل رغم خوفها ايمانها بالله صبرها ..وظلت على سجادتها من دخلت بنتها للعمليات على امل انها ترجع لها ..

بالبيت شوق حاولت تتصل بمحمد لكن جواله مغلق وحتى فيصل
اماني وهي تصيح ..شلون لازم نعرف
غدير وهي تصيح..بتصل بسعد
العنود..ايه بسرعه
اتصلت غدير ..
سعد..هلا وغلا
غدير وصوتها تصيح ..سعد
سعد..عيونه غدير شفيك
غدير..سعد ساره بغرفة العمليات وفيصل ومحمد تيلفوناتهم مقفله
سعد..اوكي انا طالع لهم وبطمنكم انتبهوا لحالكم واذكروا الله ومابيصير ان شاء الله الا كل خير
غدير..طمني بسرعه
سعد..خير ان شاء الله

وصل الكل بيت ام فيصل وحاولوا يهدون البنات من حالة القلق الي هم فيها
العمه لطيفه..لا اله الا الله يابناتي مايصير اختكم ان شاء الله طيبه
العنود..ان شاء الله
ام نواف..عبير يمه اتصلي بنجلاء البنت لحالها بالبيت
شوق..كلمتها بس مافيه احد يجيبها
ام نواف..بروح انا اجيبها وحده منكم تجي معي كلمي قولي لها حمد الي عامل العملليه واكيد بيطوول

طلعت ام نواف وعبير وجابوا نجلاء الي شاركت الكل حالة الحزن والخوف والتوتر الي عايشينها ..

وصل سعد وحصل اول شخص نواف وسلم عليه والتفت على جهة فيصل وحصله واقف عند الباب بحالة حزن وشكله كبر عشرين سنه اما محمد كان جالس ورأسه للأرض وحالة تصعب عالواحد ..قرب لفيصل ورفع رأسه فيصل
سعد..لا اله الا الله
فيصل..بكل الحزن .. لااله الا الله محمد رسول الله
سعد..فيصل يااخوي تطمن والي الله كاتبه بيصير
فيصل ويأشر ..سعد انا بخير روح لمحمد
التفت سعد على محمد وراح لعنده يهديه وبعدها اتصل بالبنات وطمنهم وظلوا الكل بحالة صمت فيصل بنفس المكان واقف محمد رايح راد والكل بحالة قلق وتوتر ينتظرون موعد الفرج من الرحمن الرحيم

مرت اللحظات بطيئه عليهم الكل يتمنى هالباب ينفتح الكل خايف الكل ضايع الكل يشوف الموقف قدام عيونه .
الكل يحس الساعات الي مرت عمر محمد وفيصل الثانيه كانت سنه الدقيقه كانت عمرهم كله كان الدقايق تحرق اعصابهم ينتظرون الامل يرجع من هالباب الي له ست ساعات جامد ولاهو حاس بمشاعر تحترق تتعذب تنتظره ينفتح ...وبلحظه انفتح الباب ..طلع حمد وقف راح له فيصل محمد الكل وقف عنده
فيصل ويمسكه مع كتفه..حمد تكلم
حمد وبكل تعب..نجحت العمليه تستاهلون سلامتها
محمد جلس عالأرض وبسرعه نزل له نواف ولااعطاه فرصه وقال له يروح يبشر امه
فيصل..حمد شلونها بشوفها
حمد ويحط يده على كتف فيصل..تطمن تحتاج 24 ساعه بالعنايه المركزه ادعي الله انها تعدي على خير
فيصل وتوتر اكثر..شلون حمد مو تقول نجحت العمليه
حمد ..فيصل تطمن صح كانت صعبه لكن الحمد لله نجحت
فيصل والتفت ومشى عنهم
فهد..فيصل وين رايح
سعد اشر لسعد يعني اتركه عرف ان فيصل محتاج يكون لحاله والكل احترم رغبة فيصل

بغرفة ام فيصل دخل محمد وفزت لدخلته وحضنه وهو يقول نجحت يمه العمليه صاحت ام فيصل وصاح معها محمد مهما كابر مايقدر وهو بحضن امه حس انه ارتاح وارتاح من كل همومه وتعبه وهو بحضنها وحس ان امه تحملت كثير وبدأ يهديها وطلعت معه
ام فيصل ..حمد حمد يمه بشرني
حمد باابتسامه..الحمد الله على سلامتها خالتي
ام فيصل..حمد احلف ان بنتي بخير
حمد..خالتي ساره بخير وبكرا بتشوفينها لكن الحين صعب العمليه ماهي سهله
ام فيصل ..ياربي ياقلبي يابنيتي
حمد؟..هههههههه خالتي الله يعينا عليها بتزعل علينا
ام فيصل..الله يقومها بالسلامه وتزعل واراضيها تسلم ياولدي والله ماقصرت
حمد..واجبنا ياخالتي الحين شرايك تروحين ترتاحين وبكرا ترجعين
ام فيصل..واترك بنيتي
محمد..يمه معه حق يالله اوصلك ونطمن البنات كلهم حالتهم الله العالم به
بعد محاولات رجعت ام فيصل مع محمد وكل العيال طلعوا ماعدا سعد الي راح لفيصل وحصله بسيارته
سعد..فيصل
رفع فيصل رأسه وانصدم سعد فيصل يصيح...اذكر الله يارجال مافيها شئ الحمد لله
فيصل ..ست ساعات كانت دهر كانت عمري كله سعد حسيت روحي بتطلع تمنيت امسك يدها اقولها لاتخافين احنا جنبك كلنا تمنيت احضنها واطمنها قبل لاتدخل تمنيت اعطيها قلبي ولاتعيش لحظة الم مااقدر خواتي نور عيوني خواتي هم سعادتي ابتسامتهم هي فرحتي ودمعتهم نار تحرقني سعد اليوم تمنيت اصرخ اصيح اقول للعالم اختي داخل بنتي تعمل عمليه بقلبها الطاهر قلبها البريئ قلبها الصافي تمنيت اجلس عالرض مثل طفل صغير وامي تحضني تمنيت وتمنيت ماقدر ماقدر الا اني اكوون قوي ودي اصرخ
حط فيصل رأسه وحس سعد ان فيصل تعبان وتركه شوي بعدها حاول انه يهديه والحمد لله قدر ونزل معه عند حمد داخل المستشفى ..

وصلت ام فيصل للبيت والكل استقبلها وبكت وبكوا معها وطمنتهم الكل تعبان وناموا عندهم بالبيت لكن ام فيصل كانت تنتظره ماشافته بالمستشفى ولارجع للبيت طلعت فتحت المكتب ولاحصلته ولابغرفته دخلت على غدير وحصلتها هي والعنود وعبير صاحين ونزلوا معها ..

ام فيصل..مايصير جواله مغلق وين ولدي ماشفته
غدير..يمه اصحي محمد اسأله
ام فيصل..وين نجلاء نايمه
عبير..ماادري ليه تبين شئ خالتي
ام فيصل..اتصلي بفهد شوفي
اتصلت وحصلت جواله مغلق
ام فيصل..ياربي الكل نايم وين راح
العنود..غدير اسألي سعد
ام فيصل..لا اخاف يكون نايم
غدير..اذا نايم بيقفل جواله بجرب
اتصلت غدير ورد عليها
غدير..هلا سعد
سعد..هلا غدور يسعد لي هالصباح
غدير واستحت..سعد فيصل معك
سعد بخيبة امل..شدعوه قلت اشتاقت لي لا فيصل الله يسلمك توني تركته من ساعه بالمستتشفى رفض يرجع وجلس عند ساره
غدير..ايووه لان امي قلقانه ماقدرت تنام لانه مارجع
سعد..طيب غدور خالتي عندك
غدير..ايه
سعد..هههههههه خساره كنت ناوي استغل الفرصه واسولف سلمي عليها وبكرا لنا كلام ثاني
غدير باابتسامه..ان شاء الله مع السلامه
سكرت غدير وطمنت امها الي دخلت غرفتها تنام رغم انها مو مرتاحه ولاقادره تغمض عينها وبنتها بالعنايه

غدير..ياعمري يافيصل تلاقين حالته بالارض لكذا مارجع للبيت
عبير..اذا محمد حالته كذا شلون فيصل
العنود..الله يعينهم اختهم وبعدين ساره غاليه عليهم
غدير..الله يقومها بالسلامه
الكل ..آميين

الساعه ثمان بالمستشفى مر حمد على فيصل وحصل مازال صاحي
حمد..مانمت
فيصل..وانت قدرت تنام
حمد باابتسامه..ماقدرت اطلع من المستشفى
فيصل..كيفها حمد
حمد..تطمن فيصل تتوقع اني اكذب صدقني انت تعرف ساره شو تعني لي وتعرف شثر عانيت بهالعمليه لانها لانسانه تعني لي تطمن يااخوي
فيصل..يعني حمد بتتحسن
حمد..ان شاء الله
فيصل..طيب بشوفها بمسك يدها يااخي حرام عليك ارحمني
حمد..مااقدر فيصل قلت لك روح نام وتعال بالليل ويمكن اخليك تدخل وبعدين لااحد يجي لانها بتصحى عالفجر وبنطلعها لغرفه عاديه فيعني ماله داعي احد يجي
فيصل ..بروح ابدل قبل مايصحى احد وارجع واعطيهم خبر واذا صار شئ اتصل على جوال محمد جوالي مااعرف وين حطيته
حمد..اوكي فيصل

وصل فيصل البيت وحصل امه الي حظنته وبكت وحاول يمزح معها
فيصل ..يمه ترى ناقصني حنان الله يخليك دمعه زياره مااتحمل اخاف امووت
ضربته امه..بسم الله عليك
فيصل..هههههههه الغاليه وين العالم نايمين
ام فيصل..سلوم راح يلبس مع العنود وغدير واماني بالمطبخ والبنات فوق والباقي بالمجلس
فيصل وهو يضحك...ملاهي اهم ئ غرفتي فاضيه
ام فيصل ..الله يطمني على اختك ويفرحني فيك
فيصل ويضحك..ن شاء الله ابشري لو تبيني اعرس الحين موافق
ام فيصل مستغربه..صدق موافق
فيصل..بس بشرط الحين بهالحظه
ام فيصل..تلعب علي روح غير اشوف
فيصل ..مايهون علينا زعلك ابشري الغاليه الي تبينه بيصير بس عطينا شوية وقت
ام فيصل..طيب يالعنيد ولارحت الزينه روح دور لك بنت ثانيه ولابتلاقي وحده مثلها
فيصل رافع حاجب..راحت الزينه
ضحكت ام فيصل وهي طالعه..ايه راحت اذا مالحقت عمرك مابتنتظرك
فيصل بالنهايه عرف ان امه تجره بالكلام..يمممممممه بعدين ترى تعبان واخاف اقول كلام اندم عليه عن اذنك
اخذ له شور سريع فيصل وطلع وهو مازال يفكر بكلام امه ياترى الزينه الي تقصدها امه هي نفسها الي ببال فيصل ..او الزينه عندها هي الي جمالها ظاهر وشكلها حلو ياترى اذا الزينه الي ببال فيصل والي هي الحلوه الحبوبه الصريحه الواضحه المرأه بكل ماتعني الكلمه له ..ممكن تروح ولمين ظل فيصل يفكر هل امه فعلا هالمره عرفت فيصل من اختار او اخطئت حاول يتوصل لرائي يقنعه ماحصل الى ماوصل المستشفى وطلع حمد بعد وصولها لمدة ساعه ورجع حتى محمد مر على فيصل تطمن على ساره ورفض انه يجلس لازم احد منهم يظل بالبيت ورجع محمد والكل ينتظرون الصباح حتى يشوفون ساره ابتدا من دكتورها حمد وانتهاء بسلوم الصغير ..



...................
__________________
بسمـة ألــــــم غير متواجد حالياً  
موضوع مغلق

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:17 PM


Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir